QR Úkimetiniń qaýlysyna sáıkes 2015 jyldyń 1 qańtarynan bastap 2016 jyldyń 1 qańtaryna deıin Jambyl oblysy aýmaǵynda erikti jáne aqyly túrde qarý-jaraqtardy tapsyrý aksıasy júrgizildi, - dep habarlaıdy «Qamshy» portaly BNews.kz-ke silteme jasap.

Jambyl oblysynyń İİD usynǵan málimetinshe, 2015 jyldyń 1 qańtarynda aımaqta 1631 qarý tirkelgen. Onyń ishinde 517 oq atatyn, 1114 gazdy travmatıkalyq qarý bar.

2015 jyldyń 1 qańtarynan 31 jeltoqsanyna deıin jergilikti turǵyndar tarapynan 1637 ótinish túsip, erikti túrde 1637 travmatıkalyq qarý tapsyryldy.

Qarýlardy qabyldaǵan komısıa sheshimimen 82 mln 80 myń teńgege 1610 qarý satyp alyndy. 77 mln 797 myń teńge tólenip qoıdy. Qalǵan qarýdyń aqshasyn 2016 jyly beretin bolady.

Tirkeý merzimi buzylǵan 50 qarý tapsyrylyp, olardyń ıeleri ákimshilik jaýapqa tartyldy. Aıyppul kólemi 258 myń teńgeni qurady.

2016 jyldyń 1 qańtaryna deıin travmatıkalyq qarýdy tapsyrmaǵan azamattar QR QK 287 babyna sáıkes jaýapqa tartylady.