Bir kúni kompanıa (munaı) jumys istep jatqan jerge úsh polısıa keldi. Men bastyqtyń kabınetinde otyrǵamyn. Olardyń kelip turǵanyn bastyq ta terezeden kórip otyr eken, dereý maǵan «analardyń nege kelgenin bilip kelshi» dedi. Men syrtqa shyǵyp, olardyń ne úshin kelgenin suradym. Saqshylar munda qytaıdan zańsyz kelip jumys istep jatqan adamdar bar ma, sony teksergeli kelgenin, jáne bastyqqa kiretinderin aıtty. Men qaıta kirip, olardyń kelý maqsatyn bastyqqa jetkizdim. Sol kezde qytaı bastyq maǵan «sen dereý analarǵa baryp, úsh ıt qazir tez qaralaryńdy batyryńdar, áıtpese ákelerińdi tanısyńdar dep aıt» dedi. Men oǵan olaı aıtsaq bolmaıdy, durystap túsindirip qaıtaraıyq dedim. Biraq, qanyn ishine tartyp surlanyp alǵan ol «joq, dál osy meniń sózimdi jetkiz, ıt degen qazaqsha qalaı aıtylady, dál solaı aıtyp jetkiz» dedi. Men syrtqa shyǵyp olarǵa «sizder qazir qaıtyp ketińizder, áıtpese, myna qytaı qazir bastyqtaryńa zvandap, senderdi jumystan shyǵartyp jiberemin» dep jatyr dedim. Álgi úsheýi birdeńe dep oryssha sóılesip aldy da, taıyp turdy... Men bulardy jazý arqyly eshkimniń ashý-yzasyna tıeıin dep otyrǵan joqpyn. Bizdiń «qudiretti» quqyq qorǵaýshylarymyzdy (bireýin ıt degeni bárine solaı qaraǵany), Qazaqstan respýblıkasynyń polısıasyn ashyq túrde ıtke teńep balaǵattaǵan qytaı kináli me, joq ıt bolyp júrgen polısıanyń ózi kináli me, álde solardy ıt dárejesine túsirgen júıe, nemese siz ben biz kináli me? degen suraqtyń jaýabyn sizdermen birge tabý edi. Múmkin, eshkim kináli emes shyǵar?... (Murat Almasbekulynyń feısbýktegi paraqshasynan alyndy)