Dinı basqarma "BÁIGE" jarıalaıdy Qurmetti oqyrman! Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly elimizdiń musylman qaýymy úshin 2014 jyl – «Din men dástúr» jyly dep jarıalady. Osyǵan oraı, QMDB-nyń ýaǵyz-nasıhat jáne ǵalamtormen jumys bólimi men QMDB-nyń muftyat.kz resmı saıty shyǵarmashylyq báıge jarıalaıdy! Shyǵarmalar saıysynyń taqyryby: «Islam jáne dástúr». 1-shi oryn – 250 000 tg. 2-shi oryn – 150 000 tg. 3-shi oryn – 75 000 tg. Saıysqa qatysý tegin ári jas mólsherine shekteý qoıylmaıdy. Saıys jeńimpazyn halyq jáne arnaıy ádilqazylar alqasy anyqtaıdy. Kelip túsken materıaldar 1 kúnniń ishinde arnaıy taǵaıyndalǵan sarapshylardyń saraptamasynan ótip, tómende kórsetilgen sharttarǵa sáıkes kelgen jaǵdaıda, materıaldy úmitker shyǵarma retinde saıtymyzda jarıalap otyratyn bolamyz. Jarıalanǵan ýaqyttan bastap halyqtyń daýys berýi júzege asyrylady. Shyǵarmalardy qabyldaý 5 naýryz men 15 sáýir aralyǵynda júrgiziledi. Saıys qorytyndysy 18 sáýir kúni belgili bolady. Jeńimpazdy anyqtaý barysynda saıt oqyrmandarynyń da daýysy eseptelip, ádil qazylar alqasynyń sheshimine áser etetin bolady. Daýys berý tek muftyat.kz saıtynda jaryq kórgen shyǵarma janynda ornalasqan «unaıdy» nemese «unamaıdy» tetikterin basý arqyly ǵana júzege asyrylady.
Shyǵarmalarǵa qoıylatyn talaptar: Shyǵarmanyń kóshirme (plagıat) bolmaýy shart, ıaǵnı bógde avtordyń oıyn nemese oqıǵa jelisine uqsas jazylǵan bolsa, saıysqa qabyldanbaıdy. Eger buryn jarıalanǵan shyǵarma bolsa, alǵashqy derekkózdi kórsetýi mindetti. Din men dástúrdiń sabaqtastyǵy ár qyrynan jan-jaqty ashylýy qajet. Shyǵarmanyń mátini qatesiz ári sóılem qurylysy durys bolýy shart. Dinaralyq nemese ultaralyq arazdyq týdyratyn shyǵarmalar qabyldanbaıdy. Shyǵarma kólemi A4 kólemindegi 3 bet pen 5 bettiń arasynda bolýy qajet. Mátinge mán bere túsý úshin árbir avtor kólemi 40 kb aspaıtyn fotosýret qoldanýyna bolady. Saıysqa qatysýshylar óz shyǵarmalaryn bayge-kmdb@mail.ru elektrondy poshtasyna joldaýy kerek.
Eskertý: 1. Ádilqazylar alqasy óz sheshimderi úshin túsindirme berýge mindettelmeıdi. 2. Saıysqa qabyldanǵan shyǵarmalar avtorlarǵa qaıtaryp berilmeıdi. 3. Saıysqa jiberilgen shyǵarmalardy qoldaný quqyǵy muftyat.kz saıtyna tıesili bolady. 4. Muftyat.kz saıtyna jarıalanar shyǵarmalardy óńdeýge nemese túzetýge quqyly bolyp esepteledi.
