ۇكىمەت وتىرىسىندا ەلباسى ن. نازاربايەۆ ۇلتتىق ەكونوميكا ءمينيسترى ەربولات دوسايەۆقا "قىزمەتىنە تولىق سايكەس ەمەس" دەگەن ەسكەرتۋ بەرىپ، ورىنباسارى قايىربەك وسكەنبايەۆتى لاۋازىمىنان بوساتاتىنىن ايتتى. ەلباسىنىڭ ءسوزىن بولگەن ەربولات دوسايەۆ ەلباسىدان ءوزىن دە وتستاۆكاعا جىبەرۋىن سۇرادى، - دەپ حابارلايدى Qamshy.kz.
"نۇرسۇلتان ءابىش ۇلى، ءسىزدىڭ ءقازىر قابىلداعان شەشىمىڭىزدى ەسكەرە وتىرىپ، قابىلدانعان جەر كودەكسى" قاجەت جانە وزەكتى، الەمدىك تاجىريبەگە ساي كەلەدى دەپ سانايمىن. قوعامدا بولىپ جاتقان تالقىلاۋلار مەن قالىپتاسقان جاعدايعا بايلانىستى مەنىڭ ۇلتتىق ەكونوميكا ءمينيسترى لاۋازىمىنان وتستاۆكامدى قابىلداۋىڭىزدى سۇرايمىن"، - دەدى ە. دوسايەۆ. سونداي-اق، ول وزىنە سەنىم بىلدىرگەن ەلباسى مەن بىرگە قىزمەت ەتكەن ۇكىمەت مۇشەلەرىنە العىس ءبىلدىردى.
