كوشi-قون سۋبەكتiلەرiن تiركەۋ جەكە باستى كۋالاندىراتىن قۇجاتتار بويىنشا جۇزەگە اسىرىلادى. ورالمان مارتەبەسىن بەرۋ جانە (نەمەسە) ورالمانداردىڭ كوشىپ كەلۋ كۆوتاسىنا ەنگىزۋ تۋرالى ءوتىنىشتى وتباسىنىڭ كامەلەتكە تولعان مۇشەلەرىنىڭ ءبىرى جەكە ءوزى ۋاكىلەتتى ورگاننىڭ اۋماقتىق ورگانىنا بەرەدى. جەكە ءوزى جۇگىنۋى مۇمكىن بولماعان جاعدايدا ءوتىنىش بەرۋشى ۋاكىلەتتى وكىلگە جۇگىنۋگە نوتاريالدى راستالعان سەنىمحاتتى ورالمان مارتەبەسىن بەرۋ جانە (نەمەسە) ورالمانداردىڭ كوشىپ كەلۋ كۆوتاسىنا ەنگىزۋ تۋرالى وتىنىشپەن قوسا بەرەدى. ءوتىنىش بەرۋشىگە ونىڭ ءوتىنىشى قانداي نومىردەن كەيىن تىركەلگەنى تۋرالى تىركەلۋ ءنومىرى بەرىلەدى:

• ءوتىنىش
• قولداۋحات تۇلعاسى مەن بىرگە كوشىپ كەلگەن ونىڭ وتباسى مۇشەلەرىن كۋالاندىراتىن (پاسپورت، جەكە كۋالىك، تۋۋ تۋرالى كۋالىك، نەكە تۋرالى كۋالىك، اجىراسۋ تۋرالى كۋالىك، اسكەري بيلەت، ەڭبەك كىتاپشاسى)؛
• قازاقستان رەسپۋبليكاسى اۋماعىندا تۇراتىن تۇرعىلىقتى جەرىنەن وتباسى قۇرامى تۋرالى انىقتاما؛
• تۇرعىلىقتى ءۇيى بار نەمەسە جوعى تۋرالى انىقتاما
• ورالمان مارتەبەسىن بەرۋ تۋرالى ءوتىنىشتى تىركەۋ، ءوتىنىش بەرۋشىنى جانە ونىڭ وتباسى مۇشەلەرى تۋرالى مالىمەتتەردى «ورالمان» ەلەكتروندىق دەرەكتەر قورىنا ەنگىزگەننەن سوڭ جۇزەگە اسادى.

ورالمان مارتەبەسىن بەرۋ نەمەسە بەرمەۋ تۋرالى شەشىم، اۋماقتىق ورگاندا تىركەلگەن كۇننەن باستاپ ون جۇمىس كۇنىنەن كەشىكتىرىلمەي ۋاكىلەتتى ورگاننىڭ اۋماقتىق ورگانىمەن قابىلدانادى. ورالمان مارتەبەسىن العاندارعا بەكىتىلگەن ۇلگىدەگى كۋالىك بەرىلەدى. ورالمان كۋالىگىن جوعالتقان جاعدايدا، ونىڭ يەگەرى ۋاكىلەتتى ورگاننىڭ اۋماقتىق ورگانىنا جوعالتقانى جانە تەلنۇسقاسىن بەرۋ تۋرالى ءوتىنىش ۇسىنادى. ءوتىنىش تاپسىرىلعاننان كەيىن، ۋاكىلەتتى ورگاننىڭ اۋماقتىق ورگانى بەس جۇمىس كۇنى ىشىندە ورالمان كۋالىگىنىڭ تەلنۇسقاسىن بەرەدى، وعان، «تەلنۇسقا» ءمورى باسىلادى. ورالمان كۋالىگى قاتال ەسەپتى قۇجات جانە ورالمان مارتەبەسىن راستايتىن نەگىز بولىپ تابىلادى. نازار اۋدارىڭىز! ورالمان مارتەبەسى، قازاقستان رەسپۋبليكاسىنىڭ ازاماتتىعىن العاننان كەيىن ءوز كۇشىن جوعالتادى. ورالماندار مەن ولاردىڭ وتباسىلارىنىڭ مۇشەلەرى:

• ۋاكىلەتتى ورگاننىڭ اۋماقتىق ورگاندارىنا ورالمان مارتەبەسىن بەرۋ جانە (نەمەسە) ورالمانداردىڭ كوشىپ كەلۋ كۆوتاسىنا ەنگىزۋ تۋرالى ءوز وتىنىشتەرىن قاراۋ ءۇشىن قاجەتتى وتباسىنىڭ بارلىق مۇشەلەرىنە دۇرىس مالىمەتتەردى تابىس ەتۋگە؛
• دەنساۋلىق ساقتاۋ ورگاندارىنىڭ تالاپ ەتۋى بويىنشا مەديسينالىق تەكسەرۋدەن وتۋگە، ەكپەلەر قابىلداۋعا، ەمدەلۋ كۋرسىنان وتۋگە، سونداي-اق دەنساۋلىق ساقتاۋ ورگاندارىنىڭ نۇسقامالارىن ورىنداۋعا؛
• ورالمانداردى بەيىمدەۋ جانە كىرىكتىرۋ ورتالىعىنا جولداما العان كەزدە ءۇش كۇننىڭ ىشىندە سوندا قونىستانۋعا جانە ورالمانداردى بەيىمدەۋ جانە كىرىكتىرۋ ورتالىعىندا بولۋدىڭ بەلگىلەنگەن كەزەڭى اياقتالعاننان كەيىن وزدەرىنە بەرىلگەن ءۇي-جايدى بوساتۋعا؛
• ۋاقىتشا ورنالاستىرۋ ورتالىعىندا جانە ورالمانداردى بەيىمدەۋ جانە كىرىكتىرۋ ورتالىعىندا بولۋدىڭ بەلگىلەنگەن ءتارتىبىن ساقتاۋعا مىندەتتى.