فانتاسماگوريا
قازاق ەلىنىڭ جوعارعى بيلىگى، ۇكىمەتى مەن وكىمەتى جانە جەر-جەردەگى اكىمدىكتەردىڭ باسىم بولىگى جات مەملەكەت تىلىندە ويلاۋعا-سويلەۋگە (سايكەسىنشە، قارەكەت ەتۋگە) ءبىرجولاتا كوشىپ الدى. دەمەك، قازاق ەلى دەگەن ەل بولمايدى دەگەن ءسوز.
عاسىرلار بويى قانى سۋداي اققان قازاققا قۇداي بۇيىرتقان ۇلان-عايىر جەردىڭ ەڭ شۇرايلى بولىگىن لاتيفۋنديستەر مەنشىكتەپ ۇلگەردى. قالعان بولىگىن وزگە دە شونجارلار مەن فەودالدار ءھام اكىرەڭدەگەن قوجالار پىشاق ۇستىنەن بولشەكتەپ، ماڭگىگە ساتىپ الماق. دەمەك، قازاقتا اتامەكەن-وتان بولمايدى دەگەن ءسوز.
ۇرپاقتى ءۇش جاسىنان باستاپ، ءۇش تىلدە زورلاپ وقىتۋ جۇمىسى پارمەندى تۇردە سۇراپىل باستالعالى جاتىر. دەمەك، بولاشاقتا قازاق ەلىندە دەنى دۇرىس ءقازاقتىلدى ەلمان ۇرپاق تا بولمايدى دەگەن ءسوز.
ءيا، بۇل سۇمدىق ءۇش كورىنىس - قالىڭ ۇيقىداعى قازاق كورىپ جاتقان فانتاسماگوريالىق ءتۇستىڭ باستى ءبىر سوراقى جارقىلدارى عانا.
قازاق تۇبەگەيلى قۇرىپ كەتپەي تۇرعاندا، قۇداي ونى وياتىپ جىبەرسە يگى ەدى-اۋ! الدە، ويانا قالسا، ءوزىنىڭ قاندايدا ءبىر كورىنبەيتىن تەمىر توردا، ءتىلى كۇرمەۋلى، قولى بايلاۋلى وتىرعانىن دا بىردەن سەزىپ، قايرانسىزدىقتان ەڭىرەپ-جىلاپ جىبەرەر مە ەدى، قايتەر ەدى؟!... ءتىپتى، ءبىز سول تاقسىرەتتىڭ ايگىلى «مامىر شەرۋىنەن» كەيىنگى العاشقى نىشاندارىن بايقاپ تا قالعان جوقپىز با وسى، فانتاسماگوريالىق ءتۇس كورىپ جاتىپ؟!..
تىنىشتىقبەك ابدىكاكىم ۇلىنىڭ فەيسبۋكتەگى پاراقشاسىنان الىندى
