قازاقستان رەسپۋبليكاسى ءىىم وكىلدەرى الماتىداعى لا-155/18 تۇزەتۋ مەكەمەسىندە جازاسىن وتەپ جاتقان ناتاليا سلەكيشينانىڭ شاعىمىنا بايلانىستى پىكىر ءبىلدىردى، - دەپ حابارلايدى Qamshy.kz kaz.tengrinews.kz – كە سىلتەمە جاساپ.

ەستەرىڭىزگە سالساق، ايەل تەرگەۋ اباقتىسىنىڭ قىزمەتكەرلەرىن ءوزىن جىنىستىق قاتىناسقا ماجبۇرلەگەنى ءۇشىن ايىپتاعان بولاتىن.

پوليسيا وكىلدەرىنىڭ مالىمەتىنشە، 2015 جىلدىڭ قازانىندا الماتى ىىد-گە "قاراقشىلىق" بابى بويىنشا 8 جىلعا باس بوستاندىعىنان ايىرىلعان ناتاليا سلەكيشينادان الماتى جانە الماتى وبلىسى بويىنشا قىلمىستىق-اتقارۋ جۇيەسى دەپارتامەنتى 155/18 مەكەمەسى قىزمەتكەرلەرىنىڭ تامىز ايىندا ءوزىن زورلاعانى تۋرالى ارىز تۇسكەنى انىقتالدى. سول كۇنى دەرەك ق ر قىلمىستىق كودەكسىنىڭ 362-بابى 2-بولىگى بويىنشا تىركەۋگە الىنعان. سونىمەن قاتار، الماتى پروكۋرورى قىلمىستىق ءىستى تەرگەۋدى سىبايلاس-جەمقورلىققا قارسى قىزمەتكە تاپسىرعان.

"تەرگەۋ كەزىندە سلەكشينا وسى مەكەمەدە بولعان كەزدە جەدەل ءبولىمنىڭ ينسپەكتورى مەن ۋاكىلى، سونىمەن قاتار، ەكى باقىلاۋشىنىڭ وزىمەن جىنىستىق قاتىناسقا تۇسكەنىن ايتتى. دەگەنمەن، بۇل قىزمەتكەرلەر سوتتالۋشىنى زورلاۋ ىسىنە قاتىسى بار ەكەنىن جوققا شىعاردى. سوندىقتان دا، سىبايلاس-جەمقورلىققا قارسى قىزمەت بالا تۋىلعاننان كەيىن سوت-مولەكۋليارلىق جانە گەنەتيكالىق ساراپتاما تاعايىنداۋ ءۇشىن تەرگەۋ ۋاقىتىن ۇزارتتى. 25 ساۋىردە، بالا تۋىلعاننان كەيىن قاجەتتى ساراپتامالار الىندى، ءبىراق ناتيجە ءالى دايىن ەمەس"، - دەدى ءىىم باسپا ءسوز قىزمەتىنىڭ وكىلدەرى.

سونىمەن قاتار، تەرگەۋ بارىسى قاتاڭ باقىلاۋعا الىنعانى بەلگىلى بولدى. "سونىڭ ناتيجەسى بويىنشا كىنالىلەر مەن ولاردىڭ جەتەكشىلەرىنە شارا قولدانىلىپ، زاڭ بويىنشا جازالانادى"، - دەدى ق ر ءىىم وكىلدەرى.

ناتاليانىڭ ايتۋىنشا، زورلانعاننان كەيىن ول كولونيا قىزمەتكەرلەرىنىڭ ۇستىنەن ارىز جازعان، دەگەنمەن شاعى كوپ ۋاقىت بويى قابىلدانباپتى.

قاجك مالىمەتىنشە، ايىپتالعان 4 قىزمەتكەر دە وتباسىلى، بالالارى بار. قىزمەتتەرىن جاقسى اتقارىپ ءجۇر. ولار تاعىلعان ايىپتى جوققا شىعارىپ وتىر. سونىمەن قاتار، ەشقايسىسى ناتاليا سلەكيشينانىڭ شاعىمىنان كەيىن قىزمەتتەن شەتتەتىلمەگەن. دنق ساراپتاماسى تاعايىندالدى، سول ارقىلى قىزدىڭ اكەسى انىقتالادى.