الماتى قالاسى جاستار ساياساتى باسقارماسىنىڭ قولداۋىمەن، «الەۋمەتتىكشەبەرحانا» جوباسى اياسىندا، الماتى قالاسىنىڭورتالىق دەمالىس ساياباعىندا، الماتى وبلىستىق№1 بالالار ءۇيىنىڭ تاربيەلەنۋشىلەرىنە ارنالعانقايىرىمدىلىق مادەني-ويىن-ساۋىق ءىس-شاراسىۇيىمداستىرىلدى.

ءىس-شارا بارىسىندا بالالار الماتى قالاسىنىڭ ورتالىق دەمالىس ساياباعىندا بولىپ، ءتۇرلى اتتراكسيونداردا دەمالىپ، كوتەرىڭكى كوڭىل كۇيگە بولەنىپ، جاڭا اسەرلەرگە يە بولدى. سونىمەن قاتار قاتىسۋشىلارعا ىستىق تۇسكى اس پەن تاتتىلەر ۇسىنىلدى.

وسى ورايدا، الماتى قالاسىنىڭ ورتالىق دەمالىس ساياباعى بالالارعا جانە حالىقتىڭ الەۋمەتتىك وسال توپتارىنا قولداۋ كورسەتۋگە باعىتتالعان قايىرىمدىلىق جانە الەۋمەتتىك باستامالاردى تۇراقتى تۇردە قولداپ كەلە جاتقانىن اتاپ وتكەن ءجون. 2026 جىلدىڭ باسىنان بۇگىنگى كۇنگە دەيىن ساياباقتىڭ قايىرىمدىلىق قولداۋىنىڭ ارقاسىندا ءتورت مىڭنان استام بالا اتتراكسيوندارعا تەگىن بارۋ مۇمكىندىگىنە يە بولدى. ساياباق وسىنداي جوبالاردى جۇزەگە اسىرۋ الاڭى رەتىندە قىزمەت اتقارىپ، الەۋمەتتىك جاۋاپكەرشىلىكتى، قايىرىمدىلىق مادەنيەتىن دامىتۋعا، قولايلى ورتا قالىپتاستىرۋعا جانە قوعامدىق ماڭىزى بار ءىس-شارالاردى وتكىزۋگە ءوز ۇلەسىن قوسىپ كەلەدى.

وسىنداي باستامالار بالالاردىڭ بوس ۋاقىتىن قىزىقتى ءارى مازمۇندى وتكىزۋگە مۇمكىندىك بەرىپ قانا قويماي، ولاردىڭ الەۋمەتتىك بەيىمدەلۋىنە، تۇلعالىق دامۋىنا جانە جاعىمدى ومىرلىك تاجىريبە قالىپتاستىرۋىنا ىقپال ەتەدى.

«Qamqor Charity» قوعامدىق قورىنىڭ ءتورايىمى باعدات اناربايەۆا مۇنداي ءىس-شارالار قوردىڭ ومىرلىك قيىن جاعدايعا تاپ بولعان بالالاردى قولداۋ باعىتىنداعى جۇيەلى جۇمىسىنىڭ ماڭىزدى بولىگى ەكەنىن اتاپ ءوتتى.

«ءاربىر بالا قامقورلىق پەن مەيىرىمدى سەزىنۋگە لايىق. كەيدە قۋانىشقا تولى ءبىر كۇننىڭ ءوزى بالاعا وزىنە دەگەن سەنىمدىلىك سىيلاپ، ومىرگە جاڭا كوزقاراسپەن قاراۋعا مۇمكىندىك بەرەدى. “الەۋمەتتىك شەبەرحانا” جوباسى ارقىلى ءبىز بالالاردىڭ جان-جاقتى دامۋىنا، الەۋمەتتەنۋىنە جانە باقىتتى بالالىق شاعىن قالىپتاستىرۋعا جاعداي جاساۋدى ماقسات ەتەمىز»، - دەدى «Qamqor Charity» قوعامدىق قورىنىڭ ءتورايىمى باعدات اناربايەۆا.

ەسكە سالا كەتەيىك، «الەۋمەتتىك شەبەرحانا» جوباسى اتا-اناسىنىڭ قامقورلىعىنسىز قالعان، ومىرلىك قيىن جاعدايعا تاپ بولعان جانە ەرەكشە ءبىلىم بەرۋ قاجەتتىلىكتەرى بار بالالاردى قولداۋعا باعىتتالعان. جوبانىڭ باستى ماقساتى - ولاردىڭ الەۋمەتتىك بەيىمدەلۋىنە، تۇلعالىق دامۋىنا جانە قوعام ومىرىنە بەلسەندى ارالاسۋىنا ىقپال ەتۋ.