ەسەنعالي راۋشانوۆ  بولماسا…

    قازاقتىڭ ءسوزىن جازۋشىلار وداعى ەمەس، بىرەڭ-ساران اقىندار عانا سويلەيتىن بولدى. سونىڭ ءبىرى – ەسەنعالي راۋشانوۆ. وتكەندە «مەملەكەتتىكسىيلىققا گۇلنار سالىقبايدىڭ وتپەي قالعانى ماسقارا!» دەپكۇيىپ-پىسىپ جۇرگەنىن كورىپ: «شىن تالانتقا، قارىنداسقا جانى اشىعان وسىنداي-اق بولسىن» دەگەنبىز.وكىنىشتىسى، ەلىمىزدەگى ادەبي باسىلىمدار وسىنداي اقىنداردىڭ «تامىرىن باسىپ»، وقىلىمدى سۇحبات بەرمەيدى. ايتپەسە، باسقا باسقا، ەسەنعالي راۋشانوۆتىڭ ءسوزى «وتپەي» قالعان جەرى جوق. ءبىر عيماراتتا جۇمىس ىستەگەسىن بە، ول كىسىنى قانداي وي مازالاپ جۇرگەنىن جاقسى بىلەمىز عوي.

وتكەن جىلى تاحاۋي احتانوۆتىڭ 90 جىلدىق مەرەيتويى ءوتتى. سوندا ەسكە الۋ كەشىنە ارنالعان ءشاقىرۋبىراز عيماراتقا ءىلىندى. باسپالار ۇيىندە كۇردەلى جوندەۋ جۇمىستارى ءجۇرىپ جاتقان. ءليفتىنىڭ جانىنداعى حابارلاندىرۋ بۇرىشىنا دا تاحاڭنىڭ سۋرەتىمەن ادەمى جارناما جارق ەتە قالدى. ءبىراق سول جارناماعا نازار سالعان جاندار كەمدە-كەم بولدى. قاتەلەسپەسەك، تاحاۋي احتانوۆ ەكى ايدان اسا ۋاقىت ءليفتىنىڭ ەسىگىن كۇزەتتى. قۇرىلىسشى دا، بالا-شاعا دا ارى-بەرى وتكەندە سۇيكەنىپ، جازۋشىنىڭ كەۋدە تۇسىن ساتپاقتاپ تاستاپتى. سوندا دا ءمان بەرمەي جۇرە بەرىپپىز. ال ەساعاڭ… ءقادىرلى اعاسىنىڭ سۋرەتى قور بولدى دەپ، الگى سۋرەتتى قيىپ الىپ، كابينەتىنە الىپ كەتتى. «جازۋشىنىڭ بەتى ساتپاقتالعانى ۇيات بولدى» دەپ، ءبىز تۇستەن كەيىن وپىندىق. ەسىمىزدى كىرگىزگەن سول باياعى ەساعاڭ… ال ەساعاڭ مۇشەلىكتە بار جازۋشىلاروداعىنا ەس قاشان كىرەر ەكەن؟ وندا ەندىقازاقتىڭ ءسوزى سويلەنىپ، مۇددەسى قورعالا ما؟ ماسەلە سوندا…

نۇرعالي ءنۇسىپجانوۆ  باتا بەرە الماي ما؟

تەلەديدار قاراپ وتىرعانبىز. ءبىر باعدارلامادا نۇرعالي ءنۇسىپجانوۆتان اس قايىرۋدى ءوتىندى. قانداي باتا بەرەر ەكەن دەپ، ەكرانعا تەسىلە قالعانىمىز بار بولسىن، ءانشى اعامىز باتا بەرە المادى. باتا بەرەمىن دەپ، ۇزىن-سونار توست ايتىپ كەتتى. ءتورت جول باتا ايتۋ تۇك تە قيىن ەمەس قوي ۇلكەن كىسىگە. ءسوزىن تۇيىندەگەندە بارىپ، جانىنداعى ادامداردىڭ باتا دەپ قول جايىپ وتىرعانى ەسىنە ءتۇستى-اۋ دەيمىن. «سول ءۇشىن الدارىڭداعىنى الىپ قويىڭدار» دەمەگەنىنە شۇكىر دەدىك. ءانشىنىڭ سوزگە شورقاقتىعىن بۇرىن دا بىلەتىنبىز. دەسە دە، جەتپىستەن اسقان اقساقالدىڭ ماندىتىپ باتا بەرە الماعانى ءبىرتۇرلى ەكەن.

ىلگەرىدە ءبىر ۇلكەن استا جەتپىستەگى اقساقال جازۋشىمىز دا باتا بەرە المادى. ول دا توست ايتىپ تۇرىپ الدى. ۇياتتان جەرگە شۇقيدىق. سوندا نۇرتىلەۋ يمانعالي ۇلى شىداماي: «مەن باتا بەرەيىنشى»، – دەپ ورنىنان اتىپ تۇرعان. مالتا ەزىپ تۇرعان اقساقالدان ميكروفوندى الدى دا، باتا ايتتى. بەرگەن باتاسىن باتا دەرسىڭ. ريزا بولىپ، ىنتا-ىقىلاسپەن بەت سيپادىق. سوندا نۇرتىلەۋ يمانعالي ۇلى: «اقساقالدار، باتا بەرىپ ۇيرەنىڭدەرشى»، – دەپ سالعان ءدۇيىم ەلدىڭ كوزىنشە. اشىنعاندىقتان ايتتى. باتا جاتتاي المايتىن اقساقالدارعا قالاي اشىنباسسىڭ…

"اقجەلكەن"