موڭعوليا ەلىنىڭ قانداستارىمىز مەكەندەيتىن باي-ولكە ايماعىندا اپات بولىپ، 100 شاقتى ءۇي قيراپ، 700-دەي قازاق باسپاناسىز قالعان. ارينە موڭعوليا قازاقتارىنا جاربەم بەرەر موڭعول ەلى بار. تالاي قيىندىقتى باسىنان كەشiرگەن موڭعول ەلى بۇل سىناقتان دا وتەر. دەگەنمەن، اپاتتان كەيiن اماندىقتارىن بiلۋگە قازاق ەلىنەن كەلگەن كومەك ولار ءۇشiن ۇلكەن كۇش، ايبىن بولار ەدى. «بiزدiڭ دە ءال بەرەر تاۋەلسىز ەلىمىز بار ەكەن-اۋ» دەمەي مە ونداعى قازاق اعايىندار. قازiر سول گۋمانيتارلىق كومەكتiڭ كولەمi بەلگiلi بولدى. ۇزىن-ىرعاسى 200000 مىڭ دوللاردىڭ دۇنيەسi ەكەن. ال 200000 دوللار دەگەنiڭiز – قازاقستانداعى ءبىر باي باعلاننىڭ ءۇيى. تىپتەن 700 موڭعوليا قازاعىنا 200000 دوللاردى شاققانىڭ وزىندە جان باسىنا 286 دوللار تيەدى ەكەن. ءاربىر قازاق جالعىزىم دەيتىن ۇكىمەتتىڭ قازاققا ىستەگەن «دارحاندىعى» دەيمىز بە بۇنى!؟. نە دەسەك ەكەن، قازاق ەلى شەتتەگi قازاقتاردان قارجى ايادى دەيمىز بە!؟. ال «جاس الاش» گازەتىندە قازاق ەلىنىڭ سىرتقا كورسەتكەن دەمەۋ قارجىسى كەلەسىدەي كورىنەدى:
- قازاقستان 2013 جىلى تابيعي اپاتتان زارداپ شەككەن شري-لانكا مەن گۆاتەمالاعا 978 مىڭ دوللاردىڭ كومەگiن كورسەتكەن. 2014 جىلى اۋعانستانعا 1 ملن 985 مىڭ 917 دوللاردىڭ ءازىق-تۇلiك ءونiمدەرiن جونەلتكەن. وسى جىلى رەسەيدiڭ بلاگوۆەششەنسك قالاسىنداعى سۋ تاسقىنىنا بايلانىستى 240 ورىندىق بالاباقشا سالۋ ءۇشiن 379،3 ملن تەڭگە بولگەن. قازاقستاننىڭ 2015 جىلى ءتاجiكستانعا كورسەتكەن كومەگiنiڭ جالپى قۇنى – 4،7 ملن دوللار. ءدال وسى جىلى پ.پوروشەنكومەن كەزدەسكەن ن.نازاربايەۆ ۋكرايناعا 2 ملن ەۋرو گۋمانيتارلىق كومەك جiبەرiلگەنiن جانە بۇل باعىتتاعى جۇمىستاردىڭ ارى قاراي دا جالعاسا بەرەتiنiن ايتقانى بار.
تابيعي اپاتتار بiر جاعىنان تاعدىردىڭ سىنى بولسا، ەكiنشi جاعىنان كiمنiڭ كiم ەكەنiن كورسەتەتiن سىناق. بۇل قازاقتىڭ بىرلىگىن، الەۋەتىن، قازاق ەلىنىڭ ەكونوميكالىق قۋاتىن كورسەتتەتىن، الەم الدىندا ابىرويى كوتەرىلەتىن سىناق ەدى، اتتەڭ بۇل سىناقتا قازاق ەلى ءسۇرىنىپ كەتتى. ويتكەنi الەمنiڭ كوپتەگەن ەلiنە گۋمانيتارلىق كومەك جاساپ، قىرۋار قارجىسىن شاشىپ جۇرگەن قازاق ەلىن تەك «پيار» ءۇشىن ىستەيدى دەپ قانا قابىلدايتىن بولار.
ءماسiموۆ ءوزiنiڭ تۆيتتەردەگi پاراقشاسىنا بايان-ولگيي قازاقتارىنىڭ سۋرەتiن ەمەس، موڭعولياداعى «شىڭعىسحان» ەسكەرتكiشiنiڭ الدىندا تۇسكەن ءوز سۋرەتiن جاريالاپتى... ونى قالاي تۇسىنۋگە بولادى!؟.
ەرسىن ەرعالييەۆ
