اقش ليۆياداعى "يسلام مەملەكەتى" (يم - ق ر اۋماعىندا قىزمەتىنە تىيىم سالىنعان ۇيىم - رەد.) تەرروريستىك ۇيىمى ورنالاسقان جەرگە وسى ەلدىڭ ءوتىنىشى بويىنشا، بۇۇ-نىڭ قولداۋىمەن اۋە شابۋىلدارىن جاسادى. ليۆيا ۇكىمەتى سودىرلاردى سيرت قالاسىنان قۋىپ شىعۋ ءۇشىن اقش-تان كومەك سۇراعان، - دەپ حابارلايدى Qamshy.kz centralasian.org – كە سىلتەمە جاساپ.

"ءبىرىنشى اۋە سوققىلارى سيرتتاعى بەلگىلەنگەن جەرلەرگە جاسالدى. ءيم-نىڭ ايتارلىقتاي مۇشەلەرى جويىلدى"، – دەپ مالىمدەدى ليۆيا پرەمەر-مينيسترى فايز سارادج مەملەكەتتىك تەلەارنالار ارقىلى.

اقش پرەزيدەنتى باراك وباما اۋە شابۋىلدارىن قولدادى دەپ حابارلادى اق ءۇي. وباما مۇنداي شەشىمدى قورعانىس ءمينيسترى ەشتون كارتەر مەن قارۋلى كۇشتەر شتاب باسشىلارىنىڭ كوميتەت ءتوراعاسى دجوزەف دانفوردپەن كەلىسكەننەن كەيىن قابىلداعان. پەنتاگون ءتوراعاسى پيتەر كۋك اۋە شابۋىلدارى اياقتالدى دەپ مالىمدەدى.

"يسلام مەملەكەتى" ەكسترەميستىك توبى سيرت قالاسىن وتكەن جىلى باسىپ الىپ، ءيم-نىڭ سيريا جانە يراكتاعى نەگىزگى بازاسى ەتكەن.