قازاقستاننىڭ ءار وڭىرىنەن كەلگەن قاتىسۋشىلار استاناعا جينالىپ، «ميسس قازاقستان - 2016» فينالدىق شوۋىنا قىزۋ دايىندىق ۇستىندە. ءبىرىنشى كۇندەرى قىزدار ايگىلى فوتوگراف مارەتا كەليگوۆامەن بىرگە فوتوسەسسيا جاسادى. فوتوسەسسيا مەن دايىندىقتان باسقا، قىزدار ءارتۇرلى الەۋمەتتىك جانە قايىرىمدىلىق ۇيىمداردا توبە كورسەتتى. ولاردىڭ ءبىرى – استاناداعى مامانداندىرىلعان تۇزەتۋ مەكتەپ-ينتەرناتى بولدى. ودان بولەك، سپورتتىق جيىنداردىڭ اياسىندا فينالعا قاتىسۋشى قىزدار «بارىس» پەن «ادميرالدىڭ» كحل-دىڭ چەمپيوناتىنا قاتىستى. كەلەسى كۇنى قىزداردى كلۋب ويىنشىلارىنىڭ دايىندىعىنا شاقىردى، وندا ولار مۇز ايدىنىنا شىعىپ، اتاقتى سپورتشىلاردان ماستەر-كلاسس الدى.
«ميسس قازاقستان-2016» مەرەتويلىق كونكۋرسى 10-جەلتوقسان كۇنى بەيبىتشىلىك پەن كەلىسىم سارايىندا وتەدى. 30-قاراشادان باستاپ «ميسس قازاقستان» رەسمي سايتىندا حالىقتىق داۋىس بەرۋ باستالعان بولاتىن. داۋىس بەرۋ فينالعا دەيىن جالعاسادى. ونلاين داۋىس بەرۋ sms ارقىلى جۇزەگە اسىرىلادى. داۋىس بەرۋدەن جانە فينالدىق كونكۋرستىڭ بيلەتتەرىنەن تۇسكەن قارجىنى استاناداعى تۇرمىسى تومەن وتباسىلارعا بەرىلەتىن بولادى.
ءادىل قازىلار القاسى فينالدا 5 قاتىسۋشىنى عانا تاڭداپ الا الادى، ءبىرىنشى ارۋدى حالىق ونلاين جانە sms-داۋىس بەرۋ ارقىلى تاڭدايتىن بولادى. جەڭىمپازعا بەس ميلليون كولەمىندەگى اقشالاي سىياقى بەرىلەتىن بەرىلەدى، سونداي-اق، «الەم ارۋ» بايقاۋىندا قازاقستاندى تانىستىرۋ مۇمكىندىگىنە يە بولادى.
ەندى 25 قاتىسۋشىنىڭ رەسمي سۋرەتتەرىن تانىستىرامىز:
كاميلا اسىلوۆا، «ميسس الماتى»، 18 جاستا. ەلەبەكوۆ اتىنداعى ەسترادا جانە سيرك كوللەدجىن «حورەوگراف» ماماندىعى بويىنشا ءتامامداعان.
گۇلجان داۋلەتوۆا (الماتى)، 19 جاستا. الماتى مەنەدجمەنت ۋنيۆەرسيتەتىندە وقيدى. ءتىل ۇيرەنەدى، ۆوكال، يوگا جانە لاتىنامەريكالىق بيلەرمەن اينالىسادى. I2mar توبىنىڭ ءسوليستى.
داليدا ناۋكەنوۆا (الماتى)، 24 جاستا. قارجىگەر. قازاقستاننىڭ سامبودان وتكەن چەمپيوناتىنىڭ كۇمىس جۇلدەگەرى. Turkiss توبىنىڭ ءسوليستى.
ەلناز نۇرسەيىتوۆا، «ميسس استانا»، 18 جاستا. تەحنولوگيا جانە بيزنەس قازاق ۋنيۆەرسيتەتىنىڭ ستۋدەنتى. بەينەلەۋ ونەرى جانە مۋزىكامەن اينالىسادى. ارمرەستلينگ، باسكەتبول، ۆولەيبولمەن اينالىسادى.
ەكاتەرينا پودگورودەسكايا (استانا)، 19 جاستا. قازاق ەكونوميكا، قارجى جانە حالىقارالىق ساۋدا ۋنيۆەرسيتەتىنىڭ ستۋدەنتى. ۆوكالمەن اينالىسادى، دومبىرادا وينايدى.
بەگايىم جورابەكوۆا (استانا)، 21 جاستا. ليتۆا، كلايپەدتەگى حالىقارالىق ۋنيۆەرسيتەتتىڭ ستۋدەنتى. «ايارۋ» توبىنىڭ ءسوليستى.
ماريا پياتينا، «ميسس كاراعاندى»، 17 جاستا. № 97 گيمنازيانىڭ وقۋشىسى. كوركەمونەر مەكتەبىن بىتىرگەن، بيمەن اينالىسادى.
ايتكۇل نۇرمانوۆا (قوستاناي)، 19 جاستا. ەۋرازيا ۇلتتىق ۋنيۆەرسيتەتىندە حالىقارالىق قاتىناستار فاكۋلتەتىندە وقيدى. تىلدەردى ۇيرەنۋگە قىزىعادى.
ەكاتەرينا سىگانوۆا، «ميسس پەتروپاۆل»، 24 جاستا. گرافيكالىق ديزاينەر. جىلقىلاردى جاقسى كورەدى. پنيەۆماتيكالىق ۆينتوۆكادان جانە ساداقپەن اتقاندى جاقسى كورەدى.
دانارا بەكمۋرزايەۆا، «ميسس سەمەي»، 16 جاستا. مۇقان تولەبايەۆ اتىنداعى مۋزىكالىق ۋچيلەششەدە وقيدى. سپورتپەن جانە بيمەن شۇعىلدانادى.
اناستاسيا ۋسولسيەۆا، «ميسس وسكەمەن»، 18 جاستا، شىعىس قازاقستان تەحنيكا-گۋمانيتارلىق كوللەدجدىڭ ستۋدەنتى. گيمناستيكامەن اينالىسادى، سۋرەت سالعاندى ۇناتادى.
اينۇر شايماردانوۆا، «ميسس ورال»، 18 جاستا. جاڭگىر حان اتىنداعى باتىس قازاقستان اگرارلىق تەحنيكالىق ۋنيۆەرسيتەتتىڭ ستۋدەنتى. سپورتپەن شۇعىلدانادى، حالىق بيلەرىن بيلەيدى.
كريستينا شليممەر، «ميسس قوستاناي»، 17 جاستا. قۇرىلىس كوللەدجىنىڭ ارحيتەكتۋرا ءبولىمىنىڭ ستۋدەنتى. سۋرەت سالادى، ۆولونتەرلىقپەن اينالىسادى.
ايزات قوجابايەۆا، «ميسس پاۆلودار»، 21 جاستا. تورايعىروۆ اتىنداعى ۋنيۆەرسيتەتتى ءتامامدادى. تەليەۆيزيا سالاسىندا تاڭعى پروگراممانىڭ جۇرگىزۋشىسى.
گۇلبانۋ ازيمحانوۆا، «ميسس قىزىلوردا»، 18 جاستا. قىزىلوردا مەديسينا كوللەدجىندە وقيدى.
زارينا زاگيدۋللينا، «ميسس تۇركىستان»، 20 جاستا. قازان فەدەرالدى ۋنيۆەرسيتەتىنىڭ باسقارۋ، ەكونوميكا، قارجى ينستيتۋتىنىڭ ستۋدەنتى. زارينا، سونداي-اق، بادمينتوننان سپورتتىق تورەشى.
بەرتاي قىمبات، «ميسس تاراز»، 21 جاستا. تاراز مەملەكەتتىك پەداگوگيكالىق ينستيتۋتىنىڭ فيزيكا ماماندىعى بويىنشا 4-كۋرس ستۋدەنتى. قىزىل جارتى اي قوعامىنىڭ ەرىكتى مۇشەسى.
توقجان بەكجىگىت، «ميسس شىمكەنت»، 20 جاستا. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى، جەڭىل ونەركاسىپ فاكۋلتەتى.
ارۋنا ساعاتبەكوۆا، «ميسس تالدىقورعان»، 16 جاستا. № 5 مەكتەپ-ليسەيىنىڭ وقۋشىسى. مۋزىكالىق مەكتەپتى بىتىرگەن، ۆوكالمەن اينالىسادى جانە فورتەپيانودا وينايدى.
دانيا كۋلياركانوۆا، «ميسس اقتوبە»، 17 جاستا. № 11 گيمنازيانىڭ وقۋشىسى. جۇزۋمەن، شاڭعىمەن، اينالىسادى.
اقكۇمىس ەلەمەسوۆا، «ميسس اتىراۋ»، 21 جاستا. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ستۋدەنتى. مۋزىكامەن اينالىسادى، قوبىزدا وينايدى.
بالقيا سازانوۆا، «ميسس اقتاۋ»، 18 جاستا. «مەيىربيكە» كوللەدجىنىڭ ستۋدەنتى. دومبىرادا، فورتەپيانودا وينايدى.
ايمان نازەنعالييەۆا، «ميسس Instagram»، 18 جاستا. دۋتبايەۆ اتىنداعى اتىراۋ گۋمانيتارلىق كوللەدجىنىڭ ستۋدەنتى. ولەڭ جازادى.
ساندينا بيسسەن، «ميسس Instagram»، 20 جاستا. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ ستۋدەنتى. ۆوكالمەن، بيمەن اينالىسادى.
جانزيرا كاريبايەۆا، «ميسس Instagram»، 21 جاستا. قۇرمانعازى اتىنداعى قازاق ۇلتتىق كونسەرۆاتورياسىنىڭ ءداستۇرلى مۋزىكا فاكۋلتەتىنىڭ ستۋدەنتى. جەتىگەندە، دومبىرادا، سىبىزعى، ساز سىرنايدا وينايدى.
