قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى جۇلدىز FM ستۋدياسىندا Beatles توبىنىڭ ءانىن ورىندادى، - دەپ حابارلايدى Tengrinews.kz. مينيستر ايگىلى ليۆەرپۋلدىك تورتتىكتىڭ Yesterday ءانىن ول "نا ۆەرشينە تەنگري" جوباسىنىڭ قاتىسۋشىسى مارينا گاليسكايا مەن كومپوزيتور ارتۋر ورەنبۋرگسكييمەن بىرگە ايتتى. 
"مۋزىكالىق اسپاپتار - ولار قاناتتاندىرادى، قاندايدا ءبىر اۋەندى، كلاسسيكالىق شىعارمالاردى، حالىق اندەرىن ورىنداعاندا. بۇل قاجەت نارسە. بۇل كەز-كەلگەن ادامعا، شابىتتانعان ۋاقىتتان نەمەسە بىردەمەنى ۋايىمداعاندا جاقسى كومەك بولادى. مەنىڭ ماماندىعىم ۆيولونچەلدە ويناۋ، فورتەپيانودا، دومبىرادا وينايمىن، ديرەجورلىق ەتەمىن"، - دەدى ارىستانبەك مۇحامەدي ۇلى، راديوشوۋدىڭ تاڭعى ەفيرىندە سۇراقتارعا جاۋاپ بەرە وتىرىپ. 

سونىمەن قاتار، ءاننىڭ مۋزىكاسىن جازاتىنىن ايتتى. "مەن اۋەندى جان راقاتىم ءۇشىن، دوستارىما جازامىن. سونىمەن قاتار، قازىرگى ۋاقىتتا مەن فيلوسوفيا مەن تاريحقا قىزىعۋشىلىعىم ارتىپ ءجۇر. الداعى ۋاقىتتا ءبىزدىڭ قوعامنىڭ ەرەكشەلىگى، كوزقاراسى تۋرالى ارنايى كىتاپ جازۋ ويىمدا بار"، - دەدى مينيستر.