بيىل سايرام اۋدانى بويىنشا  1،0 گەكتار جىلىجاي سالۋ جوسپارلانعان بولسا، 1،35 گەكتار جىلىجاي ىسكە قوسىلىپ، جىلدىق جوسپار 135 پايىزعا ارتىعىمەن ورىندالدى. ءسويتىپ سانسىز بابتار مەكەنىندەگى جىلىجايلاردىڭ جالپى كولەمى 19،5 گەكتارعا جەتتى. الايدا ەكى ءجۇز گەكتارعا جوسپارلانعان تامشىلاتىپ سۋارۋ ءادىسىنىڭ جيىرما گەكتارى عانا ىسكە اسىرىلعان. مۇنداعى كورسەتكىش ون پايىزدى قۇرادى.

          «اگروبيزنەس-2020» مەملەكەتتىك باعدارلاماسى سايرام اۋدانىندا قارقىندى جۇزەگە اسىرىلىپ كەلەدى. مەملەكەت تاراپىنان جاسالىپ جاتقان جاعدايلار مەن مول مۇمكىندىكتەردى وڭ پايداسىنا جاراتا بىلەتىن سايرامدىقتار اۋىل شارۋاشىلىعى سالاسىندا بيىلعى جىلدىڭ العاشقى توعىز ايىندا 15597،5 ميلليون تەڭگەنىڭ ءونىمىن ءوندىردى. بۇل وتكەن جىلدىڭ ءتيىستى توعىز  ايىنداعى كورسەتكىشپەن سالىستىرعاندا 2،7 پايىزعا ارتىق.

         سايرام اۋدانىندا مەملەكەتتىك جانە سالالىق باعدارلامالاردىڭ ورىندالۋى تۋرالى مالىمەتكە سۇيەنسەك، توعىز ايداعى جالپى ىشكى ءونىمنىڭ تەڭگەگە شاققانداعى 13274 ميلليونى مال شارۋاشىلىعىنا تيەسىلى. ءتورت تۇلىككە ءتيىست تاپسىرما اۋداندا جوسپارلانعانداعىدان 102،4 پايىزعا ارتىعىمەن ورىندالعان. ال ەگىن شارۋاشىلىعىداعى تابىس 322،7 ميلليون تەڭگەنى قۇراپ، التى ايلىق مەرزىم كورسەتكىشى 118،6 پايىزعا جەتتى.

         بيىلعى جىلى اۋدانداعى اۋىل شارۋاشىلىعى تاۋارلارىن وندىرۋشىلەرگە كوكتەمگى دالا جۇمىستارىن جۇرگىزۋگە جوسپارلانىپ بولىنگەن 2210 توننا جەڭىلدەتىلگەن باعاداعى جانار-جاعار مايدىڭ 2121 تونناسى شارۋالارعا بوساتىلعان. سول سياقتى بوساتىلدى (جوسپار 2210 توننا) جانە 2459 توننا مينەرالدى تىڭايتقىشتار ءبولىنىپ، 2282 تونناسى الىندى، قالعان تىڭايتقىشتاردى بەرۋ مەرزىمى كەشىگۋىنە بايلانىستى شارۋالار باسقا جەرلەردەن ساتىپ الىپ  قولداندى.

         2016 جىلعا ەلۋ اۋىل شارۋاشىلىعى تەحنيكاسىن ساتىپ الۋ جوسپارلانعان بولسا، العاشقى توعىز ايدىڭ قورتىتىندىسىندا 44 بىرلىك تەحنيكا الىندى. جىلدىق جوسپارلى تاپسىرما 73 پايىزعا ورىندالدى. جالپى اۋىل شارۋاشىلىعى تەحنيكالارىنىڭ  سانى اۋداندا 1586 بىرلىكتى قۇراپ، جىل سايىن جاڭارتىلىپ ارتۋدا.