بۇعان دەيىنگى اقپاراتتارىمىزدا 7 تامىز كۇنى كولۋمبيانىڭ پورتتى قالاسى باررانكيليادا وتكىزىلگەن قانداسىمىز  قانات يسلام مەن   كولۋمبيالىق فيدەل مانتەرروسانىڭ بىلعارى قولعاپ تۇيىستىرگەنى تۋرالى، وندا لاتىن امەريكاسى چەمپيوندىق بەلگىسىن 2-رەت قورعاعان قاناتتىڭ مانتەرروسانى جەڭگەنى تۋرالى جازعامىز. ءقازىر عالامتوردا وسى باسەكە قىزۋ تالقىعا ءتۇسىپ، كوپ كورىلۋدە. مۇحيتتىڭ ارعى بەتىندە قازاق نامىسىن قورعاپ جۇرگەن قانداسىمىز قانات يسلام قارسىلاسىن تىزە بۇكتىرىپ، "اللاحۋاكبار! العا قازاقستان!" دەپ ايعايلايدى. ونىڭ بۇل ءسوزى كوپتى تولقىتىپ، قازاق ەلىندەگى بىلعارى قولعاپ كيگەن جاستاردى جىگەرلەندىرەتىنى انىق. ۆيدەونىڭ 27 مينۋتىن قاراڭىز.

وتاندىق سپورت سۇيەر قاۋىم قانات يسلام جەتكىلىكتى ناسيحاتتالماي جاتقانىن ايتادى. ونىڭ تيەسىلى لايىقتى باعاسى ءوز وتانىندا ءالى بەرىلە قويمادى. بۇل تۋرالى بەلگىلى سپورت كومەنتاتورى امانگەلدى سەيتحان ءوزىنىڭ "facebook" الەۋمەتتىك جەلىدەگى پاراقشاسىندا جازدى. 

ەستەرىڭىزگە ساساق، قانات يسلام بەيجىڭ وليمپياداسىندا جۇڭگو نامىسىن قورعاپ قولا جۇلدەگە يە بولدى. ول سودان كەيىن اتا جۇرتى قازاقستانعا ءبىر جولا قونىس اۋدارىپ، ەل ازاماتى بولدى. باستابىندا "استانا ارلاندارى" كلۋبىندا بولعان قانات لوندون وليمياداسىنا قاتىسا المادى. ول ءقازىر اقش-تا شىڭدالۋدا. مۇحيتتىڭ ارعى بەتىندە ءجۇرىپ، 18 رەت جەكپە-جەك وتكىزگەن قانداسىمىز بىردە-بىر رەت جەڭىلىس تاپقان جوق. ءبىز قانات يسلامعا بيىك بەلەستەر، ۇلكەن جەڭىستەر تىلەيمىز.