حالىق بانك 2017 جىلعا ەكونوميكالىق بولجام جاسادى دەپ حابارلايدى Qamshy.kz.
ىشكى نارىقتىڭ جاعىمسىز ىقپالىنان ەكونوميكانىڭ ءوسۋى (2016 جىلداعى ءىۆت ءوسۋى +1 %) سوڭعى جىلداردا بىردەن باياۋلاپ كەتتى، بۇل ارينە ەلىمىزدىڭ قارجى سەكتورى جاعدايىنا كەرى اسەرىن تيگىزدى. وسىلايشا 2016 جىلداعى بانك سەكتورى اكتيۆتەرىنىڭ اتاۋلى ءوسىمى 7،5% قۇرادى. 2015 جىلى بۇل كورسەتكىش 35% قۇراعان بولاتىن، ءبىراق ول تەڭگەنىڭ بىردەن ديەۆولۆاسياعا ۇشىراۋىنىڭ ناتيجەسىندە جانە بانك سەكتورىنداعى ۆاليۋتالىق اكتيۆتەر مەن مىندەتتەمەلەردىڭ تىم ۇلكەن ۇلەسىنىڭ سەبەبىنەن بولدى. تەڭگە باعامىنا جاسالعان تۇزەتۋدى ەسكەرە وتىرىپ، 2015 جىلى بانك سەكتورىنداعى اكتيۆتەردىڭ ءوسىمى جاعىمسىز ايماقتا قالىپ وتىردى.
2016 جىلى بانك اكتيۆتەرى تەك قانا دەپوزيتتەردىڭ جالپى ءوسۋىنىڭ ەسەبىنەن ۇلعايعان ەدى (+14%). 2015 جىلى باعامعا جاسالعان تۇزەتۋلەردى ەسكەرگەندە بانك كليەنتتەرىنىڭ دەپوزيتتەرى 7% تومەندەدى. ينفلاسيانى ەسكەرە وتىرىپ، 2016 جىلى بانكتەردەگى اكتيۆتەردىڭ ناقتى ءوسىمى دە جاعىمسىز ايماققا جايعاستى. وسىعان بايلانىستى 2016 جىلى بانك جۇەسىندەگى اكتيۆتەردىڭ ءىۆت ۇلەسى 58% قۇراعان بولسا، 2015 جىلى بۇل كورسەتكىش 61% قۇرادى.
سالىستىرمالى تۇردە ايتاتىن بولساق، رەسەيدەگى بانك جۇيەسى اكتيۆتەرىنىڭ ۇلەسى ءبىر جارىم ەسە - 93% ارتىق كورسەتكىشتە بولدى.
2015 جىلدىڭ اياعى مەن 2016 جىلدىڭ قاڭتارىندا تەڭگەدەگى وتەمدىلىك وتە ۇلكەن جەتكىلىكسىزدىك كۇيدە قالدى، بۇل ونىڭ جوعارى قۇنىن كورسەتتى. 2016 جىلدىڭ باسىندا رەپو باعامى جىلدىق 80% جەتتى
ءبىراق، اقپان ايىنان باستاپ جاعداي تاعى دا وزگەرە باستادى. ۇكىمەت ۇلتتىق قوردان بيۋدجەتتىك شىعىندار مەن ەكونوميكانى قارجىلاندىرۋدى ارتتىردى، ءسويتىپ ۇلتتىق بانك بازالىق باعامدى 17% +/- 2پپ ورناتىپ، اتالعان باعاممەن بانكتەرگە وتەمدىلىك بەرۋدى باستادى. وسى ايدان باستاپ ۇلتتىق بانك، ادەتتە قىسقا مەرزىمدى نوتالاردىڭ كومەگىمەگىمەن الاتىن، بانكتەردەگى ارتىق وتەمدىلىكتىڭ ءبىرىزدى جينالۋى ورىن الدى. جىل سوڭىنا قاراي وتەمدىلىكتىڭ ۆالدىق الىمى ت3،2 ترل. نەمەسە سەكتورداعى قارىز پورتفەلىنىڭ 21% قۇرادى.
2016 جىلى ۇلتتىق ۆاليۋتانىڭ باعامى 2015 جىلعى جاعدايعا قاراعاندا مەيلىنشە تومەن قۇبىلمالىلىقتا قالدى. مۇناي باعاسىنىڭ وزگەرۋى سوڭىنان تەڭگەنىڭ اقش دوللارىنا شاققانداعى باعامى قاڭتار ايىندا ەڭ جوعارى دەڭگەيگە جەتتى – 384 تەڭگە جانە وسىنداي ءوسۋدىڭ ارتىنشا مۇناي باعاسىن بەلگىلەۋ مامىر ايىندا 327 گە دەيىن ءتۇستى. جىل سوڭىنا قاراي تەڭگەنىڭ باعامى جالپى ءبىر جىل ىشىندە 2%-عا نىعايىپ، 333 تەڭگەنى قۇرادى.
ۆاليۋتا نارىعىنداعى قاتىستى تۇراقتىلىق پەن تۇرعىندار تاراپىنان كۇتىلگەن ديەۆالۆاسيا دەپوزيتتەردىڭ دوللارلانۋىن تومەندەتۋگە مۇمكىندىك بەرىپ، 2016 جىلدىڭ سوڭىنا قاراي 2015 جىلمەن سالىستىرعاندا 55% قۇرادى. سونداي-اق، ۇلتتىق جانە شەتەل ۆاليۋتالارىنداعى سالىمدار ءۇشىن ەسەپتەلەتىن سىياقى مولشەرلەمەلەرىندەگى ماڭىزدى ايىرماشىلىقتار دا وعان ءوز ۇلەسىن قوستى.
بانك جۇيەسىندەگى جاعدايعا قاراپ وتىرىپ، ولاردىڭ مەملەكەتتىك سىڭايلى سەكتوردان تاۋەلدىلىگىن اڭعارۋعا بولادى. ەڭ الدىمەن بۇل «سامۇرىق-قازىنا» ءۇاق، بجزق، «بايتەرەك»، «كازاگرو» ۇبح قاتىستى. اتالعان مەكەمەلەرمەن ورنالاستىرىلعان اقشالاردىڭ ەدب- دەگى جالپى كولەمى بانك جۇيەسىندەگى بارلىق مىندەتتەمەلەردىڭ 30% كەم ەمەس ۇلەسىن قۇرايدى. 2016 جىلدىڭ اياعىنا قاراي بانكتەردىڭ 1.87 ترلن تەڭگە نەمەسە 8.2% مولشەردەگى مىندەتتەمەلەرىن بجزق قاراجاتتارى قۇرادى. 2016 جىلدىڭ قىركۇيەك ايىنداعى ەسەپتىلىككە سايكەس «سامۇرىق-قازىنا» ءۇاق بانكتەردەگى قاراجاتتارى 3.2 ترلن تەڭگە (بانك مىندەتتەمەلەرىنىڭ 14.3%) جانە «كازاگرو» ۇبح - 0.55 ترلن تەڭگەسىن (2.5%) قۇراعان بولاتىن. 2016 جىلدىڭ 1 جارتى جىلدىعىنداعى ەسەپتىلىككە سايكەس «بايتەرەك» ءۇبح-نىڭ بانكتەردەگى قاراجاتتارى 1 ترلن تەڭگەنى (4.7%) قۇرادى.
مەملەكەتتىك سىڭايلى قۇرىلىمداردىڭ سالىمدارى بانكتەردىڭ (اسىرەسە بۇل ورتاشا بانكتەرگە قاتىستى) وتە ءىرى كليەنتتەرگە جوعارى دارەجەدە شوعىرلانۋىمەن سيپاتتالادى. بۇل ءوز كەزەگىندە، ولاردىڭ جىلىستاۋى كەزىندەگى ماڭىزدى تاۋەكەلدەردى (بىرنەشە بانكتەردىڭ جىل سوڭىنداعى وتەمدىلىك ماسەلەلەرى، كازينۆەستبانكتىڭ ليسەنزياسىن قايتارىپ الۋ) تۋىنداتادى.
2016 جىلى بانكتەردىڭ نەسيە پورتفەلى 0.3% ، ت15.5 تلرن دەيىن (رەزيدەنت ەمەس تۇلعالارعا بەرىلگەن نەسيەلەردى ەسكەرە وتىرىپ) تومەندەپ كەتتى. نەسيەلەردىڭ ءوسۋى ىسكەرى بەلسەندىلىكتىڭ تومەندەۋى، كوپ مولشەردەگى نەسيەلەندىرۋشىلىك جانە اعىمداعى جانە جاڭا قارىزگەرلەردىڭ ساپاسىنىڭ تومەندىگى، ۇزاق مەرزىمدى قورلاندىرۋدىڭ بولماۋى، سونداي-اق، بانكتەردىڭ ەركىن قاراجاتتارىن قحب-نە جوعارى مولشەرلەمە بازاسى بويىنشا مەيلىنشە تارتىمدى جانە وتە تاۋەكەلدى تاسىلدەرمەن ورنالاستىرۋ قولجەتىمدىلىگىنىڭ بار بولۋى سەبىنەن كىدىرىپ قالدى. ينفلياسيانى ەسكەرگەندە، 2016 جىلداعى بانك سەكتورىنىڭ نەسيە پورتفەلىنىڭ شىنايى تومەندەۋى الدەقايدا ماڭىزدى كولەمدە بولدى.
ۇكىمەت تاراپىنان ەلدەگى بانكتەرگە ايتارلىقتاي كومەك جانە قولداۋ بارىنشا كورسەتىلۋدە. سونىڭ ناتيجەسىندە ەلدەگى بانكتەردىڭ جاعدايى 2017 جىلعا قاراي ايتارلىقتاي جاقسى كورسەتكىشتەر كورسەتىپ، جاعدايلارى جاقسارادى.
بانكتىك جۇيەگە اسەر ەتەتىن كوپتەگەن فاكتورلار بار، اتاپ ايتارلىق بولساق، ولار: قولايسىز كونيۋنكتۋرا، ۇلتتىق ۆاليۋتا باعامى، داۋلى نەسيە جاعدايلارى جانە بورىشكەرلەردىڭ ءوز مىندەتىن اتقارماۋى بانكتىك جۇيەگە ۇلكەن ىقپال ەتۋشى فاكتورلار بولۋدا.
