مەنىڭ كوپتەن بەرى شەشىلمەي كەلە جاتقان ماسەلەم بار ەدى. بۇل ماسەلە مەنىڭ عانا ەمەس، مەن تۇراتىن وڭتۇستىك قازاقستان وبلىسى، سايرام اۋدانى، مانكەنت اۋىلى تۇرعىندارىنىڭ دا ماسەلەسى دەپ ايتسا بولادى.
ياعني، اتاپ ايتار بولسام اي سايىن پايدالانىلاتىن گاز تۇبىرتەكتەرىنە كورسەتىلمەگەن تەحنيكالىق قىزمەتتەردىڭ اقىسىن قوسا جازىپ جىبەرگەننەن باستالدى.
اتالعان تۇبىرتەككە سايكەس پايدالانىلعان گازدى تولەۋگە «قازپوشتا» اق بولىمشەسىنە بارعانىمىزدا، بولىمشە قىزمەتكەرلەرى تۇبىرتەكتە كورسەتىلگەن سومانى تولىق تولەگەن جاعدايدا عانا قابىلداي الاتىندىعىن ءتۇسىندىردى.
الايدا، ءبىز كورسەتىلمەگەن تەحنيكالىق قىزمەتتەر ءۇشىن تۇبىرتەكتە كورسەتىلگەن سومانى تولەمەيمىز دەپ «زەنيت تۆك» جشس-نە بارعانىمىزدا، باسشىلارى نە جاۋاپتى قىزمەتكەرلەرى تاراپىنان تولىققاندى جاۋاپ الا المادىق.
مەن، اۋىل تۇرعىندارىنىڭ اتىنان وسى ماسەلەنى كوتەرىپ، شەشىمىن تاۋىپ بەرەدى دەگەن ۇمىتپەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وڭتۇستىك قازاقستان وبلىسى بويىنشا دەپارتامەنتىنىڭ باسشىسى ءا.كومەكبايەۆتىڭ جەكە قابىلداۋىندا بولدىم.
دەپارتامەنت باسشىسى ورىنباسارلارىمەن باسقارما باسشىلارىن جانە «زەنيت تۆك» ءجشس-نىڭ وكىلىن قاتىستىرا وتىرىپ، شاعىمىمدى تىڭدادى.
«زەنيت تۆك» ءجشس-نىڭ وكىلى الداعى ۋاقىتتا اتالعان ماسەلەنى شەشۋ ءۇشىن، ءاربىر تۇرعىنمەن جەكە كەلىسىم-شارت جاساۋ جۇمىستارىن جۇرگىزىپ، تەحنيكالىق قىزمەتتەردى كورسەتۋ اكتىسىن تۇزگەننەن كەيىن عانا تولەم تۇبىرتەگىنە كورسەتىلگەن سومانى قوساتىنىن ايتتى.
وسىلايشا تەك مەنىڭ عانا ەمەس، بۇكىل اۋىل تۇرعىندارىنىڭ ماسەلەسىن شەشىپ بەرگەن دەپارتامەنت باسشىلىعى مەن ۇجىمىنا العىسىم شەكسىز.
دەپارتامەنت باسشىلىعى مەن ۇجىمىنا الداعى ۋاقىتتاردا حالىق قامىن ويلاپ، ەل اراسىندا حالىقتىڭ مۇڭ-مۇقتاجىنا كوڭىل ءبولىپ، ماسەلەلەردى شەشۋ ءۇشىن بارلىق جاقسىلىقتاردى تىلەيمىن.
حۋدايبەرگەن تادجيبايەۆ، وڭتۇستىك قازاقستان وبلىسى، سايرام اۋدانى، مانكەنت اۋىلى كوشە كوميتەتىنىڭ ءتوراعاسى
پىكىر قالدىرۋ