«AstanaMusical» تەاترىنىڭ ارتىستەرى ەلوردا تۇرعىندارى مەن قوناقتارىنا جاڭا كەرەمەت شوۋ – «ەر توستىك» اتتى قازاق حالىق ەرتەگىسى جەلىسى بويىنشا جاسالعان ميۋزيكلىن تارتۋ ەتەدى. ميۋزيكل تۇساۋكەسەرى 14 ءساۋىر كۇنى «قازاقستان» ورتالىق كونسەرت زالىندا وتەدى دەپ حابارلايدى "قامشى" اقپاراتتىق اگەنتتىگى.

«ەر توستىك» ميۋزيكلى ەر توستىك باتىر تۋرالى كوپشىلىك بىلەتىن سيۋجەت قانا ەمەس، ىزگىلىك پەن زۇلىمدىقتىڭ، جاماندىق پەن جاقسىلىقتىڭ قاقتىعىسى تۋرالى حالىقتىق ەپوس.

تۋىندىنىڭ باستى ماقساتى جاقسىلىق، ابىروي، اقىل، نامىس، ماحاببات سەكىلدى جوعارى ادامگەرشىلىك ساپالاردى بەكىتۋ. ولاردىڭ تولاسسىز كۇشى زۇلىمدىقتى جەڭىپ، قاراڭعىلىقتى سەيىلتەدى. سونداي-اق، قىزىققا تولى وقيعالار، باتىرلىق، ەرلىك جانە ماحاببات جەلىسىنىڭ تاڭعاجايىپ شەشىمى.

تاماشا اۋەننىڭ جارقىلىنا تولى، بىرەگەي حورەوگرافيا، جاندى ۆوكال، كەرەمەت بەينە ينستاللياسيا، ءبىر ساتتە اۋىسىپ وتىراتىن كوز تارتارلىق دەكوراسيالار، ادەمى كوستيۋمدەردىڭ اۋىسۋى مەن ارتىستەردىڭ كاسىبيلىگىنە تولعان اسەرلى ىس-ارەكەت كورەرمەندى ەرتەگىلەر الەمىنە ەلىكتىرىپ اكەتەدى. سپەكتاكل ساحناسى زاماناۋي دەكوراسيالارمەن بەزەندىرىلگەن، ۆيدەوينستالياسيالار قوسىلعان، ورىنداۋشىلار ۇلكەن ارتىستىك شەبەرلىكپەن ءوز وبرازدارىن سومدايدى.  وسىنىڭ بارلىعى مۋزىكا اۆتورى – بولاتبەك نۇرقاسىموۆ، ليبرەتتو اۆتورى – ءانناس باعدات، سەناريست جانە  قويۋشى-رەجيسسەرى – ەسلام نۇرتازين سياقتى ۇزدىك مامانداردان قۇرىلعان شىعارماشىلىق توپتىڭ بىرىككەن ەڭبەگىنىڭ ناتيجەسىندە دۇنيەگە كەلدى.

ەرتەدە ۇلى جۇتتان عالامدى تۇنەك جايلاعان زامان بولادى.

توستىك دۇنيەگە كەلىپ، ونىڭ نۇرىنان تۇنەك سەيىلەدى. توستىك كۇن ساناپ ءوسىپ، ازامات بولىپ، كەنجەكەي اتتى ارۋعا ۇيلەنەدى.

پەرىنىڭ قىزى بەكتورى تۇنەك پاتشاسى تەمىر حاننىڭ بۇيرىعى بويىنشانوكەرلەرى – ديۋ، شويىنقۇلاق، جالعىزكوز، دۇلەي، وبىرمەنبىرگە توستىكتىڭ كوزىن جويۋعا كەلەدى. وسىلايشا “اق” پەن “قارانىڭ”تالاسى باستالادى.

بەكتورى اۋەلى توستىكتىڭ بەرەكەسىزدىكتەن كۇشتەرى السىرەگەن تاۋسوعار، ساققۇلاق، كولتاۋسار، جەلاياق، ەپتى، قىراعى اتتى التى دوسىن جەڭىپ، ولاردى جەر استىنا، تۇنەككە جىبەرەدى.

بەكتورى دۋا مەن cيقىرلاپ توستىكتىڭ قارۋىن (ساداعىن) قولعا تۇسىرەدى. ءبىراق، توستىككە كوڭىلى ءتۇسىپ، ولتىرۋگە قيماي ءتىرى قالدىرادى.كەنجەكەي توستىكتىڭ دۋاسىن قايتارىپ، ەسىن جيعىزادى. الايدا، بەكتورى ساداعىمەن بىرگە توستىكتىڭ ارىن الىپ قويعان ەدى. وسى ارقىلى توستىك پەن كەنجەكەيدىڭ اراسىنا وت تاستاپ كەتەدى.

توستىك دوستارىمەن بىرگە جەر بەتىنە شىققاندا، ارادا جەتپىس جىل وتكەن ەكەن. توستىك جەر استىنا تۇسكەننەن بەرى جەر بەتىن قايتا تۇنەك جايلاپتى. كەنجەكەي توقسانعا كەلىپ قارتايعان ەكەن.

بايتەرەكتىڭ تۇسىندىرۋىمەن توستىك قاناتتى پىراعى شالقۇيرىققا ءمىنىپ كوككە كوتەرىلگەندە كۇن باستى ادامعا اينالادى. وسىلايشا، جەر بەتىنە جارىق نۇر قايتا ورناپ، ۋاقىت كەرى اينالىپ ءبارى ءوز قالپىنا كەلەدى. جۇرت توستىككە ماداق جىرىن ايتادى. وسى كەزدە تەمىر حان تۇنەكتىڭ بار كۇشىن باستاپ جەر بەتىنە شىققان ەكەن. كۇن باستى ىلكى كەمەل ادامعا اينالعان ەر توستىك تۇنەكتى جەڭىپ، ەلىن قۋانىشقا بولەپ، سۇيگەن جارى كەنجەكەيگە قايتا قوسىلادى.