شەتەلدەگى قازاقتارعا ارنالعان ارنايى كۆوتالار بار. ءبىراق، ولار تەك باكالۆر ءۇشىن عانا جارامدى. ال ماگيستراتۋرا مەن PhD دوكترانتۋراعا تۇسكىسى كەلەتىندەرگە ازىرگە كۆوتا جوق. ماگيستراتۋرا مەن PhD دوكترانتۋراعا ءتۇسۋ ءۇشىن سىناق تاپسىرار كەزدە جاسالاتىن جەڭىلدىك: تىلدىك قولدانىسقا بايلانىستى. ياعني، ەگەر ول تۇرعان مەملەكەتتە قازاق ءتىلىن وقىماسا، ورنىنا ەمتيحاندى اعىلشىن تىلىنەن تاپسىرا الادى. شەتەلدەگى قانداستاردى اتامەكەنىنە تارتۋ جونىندەگى ەلباسى تاپسىرماسى بار. باكالاۆرعا قابىلداۋ جولعا قويىلدى. ەندى باكالاۆردان كەيىنگى ءبىلىم الامىن دەۋشى قانداستارعا ارنالعان تىلدىك قولدانىستان باسقا جەڭىلدىكتەر قاراستىرۋدى قولعا الامىز. شەتەلدىك قانداستاردىڭ ماگيستراتۋرا مەن PhD دوكتورانتۋرا ءۇشىن تاپسىرىلاتىن سىناقتا تىلدىك قولدانىس جاعىنان جەڭىلدىكتەر قاراستىرىلىپ، سىناق تاپسىرۋعا قولايلى جاعداي جاساۋعا تاپسىرما بەرىلگەن.
اسلان ءسارىنجىپوۆ. (Abai.kz پورتالىنداعى كونفەرەنسيا جاۋاپتارىنان الىندى)
