بۇگىن، 18 قىركۇيەكتە شوتلانديادا ۇلىبريتانيا بىرىككەن كورولدىگى قۇرامىنان شىعۋ ماسەلەسىنە قاتىستى رەفەرەندۋم وتەدى. وندا تۇرعىندار «شوتلانديا تاۋەلسىز ەل بولۋى ءتيىس دەپ سانايسىز با؟» دەگەن جالعىز ساۋالعا جاۋاپ بەرەدى. رەفەرەندۋم قارساڭىندا قوعامدىق پىكىردى انىقتاۋ ماقساتىمەن وتكىزىلگەن ساۋالناما ناتيجەسى تاۋەلسىزدىك الۋدى جاقتايتىندار مەن بىرىككەن كورولدىك قۇرامىندا قالۋدى قولدايتىندار سانى تەپە-تەڭ ەكەندىگىن كورسەتكەن. سوڭعى ساۋالناما كورسەتكەندەي، تۇرعىنداردىڭ 52 پايىزى شوتلانديانىڭ ۇلىبريتانيا قۇرامىندا قالعانىن قۇپتاسا، 48 پايىزى تاۋەلسىزدىكتى جاقتايتىندارىن بىلدىرگەن. بۇل تۋرالى ازاتتىق راديوسى جازدى.
شوتلانديانىڭ ءبىرىنشى ءمينيسترى ءارى سەپاراتيستىك شوتلانديا ۇلتتىق پارتياسىنىڭ جەتەكشىسى الەكس سالموند بۇل رەفەرەندۋمدى «وسى بۋىن ومىرىندە ءبىر-اق رەت بولاتىن ۇلى مۇمكىندىك» دەپ اتاعان. شوتلانديانىڭ داۋىس بەرۋگە قۇقىعى بار 4 ميلليون 400 مىڭ حالقىنىڭ 97 پايىزى سايلاۋشى رەتىندە تىركەلگەن. رەفەرەندۋم ناتيجەسى 19 قىركۇيەك كۇنى بەلگىلى بولماق.
قامشى-اقپارات
