رەسەيدىڭ كەڭەس فەدەراسياسى بايقوڭىر مارتەبەسى جونىندە رەسەي مەن قازاقستان اراسىنداعى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاسيالادى. وندا قالانىڭ رەسەيلىك سالىق زاڭناماسىنا وتەتىنى قارالدى، دەپ جازادى قامشى اقپاراتتىق اگەنتتىگى رەسەي فەدەرالدىق جينالىسىنىڭ باسىلىمىنا سىلتەمە جاساپ.
سالىقتى ءوندىرۋ ماسەلەسى 1995 جىلى قاراستىرىلعان، سول سەبەپتى قالادا ەكى ەلدىڭ دە زاڭناماسى جۇرەتىن بولادى.
2016 جىلدىڭ 12 ساۋىرىندە قازاقستان مەن رەسەي قالاداعى سالىق ءوندىرۋ ماسەلەسى جونىندە حاتتاماعا قول قويعان. اتاپ ايتقاندا، قوسىلعان قۇن سالىعى نولدىك ستاۆكاسىن قولدانۋدى كوزدەيدى.
قازاقستاندىق قالالاردان بايقوڭىرعا تاۋار كىرگىزگەندە سالىق يمپورتتاۋشى مەملەكەت، ياعني قازاقستان ستاۆكاسى ارقىلى وندىرىلەتىن بولادى. سونداي-اق بۇل تاۋارلار رەسەي سالىق كودەكسى ەنگىزگەن ستاۆكاسى بويىنشا جاناما سالىققا جاتاتىن بولادى. سالىقتار مەن الىمدارى تۋرالى زاڭناماعا سايكەس رەسەي قۇزىرەتىندەگى تاۋارلار رەسەي اۋماعىنا اكەلىنگەندە تاۋارلارعا سالىق تولەنبەيدى. ال بايقوڭىرعا جەتكىزەتىن بولسا، رەسەي سالىق كودەكىنە سايكەس سالىق وندىرىلەدى.
«وسىلايشا، بايقوڭىر اۋماعىندا قولدانىلاتىن قوسارلانعان سالىق ءوندىرۋ بەلگىسىزدىكتى جويادى» دەدى فەدەراسيا كەڭەسى كوميتەتىنىڭ حالىرالىق ىستەر بويىنشا مۇشەسى اناتوليي ليسيسين.