زاعيپ جاندار 3D ءتۇسىرىلىمى ارقىلى ۋزي قورىتىندىسىن «كورە الدى» دەپ حابارلايدى قامشى اقپاراتتىق اگەنتتىگى dalaaadno.ru-عا سىلتەمە جاساپ.
زاعيپ جاندار وزدەرىنىڭ بالالارى بولاتىنىن بىلگەندە قاتتى قۋانعان. الۆارو زەرمياني مەن انا سيلۆەيرا اتتى برازيليالىق تۇرعىندار دۇنيەگە كەلمەگەن بالالارىن ۋزي كەزىندە كورە المايتىندىقتارىنا قاپالانعان.
«بار ماسەلە ءسابيىمىزدى كوزبەن كورە الماعاندىعىمىز ەمەس، ءتىپتى ەلەستەتە الماۋىمىزدا»،-دەيدى انا. ءبىراق جاڭا تەحنولوگيانىڭ ارقاسىندا جاس جۇبايلاردىڭ ارمانى ورىندالدى. دارىگەر حەرەن ۆەرنەر ءۋزي-دى 3D تۇسىرىلىمىمەن باسىپ شىعارۋعا كومەكتەستى. بۇل جاعدايعا ريو-دە-جانەيرونىڭ گينەكولوگ مامانداارى دا اتسالىسقان.

«مەن باسىپ شىعارىلعان 3D ءتۇسىرىلىمىن قولىما العان ساتتەگى سەزىمىمدى سوزبەن ايتىپ جەتكىزە المايمىن. مەنىڭ قولىمدا مەنىڭ ارمانىم بولدى، مەن ونى سەزىنە الدىم»-، دەپ ءوز اسەرىمەن بولىسەدى انا.

«10 جىل بۇرىن برازيليانىڭ ۇلتتىق مۋزەيىندە كومپيۋتەرلىك توموگرافيا ىسكە قوسىلىپ، 3D ءتۇسىرىلىمى ارقىلى قاڭقالار مەن ارحەولوگيالىق ەسكەرتكىشتەرگە تاجىربيە جاسالا باستادى. سول كەزدەن باستاپ ۋزي قورىتىندىسىنىڭ دا 3D ءتۇسىرىلىمىن جاساۋعا بولاتىدىعىن ويلاي باستادىم جانە ونى ىسكە اسىردىم»،- دەيدى دارىگەر حەرەن ۆەرنەر. 2012 جىلدان باستاپ بۇل قىزمەت ءتۇرى زاعيپ جاندارعا تەگىن كورسەتىلىپ كەلەدى.