Uber كومپانياسى: 2020 جىلعا قاراي ۇشاتىن اۆتوكولىكتەر قولدانىسقا ەنەدى

    Nazerke Labihan
    Uber كومپانياسى: 2020 جىلعا قاراي ۇشاتىن اۆتوكولىكتەر قولدانىسقا ەنەدى

    بەلگىلى ءبىر ورىنعا جەتۋ ءۇشىن تاكسي نەمەسە جەكە جۇرگىزۋشىلەردى ىزدەۋ، شاقىرۋ قىزمەتتەرى بويىنشا ونلاين جۇمىس ىستەيتىن Uber كومپانياسى 2020 جىلعا قاراي ءوزىنىڭ ۇشاتىن اۆتوكولىكتەرىن ۇسىناتىنى جايلى مالىمدەدى، دەپ حابارلايدى قامشى اقپاراتتىق اگەنتتىگى USA Today-گە سىلتەمە جاساپ.

    «قالا ىشىندەگى اۆياسيا - Uber كومپانياسىنىڭ كەزەكتى قادامى» دەپ حابارلادى ونىمدەردى ۇسىنۋ ءبولىمىنىڭ باس مەڭگەرۋشىسى دجەفف حولدەن.

    ۇشاتىن اۆتوكولىكتەردى قولدانىسقا ەنگىزۋ ادامداردىڭ ۋاقىتىن ءتيىمدى پايدالانۋعا جانە جولداعى كەپتەلىس سانىن ازايتۋعا ءوز سەپتىگىن تيگىزەدى. قورشاعان ورتا مەن اۋانىڭ لاستانۋىنا ءبىرشاما شەكتەۋ قويادى. Uber كومپانياسى «تەتىكتى باس تا، ۇش» دەگەن مۇمكىندىك شىندىققا اينالۋى ءۇشىن جۇمىس ىستەپ جاتىر دەپ حابارلادى.

    كومپانيا جوسپارىمەن بولىسكەن جاڭا ۇلگىدەگى كولىكتەردى دۋبايدا وتەتىن الەمدىك دەڭگەيدەگى World Expo-2020 كورمەسىنە ۇسىناتىنىن مالىمدەدى.

    ايتا كەتەيىك، Uber تاكسي الەمنىڭ 70 مەملەكەتىنىڭ  570 قالاسىندا قولدانىسقا يە.

    اۋدارعان: ايگەرىم تاۋباي

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025