ساعىنتايەۆ شەنەۋنىكتەردى اعىلشىنشا سايراتپاقشى

    Zhazira Baidaly
    ساعىنتايەۆ شەنەۋنىكتەردى اعىلشىنشا سايراتپاقشى

    ق ر پرەمەر-مينيسترى باقىتجان ساعىنتايەۆ قازاقستانعا تارتىلعان ينۆەستورلاردىڭ ايماقتاردا ءبىرقاتار كەدەرگىلەرگە تاپ بولاتىنىنا الاڭداپ وتىر. سونىڭ ءبىرى - جەرگىلىكتى بيلىكتىڭ ءتىل بىلمەۋى،  دەپ xابارلايدى قامشى اقپاراتتىق اگەنتتىگى قازاقپاراتقا سىلتەمە جاساي وتىرىپ.

     "قازىرگى كەزدە ءبىز ۇلتتىق ينۆەستيسيالىق ستراتەگيانى ازىرلەپ جاتىرمىز. ول دا پرەزيدەنتتىڭ تاپسىرماسى. وسى جۇمىسقا xالىقارالىق ساراپشىلار تارتىلىپ وتىر. سونداي-اق، ءبىز ءوزىمىزدىڭ ايماقتاعى ارىپتەستەرىمىزگە وسى ماسەلەنىڭ ماڭىزدىلىعىن تۇسىندىردىك. سەبەبى ءدال سول ايماقتاردا كوپتەگەن ماسەلەلەر تۋىندايدى. ەندى، ءبىز، ۇكىمەتتە وتىرعاندار، ينۆەستيسيالىق ساياساتتى وزگەرتۋدىڭ قاجەتتىلىگىن جاقسى تۇسىنەمىز. سول سەبەپتى وسى سالاداعى جۇمىستىڭ ايماقتاردا تۇرالاپ قالعانىن قالامايمىز. سوندىقتان وبلىس اكىمدەرىنىڭ ينۆەستيسيالار جونىندەگى ورىنباسارلارىمەن قوسىمشا كەڭەستەر وتكىزدىك. ءبىز كەيبىر باسشىلاردىڭ وسى سالادا جۇمىس ىستەۋگە ءالى دە دايىن ەمەس ەكەنىن بايقادىق. ءتىلدى ءتيىستى دەڭگەيدە بىلمەيتىندەرى دە كوپ نارسەنى اڭعارتادى. ءيا، ولاردىڭ باسقا دا جۇمىستارى دا جەتىپ ارتىلادى. ونى دا بىلەمىز. وسىعان بايلانىستى ءبىز پرەزيدەنت اكىمشىلىگىنە ءتيىستى xاتتى ازىرلەپ جاتىرمىز. ينۆەستيسيالاردى تارتۋ جۇمىسىن رەتكە كەلتىرۋ كەرەك"، - دەدى ساعىنتايەۆ بۇگىن قازاقستاننىڭ ينۆەستيسيالىق الەۋەتىن تانىستىرۋعا ارنالعان شارادا.

    اتالعان شارادا ق ر ينۆەستيسيالار جانە دامۋ ءمينيسترى جەڭىس قاسىمبەك پەن "Kazakh Invest" ۇلتتىق كومپانياسىنىڭ باسشىلىعى شەت مەملەكەتتەردىڭ ەلشىلەرىنە ينۆەستيسيالاردى تارتۋ، شەتەل ينۆەستورلارىنا ىڭعايلى جاعداي جاساۋ سالاسىنداعى جۇمىستار جايىندا بايانداپ بەردى. پرەمەر-مينيستردىڭ ايتۋىنشا، بۇگىندە شەتەل ينۆەستيسيالارىن تارتۋدىڭ بۇرىنعى جۇيەسى تولىعىمەن وزگەرتىلدى. وسى سالادا ارنايى "Kazakh Invest" ۇلتتىق كومپانياسى قۇرىلدى. ال كومپانيانىڭ ديرەكتورلار كەڭەسى ۇكىمەت باسشىسى دارەجەسىنە دەيىن كوتەرىلدى. "كەڭەستىڭ ءتوراعاسى مەن بولامىن. ءبىز ديرەكتورلار كەڭەسىنىڭ مارتەبەسىن ادەيى كوتەردىك. سونىڭ ءوزى ينۆەستيسيالىق ساياساتتىڭ باسىمدىعىن، قازاقستان ءۇشىن قانشالىقتى ماڭىزدى ەكەنىن كورسەتسە كەرەك"، - دەپ اتاپ كورسەتتى ساعىنتايەۆ.


     

    قاتىستى ماقالالار