جامبىل وبلىسىندا ۇرلىقتىڭ الدىن الۋ ماقساتىندا باس پروكۋراتۋرانىڭ، ىشكى ىستەر جانە اۋىل شارۋاشىلىعى مينيسترلىكتەرى قىزمەتكەرلەرىنەن قۇرالعان ۆەدومستۆوارالىق توبى جۇمىس جاساۋدا. توپ ۇستىمىزدەگى جىلدىڭ 27 ناۋرىزىندا باس پروكۋرور جاقىپ اسانوۆتىڭ توراعالىعىمەن وتكەن قۇقىق قورعاۋ ورگاندارىنىڭ ۇيلەستىرۋ كەڭەسىنىڭ ۇسىنىسى نەگىزىندە قۇرىلعان.
جۇمىس توبىمەن وبلىس اكتيۆى، اۆتوتۇراقتاردىڭ، بازارلاردىڭ، كۇزەت ۇيىمدارىنىڭ يەلەرىمەن جانە ءقاجد-نىڭ جەكە قۇرامىمەن كەزدەسۋلەر وتكىزىلدى. الدىن الۋ جۇمىستارىمەن 10 اۋداننىڭ 6-ى قامتىلدى.
«سكوتوكراد» جەدەل الدىن الۋ شاراسىنىڭ ناتيجەسىندە 246 باس اۋىلشارۋاشىلىق جانۋارلارىن قۇجاتسىز تاسىمالداعان 30 اۆتوكولىك ۇستالىپ، پوليسيا بولىمىنە جەتكىزىلدى.
اۋىل شارۋاشىلىعى مينيسترلىگىنىڭ قىزمەتكەرلەرى اۋدان فەرمەرلەرىنە، ۆەتەرينارلىق ۇيىمدارعا جانە اكىمدىكتەرگە ۆەتەرينارلىق زاڭنامانىڭ اۋىلشارۋاشىلىق مالدارىن بىرەگەيلەندىرۋ تۋرالى بولىگىنىڭ تالاپتارى ءتۇسىندىرىلدى. سوڭعىلارى اقتوعاي اۋىلدىق وكرۋگتە 99 ءىرى قارا جانە 1 1195 ۇساق مالداردى سىرعالاۋ جۇرگىزدى.
توپ مۇشەلەرى مال بازارلارىندا كوپتەگەن زاڭ بۇزۋشىلىقتار انىقتادى، سونىڭ ىشىندە ەلدى مەكەندەردە زاڭسىز ورنالاسۋى بويىنشا.
وبلىس بويىنشا مەملەكەتتىك ورگاندارمەن بىرگە ۇرلىققا قارسى پروفيلاكتيكاسى بويىنشا جول كارتاسى ىسكە اسىرىلۋدا. سونىمەن قاتار شەتەلدىك تاجىريبە قولدانىس ۇستىندە. قىلمىستىق جانە اكىمشىلىك كودەكستەرىنە وزگەرتۋلەر مەن تولىقتىرۋلار ەنگىزۋ ءۇشىن ۇسىنىستار ازىرلەندى.
تاراز قالاسى، جەلتوقسان كوشەسى، 80 مەكەن-جايدا ورنالاسقان «گەنەرالدار اللەياسىندا» اعىمداعى جىلدىڭ 1 مامىرىندا كۇزەت مەكەمەلەرىنىڭ قاۋىپسىزدىك جۇيەلەرىنىڭ كورمەسىنىڭ وتكىزىلۋى جوسپارلانۋدا. اتالعان ءىس-شارا پاتەر ۇرلىقتارىن تومەندەتۋ ماقساتىندا جۇرگىزىلۋدە.
جالپى وبلىس بويىنشا ۇرلىقتىڭ 15،5% (2793-دەن 2361-گە) تومەندەۋى بايقالادى، سونىڭ ىشىندە مال ۇرلاۋى 33،5% (245-دەن 163-كە)، ۇيالى تەلەفوندار 13% ( 911-دەن 793-كە)، پاتەر ۇرلىعى 24،6% (622-دەن 469-عا)، قوعامدىق ورىنداردا 0،4% (886-دەن 882-گە).
سونىمەن قاتار بۇل باعىتتا جۇمىس ءالى دە جوق ەمەس. اۋماقتا قالتا ۇرلىعى جوعارى دەڭگەيدە قالىپ وتىر، ونىڭ كوبىسى قوعامدىق كولىكتەردە ورىن العان.
توپ ءوزىنىڭ جۇمىسىن جامبىل وبلىسىندا اعىمداعى جىلدىڭ مامىر ايىنىڭ سوڭىنا دەيىن جالعاستىرادى. ۇرلىققا قارسى پروفيلاكتيكاسى بويىنشا تۋىنداعان سۇراقتار جانە ۇسىنىستار بويىنشا وبلىسى پروكۋراتۋراسىنا 8 (7262) 45-15-01 جانە IIد 8 (7262) 43-06-78 تەلەفوندارى بويىنشا حابارلاسۋعا بولادى.
