جامبىل وبلىسىنىڭ پروكۋرورلارى ۇلى وتان سوعىسى جەڭىسىنىڭ 72 جىلدىعىنىڭ قۇرمەتىنە وراي جامبىل وبلىسىنى سوعىس ارداگەرلەرىن قۇتتىقتاپ قايتتى. بۇل تۋرالى قامشى اقپاراتتىق اگەنتتىگى جامبىل وبلىسى پروكۋراتۋراسىنىڭ باسپا ءسوز قىزمەتىنە سىلتەمە جاساپ حابارلايدى.

          ولاردىڭ ءاربىرى وراسان زور سىي-قۇرمەتكە لايىق، ءارقايسىسى تۇتقيىلدان كەلگەن جاۋعا قارسى تىك تۇرىپ، كەۋدەسىن كەرە وتانىمىزدى قورعاپ قالدى، - دەدى وبلىس پروكۋرورى ەرنات سىبانقۇلوۆ، ۇلى وتان شايقاسى ءاربىر قازاقستاندىقتى بەي-جاي قالدىرمادى، قانشاما جىلدار وتسە دە ءبىزدىڭ اتا-بابالارىمىز ۇمىتىلماق ەمەس جانە ولاردىڭ ەرەن ەڭبەكتەرى ەل ەسىندە قالا بەرەدى.

          رىسپانبەتوۆ قىبىراي 1921 جىلى تۋىلعان سوعىس ارداگەرى شايقاستا ەرەن ەڭبەگىمەن كوزگە ءتۇسىپ، لەنينگراد تۇبىندەگى شايقاستا جەڭىسكە قول جەتكىزىپ، قازىرگى تاڭدا تاراز قالاسىندا وتباسىمەن تۇرىپ جاتىر.

          قىبىراي اتا 1942 جىلى سوعىسقا اتتانىپ، 1945 جىلى جەڭىسپەن ورالدى. 1 جانە 2 دارەجەلى «ۇلى وتان سوعىسى» وردەنىمەن، «لەنينگوراد قورعانىسى ءۇشىن»، «گەرمانيا تۇبىندەگى جەڭىسى ءۇشىن» مەدالدارىمەن جانە باسقا دا ناگرادالارمەن ماراپاتتالدى.

          سوعىستان كەلگەننەن كەيىن دە قىبىراي اتا ءوز وتانىنىڭ يگىلىگى  ءۇشىن ايانىپ قالماي، اۋىل شارۋاشىلىعىن كوتەرۋگە بەلسەنە ارالستى.

          3 مامىر كۇنى وبلىس پروكۋرورى ەرنات سىبانقۇلوۆ قىبىراي اتانى جەڭىس كۇنىمەن قۇتتىقتاپ قايتتى، ارداگەر دە پروكۋرورعا ءوز العىسىن ءبىلدىرىپ جاتتى.          سوعىس ارداگەرىنە باعالى سىيلىقتار تارتۋ ەتىلدى، سونىمەن قاتار ونىڭ ىشىندە ەكسپو-2017-گە 2 شاقىرۋ بيلەتى تاپسىرىلدى.

          قىبىراي اتا، استاناعا بارىپ، ەلىمىزدىڭ جەتىستىكتەرىن ءوز كوزىڭىزبەن كورىپ قايتۋعا دەنساۋلىعىڭىز جەتەدى دەپ سەنەمىز. قازاقستان مەن باسقا ەلدەردىڭ جەتىستىككە جەتۋىنە ءسىزدىڭ جانە باسقا سوعىس ارداگەرلەرىنىڭ قوسقان ۇلەسى شەكسىز دەپ بىلەمىز، - دەدى وبلىس پروكۋرورى، سىزدەردىڭ ەڭبەكتەرىڭىز ءارقاشان ەل ەسىندە، ءبىزدىڭ ەلىمىزدىڭ وسىپ-وركەندەۋى سىزدەردىڭ ارقالارىڭىز.

          سونداي-اق وبلىستىڭ باسقا اۋداندارىنىڭ سوعىس ارداگەرلەرىن پروكۋرورلار قۇتتىقتاپ، باعالى سىيلىقتار تارتۋ ەتىپ، الەۋمەتتىك، مەديسينالىق جانە زاڭ جۇزىندە دە كومەك كورسەتىلدى.

          مويىنقۇم اۋدانىنىڭ پروكۋراتۋرا قىزمەتكەرلەرى سوعىس ارداگەرى ابديروۆ ساعاشتىڭ دا قاھارماندىق ەرلىكتەرىن ءبىلىپ قايتتى، ابديروۆ ساعاش «جەڭىس»، «ۇلى وتان سوعىسى»، وردەندەرىمەن، «كاۆكاز قورعانىسى» مەدالىمەن جانە باسقا دا ناگرادالارمەن ماراپاتتالعان.

          سوعىستان كەيىن دە ساعاش اتا دا ۇستازدىق ەتىپ، كەيىنىرەك مەكتەپ ديرەكتورى، اۋىلدىق كەڭەس ءتوراعاسى، شىعاناق اۋىلىنىڭ اقساقالدار كەڭەسىنىڭ ءتوراعاسى قىزمەتتەرىن اتقارعان.

          قازىرگى تاڭدا ساعاش اتا ءوزىنىڭ 10 پەرزەنتى مەن 30 نەمەرەسىنىڭ، 33 شوبەرەسىنىڭ جانە ءبىر شوپشەگىنىڭ اراسىندا باقىتتى دا ۇزاق عۇمىر كەشۋدە.

          ءبىزدىڭ ارداگەرلەرىمىز تەك شايقاس الاڭىندا عانا ەمەس، سوعىستان كەيىن دە لايىقتى سىي-قۇرمەتكە بولەنىپ، كەلەشەك ۇرپاققا ۇلگى-ونەگە كورسەتۋدە.

          وبلىس پروكۋرورى ارداگەرلەرگە، ولاردىڭ جەسىرلەرىنە، تىل ەڭبەككەرلەرىنە قامقورلىق كورسەتۋدى تۇراقتى نەگىزدە جالعاستىرۋ، قاجەتتىلىكتەرىنە باسا نازار اۋدارىپ وتىرۋ تۋرالى تاپسىرما بەردى.

          اتا-ابابالارىمىزدىڭ قاسىق قانى مەن ماڭداي تەرلەرىمەن كەلگەن ۇلى جەڭىس ۇمىتىلماق ەمەس، ءبىز ولاردى جەڭىس كۇندەرى عانا ەمەس، جۇرەگىمىزدە ماڭگى ساقتاپ، اشىق اسپان استىندا بەيبىت ءومىر سۇرگەنىمىز ءۇشىن العىس ءبىلدىرۋىمىز قاجەت، -  دەدى  وبلىس پروكۋرورى.