ادەتتە ەلەس پەن قالا ءسوزىن بىرگە قولدانعاندا  كوز الدىمىزعا بوس تۇرعان عيماراتتار، قولدانىسقا جارامايتىن ەسكى زاتتار، كەلۋشىسى جوق ءدامحانالار ، قيراۋدىڭ الدىندا تۇرعان قاقپالار ەلەستەيدى.  الايدا مۇنىڭ بارلىعى قىتايدىڭ ءشولدى ايماعىندا ورنالاسقان كانگباشي قالاسىنا قاتىستى ەمەس.

الەمدە 1،5 ملن. ادامدى ءدال ءقازىر قابىلداۋعا دايىن قالا بار، دەپ حابارلايدى قامشى اقپاراتتىق اگەنتتىگى.

 قالا قوعامدىق كولىكتەرمەن، جاڭا باسپانالار ، تەپ-تەگىس جول، سپورت اللەياسى جانە ءتۇرلى ساياباقتارمەن قامتاماسىز ەتىلگەن. ءبىر وكىنىشتىسى قالانىڭ ىشىندە قوزعالىس جوق.

عاجايىپقا تولى قالا قىتايدىڭ سولتۇستىگىندە ورنالاسقان. بۇل جەردى ىشكى ماڭعوليا دەپ تە اتايدى.

2001 جىلى بۇل جەرەدەن كومىر كەنى تابىلعان. ادام سەنگىسىز بايلىققا كەنەلگەن بيلىك باسىنداعىلار جاڭا قالا تۇرعىزۋعا شەشىم قابىلدايدى.  باستاپقىدا بۇل قالا 1 ملن. ادامعا ەسەپتەلىپ جاسالعان.

2003 جىلى قالانىڭ قۇرىلىسى اياقتالىپ، ءوزىنىڭ تۇرعىندارىن قابىلداۋعا دايىن تۇردى. الايدا، جۇڭگو حالقىنىڭ كەيبىر تۇرعىندارىنىڭ  جىلجىمايتىن مۇلىكتى يەمدەنۋگە قالتاسى كوتەرە بەرمەيدى.

فوتوگراف الەكساندر بەلىي اتالعان ايماققا بارىپ قايتقان بولاتىن. ءوز ءىسىنىڭ مامانىن كەڭ كوشەلەر ، كوپقاباتتى بوس تۇرعان تۇرعىن ۇيلەر، جانە تىرشىلىگى جوق بوس كوشەلەر تاڭ قالدىرعان.

كانگباشيدە باعدارشام حالىقتىڭ از بولعانىنا قاراماستان توقتاۋسىز جۇمىس ىستەۋدە. سوڭعى مالىمەتتەرگە سۇيەنسەك، قالادا 30 مىڭ ادام ادام تۇرادى.

ەلەستى قالا اتانعان بۇل ايماقتا كوشەلەردە ءتۇرلى باننەر مەن ماڭدايشالار ءىلۋلى. زاماناۋي قوعامدىق كولىكتەر مەن ءتۇرلى مۇسىندەر، زامانۋي ويىن-ساۋىق كەشەندەرى، بيزنەس-ورتالىقتار، تۇرعىن ۇيلەر كوزدىڭ جاۋىن الادى.

كانگباشي قالاسىنىڭ جالپى جەر كولەمى 350 شارشى شاقىرىم كم. سامارا مەن قازان قالالارىنىڭ ايماعىن الىپ جاتقان الىپ شاھارعا قىتايدىڭ بيلىك باسىنداعىلار ءبىر كەزدەرى حالىقتى تولاسسىز كوشىپ كەلەدى دەپ ويلاعان.

تاعى ءبىر قىزىق دەرەكتى ايتا كەتسەك: جەكەمەنشىك ينۆەستورلار جاڭادان نەگىزى قالانعان شاھاردان جىلجىمايتىن مۇلىكتى كوپتەپ  ساتىپ العان. بۇگىندە قاراپايىم حالىقتىڭ قارجىسىنىڭ جەتپەۋى سالدارىنان ويداعى باعاسىنا ساتا الماي وتىر.

كوپ قاباتتى تۇرعىن ۇيلەردە كەيبىر پاتەرلەر بەزەندىرىلمەگەن. ەدەنمەن قامتاماسىز ەتىلمەگەندەرى دە كەزدەسەدى.  الايدا، جىلۋمەن قاتاماسىز ەتۋ ءوز دەڭگەيىندە. شاھاردى قالاۋشىلار تۇرعىندار كوشىپ كەلگەنگە دەيىن  بارلىق قۇرىلىس جۇمىستارىن اياقتاۋدى ويلاپ وتىر. جالپى ايتقاندا، مەملەكەتتىڭ قارجىسىنىڭ ءبىراز بولىگى ەشكىم تۇرمايتىن ۇيلەرگە جۇمسالۋدا.

قالا بىرنەشە اۋىلدىڭ ورنىنا تۇرعىزىلعان. قازىرگى كۇنگە دەيىن قۇرىلىس جۇمىستارى توقتاۋسىز ءجۇرىپ جاتىر.

 قالا ىشىندە تەك كەشكە جاقىن عانا اۆتوكولىكپەن جۇرگەن تۇرعىندار مەن جاياۋ سەرۋەنگە شىققان ادامداردىڭ قاراسى  كورىنەدى. كەيبىر تۇرعىندار  جەرگىلىكتى ءدامحانالارعا  بارىپ تۇرادى.

كوپ جاعدايدا كانگباشي قالاسىندا ادەتتە كوشە تازالىعىنا جاۋاپ بەرەتىن قىزمەتكەرەلەردى عانا كەزىكتىرۋگە بولادى. شىندىعىنا كەلگەندە، بۇل ايماقتا باسقا تابىس كوزى دە جوق.

ايتىلىپ جۇرگەن اڭىزدارعا سۇيەنسەك، جۇڭگو حالقى ءسىبىردى جاۋلاپ الماقشى. جاۋلاپ العان ورىس حالقىن بوس تۇرعان قالاعا ورنالاستىرماقشى. استىرتىن جۇمىستاردىڭ باستى كوزى وسى قالا  بولماق.

10-20 جىلدان سوڭ بۇل قالادا تىرشىلىك جاندانىپ، تۇرعىنداردىڭ قاتارى كوبەيەدى دەپ ۇمىتتەنەمىز.

اۋدارعان: ايگەرىم تاۋباي