ادامزات تاريحىندا  ادام  قانىن موينىنا جۇكتەگەن قانىشەرلەر جەتەرلىك. 19 عاسىردىڭ سوڭىندا جەڭىل ءجۇرىستى ايەلدەرگە شابۋىل جاساعان دجەك-پوتروشتىڭ ءىسى ءالى كۇنگە دەيىن اشىلماي كەلەدى، دەپ حابارلايدى قامشى اقپاراتتىق اگەنتتىگى. 

ۆالاحيا كنيازى ءىىى ۆلاد سەپەش ءوز زامانىن «ميفتىك دراكۋلاعا»  اينالدىرعان قانعا قۇمار قانىشەر رەتىندە تانىمال.

ال وسىدان 500 جىل بۇرىن ءومىر سۇرگەن ۆەنگەرلىك اريستوكراتكا ەليزاۆەتا باتوري «قانىشەر گرافينيا» رەتىندە بەلگىلى.

اتلاعان تۇلعالار تاريحتا ادامدارعا دەگەن قاتىگەزدىگىمەن ساقتالعان.

ەنريكەتا مارپتي «بارسەلونالىق قانىشەر» اتانعان ايەل. پروۆينسيادا دۇنيەگە كەلگەن ەنريكەتا جاس كەزىندە استانانى باعىندىرۋعا اتتانادى. باتساپقىدا بالا كۇتۋشىسى بولىپ جۇمىس ىستەگەن. كوبىرەك اقشا تابۋدىڭ جەڭىل جولىن ىزدەگەن ەنريكەتا جەڭىل ءجۇرىستى قىزداردىڭ قاتارىنا قوسىلادى.

جەڭىل ءجۇرىستىڭ قازانىندا قايناپ جۇرگەن ەنريكەتا 1909 جىلى ءوزىنىڭ جەكە مەكەمەسىن اشادى. سونىڭ ارقاسىندا سول ايماقتاعى كوپتەگەن تۇلعالارمەن تانىس بولىپ، ءوز  ءىسىن توڭگەلەتەىپ اكەتەدى. ءبىراق بۇل جەردە  جەڭىل ءجۇرىستى ايەلدەر عانا بولعان جوق...

ەنريكەتانىڭ قاراماعىندا 3 جاستان 14 جاسقا دەيىنگى جاس قىزدار بولدى. اۋقاتتى پەدوفيلدەرگە جاعداي جاساۋ ءۇشىن جاس قىزداردى پايدالانعان.

الايدا، بۇل ءىستىڭ الىسقا بارمايتىنى بەلگىلى ەدى.  كوپ ۇزاماي ەنريكەتانىڭ ءىسى قۇرىقتالعان. ەنريكەتا ءوزىنىڭ اۋقاتتى تانىستارىنىڭ ارقاسىندا سۇتتەن اق ، سۋدان تازا بولىپ اقتالىپ شىقتى.

اقاتالىپ شىققان كەيىنگى ءمارپتيدىڭ ارەكەتى پەدوفيلدەردىڭ ىسىنەن دە اسىپ تۇسەدى. كەدەي اۋداندا ءبىر پاتەرگە ورنالاسىپ، جۇرەگى جوق «مادام» قايتادان بالا ۇرلاۋعا كوشەدى.

كەزەكتى بالانى قولعا ءتۇسىرىپ، ەنريكەتا ونى ولتىرەدى. ءسابيدىڭ قانىنان تۋبەركۋلەزگە قارسى ءدارى جاسايدى. ال ءسابيدىڭ مايى، ەتى جانە سۇيەگىنەن استانانىڭ اۋقاتتى ايەلدەرىنە ارناپ كرەم ازىرلەيدى.

كۇندىز كەدەي ادامنىڭ بەينەسىنە ەنىپ، كەش بولسا اۋقاتتى ادامداردىڭ ورتاسىنان تابىلاتىن قانىشەردىڭ ءىسى كوپ ۇزاماي قايتا قۇرىقتالدى. ۇرلانعان قىزداردىڭ ءبىرى بولمە تەرەزەسىنەن كورىنىپ، پوليسيا قىزمەتكەرەلەرىنە  حابارلانعان.

ءمارپتيدىڭ ۇيىنەن ادام مۇشەلەرىنەن جاسالاتىن دارىلەردىڭ ءمازىرى تابىلعان. تاپسىرىس بەرۋشىلەردىڭ ءتىزىمى انىقتالعان. ورتا ەسەپپەن مارتي 40 جاس ءسابيدىڭ اعزاسىنان ءتۇرلى دارى-دارمەكتەر ازىرلەگەن.

سوت شەشىمىنە دەيىن قانىشەر ايەل تۇرمە قابىرعاسىندا ولتىرىلگەن. تاپسىرىس بەرۋشىلەردىڭ بىرەۋى ءوز ەسىمى اتالماس ءۇشىن ولتىرگەنى انىق.

ءبىر وكىنىشىتىسى ەنريكەتانىڭ بار ىس-ارەكەتىمەن تانىس بولعان تاپسىرىس بەرۋشىلەر ەش جازاعا ۇشىراماعان.  

دايىنداعان: ايگەرىم تاۋباي