50 جىل بايلاۋدا بولعان ءپىل قۇتقارۋشىلار كەلگەندە جىلاپ جىبەردى، دەپ حابارلايدى قامشى اقپاراتتىق اگەنتتىگى.

رادجۋ ەسىمدى ءپىل جارتى عاسىر بويى  ءۇندىستان جەرىن مەكەن ەتۋدە. ءوزىنىڭ ءۇندىستان جەرىندەگى ومىرىندە ساياحاتشىلاردىڭ بەرەتىن دامدەرمەن قورەكتەنىپ وتىرعان. كەيدە رادجۋدىڭ پلاستيكالىق ىدىستار جەگەنى، كەيدە قاعازبەن قورەكتەنگەنى ءمالىم بولىپ وتىر.  مۇنىڭ ءبارى اسقازان بوس تۇرماس ءۇشىن جاسالعان ارەكەت.

جەرگىلىكتى ەرىكتىلەر ءپىلدىڭ قايعىعا تولى ءومىرى جايلى ەستىگەن. قۇتقارۋ جۇمىستارىنا كىرىسىپ، سوڭىندا الىپ جانۋارعا بوستاندىق الىپ بەرگەن.

ەرىكتىلەر ءپىلدى شىنجىردان بوساتقان ساتتە الىپ جانۋاردىڭ كوزىنە جاس كەلگەن.
راسىندا دا، ەستىگەن ادامعا وتىرىك بولىپ كورىنۋى مۇمكىن، ءبىراق جانۋاردىڭ كوزىنە جاس كەلگەنى راس دەيدى قۇتقارۋشىلار.

رادجۋدى قۇتقارعان ۇيىم وكىلدەرى وزدەرىنىڭ كورگەندەرىنە سەنبەي قالعانى دا جاسىرمادى. الىپ جانۋاردىڭ بەتىنەن اققان جاس تامشىلارى بارلىعىن تاڭ قالدىردى. جانۋار دا ءوزى كورگەن قيىندىقتىڭ ارتتا قالعانىن سەزگەن بولۋ كەرەك.

ءپىلدىڭ مي قۇرىلىسى ءبىرشاما جەتىلگەن. اسىرەسە ءوزىنىڭ ەموسياسىن جاقسى كورسەتە بىلەدى.

وكىنىشكە وراي، ءپىلدىڭ بوستاندىقتا ءومىر ءسۇرۋى وڭاي ەمەس. ۆولونتەرلەر جانۋارعا ارناپ جاڭا باسپانا مەن اسپەن قامتماسىز ەتۋ ءۇشىن قاراجات جيناپ جاتىر. 

دايىنداعان: ايگەرىم تاۋباي