دۋبايداعى قازاقستان ەلشىسى قايرات لاما شاريف «ەكسپو 2020 دۋباي» جوعارعى كوميتەتىنىڭ ءتوراعاسى شەيح احمەد بەن سايد ءال ماكتۋممەن كەزدەستى. سونىمەن قاتار ول «ەكسپو 2020 دۋباي» باسشىلىق قۇرامىنىڭ بيۋروسىنا دا قاتىستى، دەپ حابارلايدى قامشى اقپاراتتىق اگەنتتىگى قازاقپاراتقا سىلتەمە جاساپ.

ق ر سىرتقى ىستەر مينيسترلىگى باسپا ءسوز قىزمەتىنىڭ اقپاراتىنا سايكەس كەزدەسۋ بارىسىندا قازاقستاندىق ديپلومات قازاقستان پرەمەر-مينيسترى باقىتجان ساعىنتايەۆتىڭ اتىنان ءباا ۆيسە-پرەزيدەنتى، پرەمەر-مينيسترى، دۋباي باسشىسى مۇحاممەد بەن راشيد ءال ماكتۋم اتىنا دۋبايدا وتەتىن دۇنيەجۇزىلىك ەكسپو-2020 كورمەسىنە رەسمي قاتىساتىنىن راستايتىن حاتتى تاپسىردى.

امىرلىك تاراپى قازاقستان ۇكىمەتىنىڭ ءتيىستى قاۋلىسىمەن ق ر ءبىلىم جانە  عىلىم ۆيسە-مينيسترى اسلانبەك ءامرين كورمەنىڭ قازاقستاندىق سەكسياسىنا باس كوميسسيار بولىپ تاعايىندالعانىن حابارلادى.

ق. لاما شاريف   «قازاقستاندا استانادا وتەتىن ەكسپو-2017 كورمەسىن وتكىزۋدە امىرلىكتىڭ قولداۋىن جوعارى باعالاۋدا. وسىعان بايلانىستى اراب تاراپىنا ەڭ اۋقىمدى پاۆيلونداردىڭ ءبىرى بولىنگەنىن» اتاپ ءوتتى. 

شەيح احمەد قازاقستاننىڭ دۋبايدا وتەتىن ەكسپو-2020 كورمەسىنە رەسمي قاتىسۋىن قۇپ الدى، بۇل شەشىم ەكى ەل اراسىنداعى باۋىرلاس قاتىناستاردىڭ ودان ءارى نىعايۋى مەن كەڭەيۋىنە ىقپال ەتەتىنىن اتاپ ءوتتى.