الاباما تۇرعىنى قولىنا جۇكتىلىككە قارسى ءدارىنى قىسىپ ۇستاعان كۇيى دۇنيەگە كەلگەن سابيىمەن بىرگە تۇسكەن سۋرەتىن الەۋمەتتىك جەلىگە جۇكتەگەن، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.
جەرگىلىكتى پەرزەنتحانالاردىڭ بىرىندە تۋىلعان ءسابيدىڭ قولىندا جاتىردىڭ ىشكى جاعىنا ورناتىلاتىن سپيرال بولعان.
ءسابيدىڭ اناسى ءليۋسيدىڭ ايتۋىنشا، بۇل ءۇشىنشى سپيرال ەكەن. مۇنى تامىز ايىندا ورناتقان، الايدا جەلتوقسان ايىندا ءوزىنىڭ جۇكتى ەكەندىگىن بىلگەن.
ۋزي-گە تۇسكەن كەزىندە بالانى كورسەتكەنىمەن، سپيرالدى كورسەتپەگەن. ونىڭ دارىگەرى سپيرالدى ءتۇسىپ قالدى دەپ ويلاعان.
قولىنا جۇكتىلىككە قارسى ءدارىنى ۇستاپ تۋىلعان ءسابيدىڭ فوتوسى ينتەرنەت جەلىسىندە كەڭىنەن تارالىپ، مىڭداعان كورىلىمگە يە بولدى.
دايىنداعان: نازەركە لابيحان
