مۇنداي شارا جەرگىلىكتى اتقارۋشى ورگانداردىڭ قىزىعۋشىلىعىن ارتتىرادى
تالدىقورعاندا ءتورالقا ءتوراعاسى تيمۋر قۇلىبايەۆتىڭ قاتىسۋىمەن الماتى وبلىسى كاسىپكەرلەر پالاتاسى وڭىرلىك كەڭەسىنىڭ كەڭەيتىلگەن وتىرىسى ءوتتى.
ۇلتتىق پالاتانىڭ باسشىسى اكىمدىك پەن بيزنەس-قوعامداستىقتىڭ نازارىن وتاندىق تاۋار وندىرۋشىلەردى قولداۋعا اۋداردى.
«اتامەكەن» وتاندىق تاۋار وندىرۋشىلەرگە بارىنشا قولداۋ كورسەتەدى. مەملەكەت باسشىسى ەكونوميكانىڭ شيكىزاتتىق ەمەس سەكتورىن دامىتۋ تاپسىرماسىن بەردى، ارينە، بۇل ۇدەرىس وتاندىق تاۋار وندىرۋشىلەر ارقىلى جۇرگىزىلەدى. كەز كەلگەن ينۆەستور نىسان اشقان كەزدە، وتاندىق وندىرۋشىگە اينالادى. وسىلايشا جۇمىسپەن قامتۋ ماسەلەسى شەشىلەدى جانە سالىق اۋدارىمى ۇلعايادى»، – دەدى تيمۋر قۇلىبايەۆ.
ءتورالقا ءتوراعاسىنىڭ ايتۋىنشا، جەرگىلىكتى اتقارۋشى ورگاندار ساتىپ الۋلاردى جۇزەگە اسىرىپ جاتقاندا وڭىرلىك وندىرۋشىلەرگە باسىمدىق تانىتۋ كەرەك.
تيمۋر قۇلىبايەۆ وتاندىق كاسىپكەردى قولداۋ تۋرالى ايتا وتىرىپ، تەكەلى قالاسىندا سالىنعان اۆتوجولدى مىسالعا كەلتىردى. بۇل جول 7 جىلدان استام ۋاقىت بۇرىن پايدالانۋعا بەرىلگەن، ساپاسى جاعىنان شەت ەلدىڭ تانىمال كومپانيالارىنان كەم تۇسپەيدى. ءتورالقا ءتوراعاسىنىڭ ايتۋىنشا، وسى جۇمىس وتاندىق وندىرۋشىلەرگە سەنىم بىلدىرۋگە بولاتىنىن كورسەتەدى.
«وڭىرلىك پالاتا وتاندىق تاۋار وندىرۋشىلەردىڭ ءتىزىمىن دايىنداۋى قاجەت، ول اكىمدىكتەردە بولۋى كەرەك. وسىلايشا تاپسىرىس جاساعاندا وڭىرلىك جانە جەرگىلىكتى وندىرۋشىلەردى نازارعا الۋ قاجەت»، – دەپ اتاپ ءوتتى تيمۋر قۇلىبايەۆ.
ءتورالقا ءتوراعاسى، سونىمەن قاتار، «اتامەكەن» شاعىن جانە ورتا بيزنەستىڭ سالىق اۋدارىمدارى ءوز وڭىرىندە قالسىن دەگەن ۇسىنىس بىلدىرگەنىن اتاپ ءوتتى. بۇل جەرگىلىكتى اتقارۋشى ورگانداردىڭ وڭىردەگى شاعىن جانە ورتا بيزنەستى دامىتۋداعى قىزىعۋشىلىعىن ارتتىرادى.
«اكىمدىكتەر مەن ءماسليحاتتار وسى جەردە سالىق سالىناتىن نەگىزدى قۇرۋ ءۇشىن كاسىپكەرلەردىڭ ماسەلەسىمەن اينالىسادى. جالپى «اتامەكەن» بيزنەس پەن جەرگىلىكتى اتقارۋشى ورگان اراسىنداعى بايلانىستى قامتاماسىز ەتەدى»، – دەدى تيمۋر قۇلىبايەۆ.
پىكىر قالدىرۋ