جىل بۇرىن سان-فرانسيسكو قالاسىنىڭ ەريكا كارنەر ەسىمدى تۇرعىنى ۇيىنە جوندەۋ جۇمىستارىن جاساۋدى ويعا الادى. جوندەۋ جۇمىستارىن جۇرگىزەتىن جۇمىسشىلار گاراجدىڭ ورنىنا دا قازۋ جۇمىستارىن جۇرگىزگەن.  قازۋ بارىسىندا جۇمىسشىلار تاڭعاجايىپ دۇنيەگە تاپ بولادى، دەپ حابارلايدى قامشى اقپاراتتىق اگەنتتىگى.

جۇمىسشىلار كىشكەنتاي قىز جەرلەنگەن ءقابىردى تابادى. قابىر سىرتىنا ءمور باسىلعانى بەلگىلى بولىپ وتىر.

19 عاسىردا بۇل جەردە مولا بولعانى انىقتالدى.  ادامداردىڭ دەنەسىن باسقا جەرگە كوشىرۋ جۇمىستارى جۇرگىزىلگەن، ءبىراق وسى جەردە قالىپ قويعاندارى دا جەتەرلىك.

قىزدىڭ دەنەسى جاقسى ساقتالعان. ونىڭ اشىق ءتۇستى شاشتارى لاۆاندا گۇلدەرىمەن كومكەرىلگەن. ءقابىر ىشىندە ءمايىتتىڭ ءبۇيىر جاعى ماڭگى جاسىل اعاشپەن قورشالعان. جەرلەۋ بارىسىندا ءمايىتتى بالزامداپ قويعانى انىق . وسىنىڭ ءبارىن ەسكەرە كەلە تابىتتاعى قىزدىڭ اۋقاتتى وتباسىدان شىققاندىعى كۇمان تۋدىرمايدى.

تابىتتىڭ كارنەر حانىمعا تيەسىلى جەردەن تابىلۋىنا بايلانىستى جەرگىلىكتى بيلىك باسىنداعىلار قىزدى باسقا جەرگە جەرلەۋگە قول ۇشىن سوزدى. رۇحسات الۋ ءۇشىن ەريكانىڭ ءبىراز شىعىندالعانى دا وتىرىك ەمەس.  ەريكا قىزدىڭ ءاتى-جونىن ءبىلۋ ءۇشىن ءتۇرلى اناليزدەردى ءوز قارجىسىنا جاساتقان. سول كەزدە عانا قىز بالاعا قايتىس بولعانى تۋرالى كۋالىك بەرىلىپ، جەرلەۋگە رۇحسات بەرىلگەن.

ەريكا انا رەتىندە تابىتتاعى قىز الدىندا ءوزىن بورىشتى سەزىنگەن. ءتىپتى قىزعا ميراندا دەپ ەسىم بەرگەن. الايدا اناليز قورىتىندىلارى بويىنشا قىزدىڭ ەسىمى ەديت كۋك ەكەنى انىقتالدى. ەديت كۋك 1876 جىلى 13 قازان كۇنى قايتىس بولعانى دا ءمالىم بولىپ وتىر.  ال ءولىمنىڭ سەبەبى، جۇقپالى اۋرۋدان بولعان.

بولعان وقيعا ب ا ق وكىلدەرى ارقىلى كوپشىلىككە تاراۋ ناتيجەسىندە بىرنەشە مەكەمە قارجىلاي كومەك كورسەتۋ ءۇشىن ەريكاعا حابارلاسقان.  

دايىنداعان: ايگەرىم تاۋباي