كوپ جىل بۇرىن سينگاپۋردا وتباسىلىق جۇپ تۇڭعىشىنىڭ دۇنيەگە كەلۋىن كۇتىپ جۇرگەن. ولار قىزدى بولاتىنىن ءبىلىپ، الدىن-الا پەي شان ەسىمىن دە دايىنداپ قويدى. وتباسىلىق جۇپ قىزدىڭ دۇنيەگە كەلۋىن تاعاتسىزدانا كۇتىپ، دايىندىق جۇمىستارىنا قىزۋ دايىندىقتى باستاپ كەتتى. كوپتەن كۇتكەن باقىتتى كۇن دە كەلىپ جەتتى. الايدا ءسابيدىڭ قول، اياعى قالىپتى سابيلەردىكىنەن قىسقا ەكەنى انىقتالدى. دارىگەرلەر ءۇشىنشى ساناتتاعى مۋكوپوليساحاريدوز دياگنوزىن قويعان. بۇل تۋىلعاننان ادامدا بولاتىن دەرت ءسابيدىڭ بارلىق دەنەسىنە زاقىم كەلتىرگەن. ونىڭ ىشىندە شارانانىڭ سۇيەگى، جۇيكە جۇيەسى جانە ىشكى اعزاسى دا بار.

ءبىر ايدان كەيىن سينگاپۋرلىق جۇپ ءسابيى ءوسۋىن توقتاتقانىن بايقاعان. سونىمەن قاتار، ءسابي كۇندە ءبىر اۋرۋمەن اۋىراتىن بولعان. ءبىر دەرتتەن ايىقسا ەكىنشىسى باستايتىن.

ۋاقىت وتە كەلە سابيدە سانفيليپپو سيندرومى عانا ەمەس باسقا دا سوزىلمالى اۋرۋلار بار ەكەنى انىقتالدى. وتە سيرەك كەزدەسەتىن گەنەتيكالىق اۋرۋ پەي ءشاننىڭ ماڭگىلىككە 1 جاستاعى بالانىڭ دەنەسىندە قالۋىنا سەبەپكەر بولدى. دەسەك تە، دارىگەرلەر تولىق ءدال وسى اۋرۋدىڭ كەسىرىنەن دەپ ايتا الماي وتىر.

پەي شاندى كورگەن ادامدار ونىڭ جاسى 17-دە ەكەنىنە سەنبەيدى. ول جۇرە المايدى جانە جورگەك كيۋگە ءماجبۇر. سونىمەن قاتار، ءالسىز وكپەنىڭ سالدارىنان ارنايى وتتەگى ماسكاسىمەن جۇرۋىنە تۋرا كەلگەن.

قىزىنىڭ دەنساۋلىعىنا وراي، اناسى جۇمىسىن تاستاپ، قىزىنا قاراعان. ونى ارنايى مەكتەپ ينتەرناتىنا جىبەرۋدى ويلاعان. الايدا قىزدى ءجىتى باقىلاۋ كەرەك بولدى.

پەي شان اعىلشىن ءتىلىن ۇيرەندى، وقۋ، جازۋدى، سۋرەت سالۋدى بىلەتىن. فورتەپيانودا ويناۋدى ۇيرەندى. ءتىپتى قايىرىمدىلىق كونسەرتىندە ونەر كورسەتتى.

اتا-اناسىنىڭ ايتۋىنشا،بارلىعىنان بۇرىن ولارعا ادامداردىڭ قىزعا قالاي قارايتىنى جانىنا باتاتىنىن ايتادى.

قىز 18-گە تولعاندا دەنساۋلىعى ودان بەتەر ناشارلاي ءتۇستى. ول قايتىس بولار الدىندا اتا-اناسىنا جىلاماۋعا جانە جەرلەۋ كەزىندە سۇيىكتى Hello Kitty مۋلتسەريالىنىڭ اۋەنىن قويۋدى سۇرادى. 

شولۋشى: اسەم المۇحانبەت