ديما كالەنكين ەشقاشان ءوزىنىڭ تۋعان اتا-اناسىن كورمەگەن. دۇنيەگە كەلگەن ساتتە بالاعا «گيدروسەفاليا» دەگەن دياگنوز قويىلعان. ونى بىلگەن اتا-اناسى بالاسىنان باس تارتقان. ال ديما بولسا ۋكراينانىڭ كراماتورسك قالاسىندا مۇگەدەكتەرگە ارنالعان بالالار ۇيىندە تاربيەلەنگەن، دەپ حابارلايدى قامشى اقپاراتتىق اگەنتتىگى.
ديمانىڭ اتا-اناسى باس تارتقانىمەن قويماي بالانىڭ باسىنا تاعى ءبىر بۇلت ۇيىرىلگەن. ۋكرايناداداعى اسكەري جاعدايلارعا بايلانىستى ديما تاربيەلەنىپ جاتقان بالالار ءۇيى كىمنىڭ قاراماعىنا وتەتىنى جايلى ۇلكەن داۋ بولدى. سونىڭ ناتيجەسىندە ديما حاركوۆادان ءبىر-اق شىقتى.
جەرگىلىكتى دارىگەرلەر ديمانىڭ جاعدايىن كورىپ كوزدەرىنە جاس الدى. ديمانىڭ ادام قاتارىنا قوسىلۋى ەكى تالاي بولدى. ول ءومىرىنىڭ سوڭىنا دەيىن مۇگەدەكتەرگە ارنالعان مەكەمەدە تۇراتىنداي حالدە ەدى.
ويلامعان جەردەن عاجايىپ قۇبىلىس ورىن الدى. ەرنەست پەن رۋت چاۆەس ەسىمدى امەريكالىق وتباسى بالالار ۇيىنە بالا اسىراپ الۋ ءۇشىن جۇگىنەدى. ۋكرايناداعى جاعدايدى ەستىپ، چاۆەستەر بالانى اسىراپ الۋعا شەشىم قابىلدايدى. ۇلكەن ۇيدە چاۆەستەر وتباسىندا ءار ۇلتتىڭ جەتى بالاسى ءومىر سۇرۋدە. ەكى ايدىڭ ىشىندە بالانى اسىراپ الۋ جۇمىستارى اياقتالىپ، ديما جاڭا وتباسىمەن تانىسىپ ۇلگەرگەن.
سابيگە زەبداياح چاۆەس دەگەن جاڭا ەسىم بەرلدى. سول ۋاقىتقا دەيىن قولىنا قاسىق ۇستاي الماعان بالا بۇگىندە ەشكىمنىڭ كومەگىنسىز ءوزى تاماقتانۋعا قاۋقارلى.
اسىراپ العان ساتتەن بەرى بالانىڭ اتا-اناسى ونىڭ دەنساۋلىعىن قاداعالاۋدا. بالا بۇگىندە ءوز اياعىمەن جۇرۋگە ارەكەت جاساۋدا. ەكى ءتىلدى دە تولىققاندى يگەرىپ ۇلگەرگەن.
دايىنداعان: ايگەرىم تاۋباي
