ماري كاتاياما توعىز جاسىندا سيرەك كەزدەسەتىن دەرتكە شالدىعىپ اياعىنان ايىرىلادى. تاعدىردىڭ مۇنداي قيىندىعىنا قاراماستان جاس قىز ءوزىنىڭ دەرتىن قىزىعۋشىلىعىمەن ۇشتاستىرىپ ءومىرىن وزىنە جانە ونەرگە ارناي العان دەپ حابارلايدى قامشى اقپاراتتىق اگەنتتىگى life.ru-عا سىلتەمە بەرىپ.

سۋرەتشى قىزدىڭ دەنەسى ونەرىنىڭ  ماڭىزدى بولىگى. ءوزىنىڭ دەنەسىن ونەردىڭ تۇرىنە اينالدىرا العان سۋرەتشى قىز ءوز تابىنۋشىلارىن جيناي العان.

   كاتاياما بارلاردىڭ بىرىندە جۇمىس ىستەپ جۇرگەن كەزدە كەلۋشىلەردىڭ ءبىرى «ايەل بيىكوكشەسىز ايەل ەمەس» دەپ ايتقان ەكەن. وسىدان كەيىن ول ءوزىنىڭ كەسىلگەن اياعىنا ارنايى بيىكوكشەلەردى جاساپ شىعارماقشى بولادى. قازىرگى كەزدە زاماناۋي ونەر مۇراجايىندا كاتايامانىڭ كورمەسى وتىلەدى.

 ماري جۇمىسىنا كيىمدەردى ءوزى تىگەدى. بارلىق كيىمدەر ونىڭ تابيعاتتان، ومىردەن العان اسەرى نەگىزىندە تىگىلەدى.

ماري كاتايامانىڭ ءوزى دەنەسىن ونەر رەتىندە ەسەپتەمەيدى. ءومىر سۇرۋگە ىڭعايلى بولعاندىقتان وسى جولدى تاڭداعان. فيزيولوگيالىق قيىندىقتارمەن بىرگە ماري سۋرەتشى ايەل رەتىندە دە قوعامنىڭ قىسىمىندا جۇرگەنىن ايتادى.

ءماريدىڭ تابىنۋشىلارىنىڭ كوپشىلىگى ونى كىم سۋرەتكە تۇسىرەتىنىن سۇرايدى ەكەن. شىندىعىنا كەلگەندە بارلىق سۋرەتتەردى ماري ءوزى تۇسىرگەن ەكەن. سەبەبى ماري سۋرەتكە ءوزى جالعىز تۇسىكەندى ۇناتادى.

شولۋشى: نازەركە مۇسا