باتىس قازاقستان وبلىسىنىڭ جاڭعالى اۋىلىنداعى تاس جولدىڭ بويىندا جىلقىلار تيەلگەن جۇك كولىگى ورتەنگەن، دەپ جازادى قامشى اقپاراتتىق اگەنتتىگى.
ال كۋاگەرلەردىڭ ءتۇسىرىپ العان ۆيدەوسىنان جۇك كولىگى بايقالمايدى. جىلقىلاردىڭ ءولى دەنەلەرى جول بويىندا شاشىلىپ جاتىر، ءتىپتى كەي جولدار قانعا بويالعان. سوعان قاراعاندا، ۆيدەوعا تۇسىرۋشىلەر جىلقىلاردىڭ باۋىزدالعانىن ايتادى.
«25 مامىردا كەرەمەت ات جارىسى بولىپ ەدى. قايتىپ بارا جاتقاندا اياق استىنان ماشينالارى ورتەنىپ، مىنا اتتار ورتەنىپ كەتكەن عوي. 4 ات. ەكەۋى جاڭادان شاۋىپ، بايگە الىپ ەدى. قيىن ەكەن. بايعۇستار. كادىمگىدەي ءپىسىپ قالعان عوي...»، - دەيدى ۆيدەوعا تۇسىرگەن كۋاگەرلەر.
