رەبەككا كوريام Disney Wonder اتتى كەمەدە بالا كۇتۋشى بولىپ قىزمەت ەتكەن. كەمە مەكسيكاداعى پۋەرتو-ۆاليارتانىڭ جانىنان ءوتىپ بارا جاتقاندا رەبەككا كەمەدەن جوق بولىپ كەتكەن. كومپانيا وكىلدەرى قاتتى تولقىننىڭ سالدارىنان رەبەككا سۋعا قۇلاپ كەتكەنىن ايتقان. الايدا قىزدىڭ اتا-اناسى وعان كۇمان كەلتىرىپ وتىر.

رەبەككانىڭ اكە-شەشەسى ونى زورلاپ، ودان كەيىن سۋعا لاقتىرىپ جىبەردى دەگەن ويدا. سەبەبى سول كۇنى تەڭىز تىنىش بولعان ەكەن. سونىمەن قاتار، ولاردىڭ سوزىنشە باگام ارالدارىنداعى پوليسياعا اقشا بەرىپ قويعانى جانە ەشقانداي تەكسەرۋ جۇمىستارى جۇرگىزىلمەگەنىن ايتادى.  

«تەكسەرۋ جۇمىستارى ادىلەتتى ءجۇرۋى ءتيىس. ونى ءولتىرىپ تاستادى ما دەپ قاتتى قورقامىن» دەيدى دوسى.

رەبەككانىڭ تۋىستارى ونى حوۋل ۋنيۆەرسيتەتىنىڭ ۇزدىك ستۋدەنتى رەتىندە سيپاتتايدى. رەبەككا وندا بالالار پسيحولوگياسىن وقىعان.

شولۋشى: اسەم المۇحانبەت