لوندون وليمپياداسىنا قازاقستان اتىنان قاتىسىپ، چەمپيون اتانعان زۇلفيا چينشانلو قىتايعا قايتتى. مۇنداي اقپاراتتى قىتايدىڭ sports.sohu.com سايتى تاراتتى.
«وتباسىما قايتۋدىڭ قۋانىشى ەرەكشە ەكەن. ويتكەنى ۇستازدارىم مەن جاتتىقتىرۋشىلارىمنىڭ جانىنا كەلدىم. ەڭ ماڭىزدىسى، مەن ەندى تۋعان جەرىمنىڭ كوكونىسىنەن ەركىن جەيتىن بولدىم.... مەن ەشقاشان قىتايلىق ەمەسپىن دەپ ايتىپ كورگەن جوقپىن. ويتكەنى مەن قىتايدىڭ حۋنان اۋدانىنان شىققان سپورتشىمىن. ەلدەن جىراققا كەتىپ، الماتىدا 5 جىل جۇرگەنىمدە ءوزىمنىڭ قىتايلىق ەكەنىمدى ەشقاشان ۇمىتقان ەمەسپىن. وتكەن جىلعى گۋانجوۋداعى باسەكەدە، ءتىپتى وسى جولى لوندون وليمپياداسىندا دا تىلشىلەردىڭ سۇحباتىنا مەن قىتايلىقپىن، قىتايدىڭ حۋنان اۋدانىنىڭ ادامىمىن دەپ جاۋاپ بەردىم».
بۇل چينشانلونىڭ جۇڭگو جۋرناليستەرىنە بەرگەن سۇحباتىنان ءۇزىندى.
ال ەندى ءبىر ءسات قارا قىزمىزدىڭ لوندون وليمپياداسى كەزىندە قازاقستان ءۇشىن ايتقان جىلى سوزدەرىن نازارعا الىپ كورەلىك.
- مەن ءۇشىن زىلتەمىردى كوتەرۋ وڭاي بولدى. ماعان مىنا موينىمداعى التىن مەدالدى كوتەرۋ قيىن بولىپ تۇر. بۇل جەڭىس ءۇشىن ءتورت جىل بويى دايىندالدىم. التىنىمدى بۇكىل قازاقستان ەلىنە ارنايمىن، نازارباي راحمەت!
قازاقتا ءوز بيەڭ قۇلىن تۋماي، اتقا جارىمايسىڭ دەگەن ءسوز بار ەدى... مىناۋ ءدال سونىڭ ءوزى بولىپ تۇر.
