Cءابي سۇيۋ-ۇلكەن باقىت. العاشقى ءسابيدى دۇنيەگە اكەلەر ساتتە انالار ءارتۇرلى كۇيدى باستان كەشىرەدى. تۋىستارى ۇل نەمەسە قىز ەكەنىنە بولجام جاساسا، اتا-اناسى بالانىڭ اماندىعىن تىلەيدى.

سارا حەللەر مەن كريس ەيدام اقش-تا تۇراتىن وتباسىلىق جۇپ. 7 اي بۇرىن برودي ەسىمدى ءسابيدىڭ اتا-اناسى اتانعان. جۇكتىلىكتىڭ 14ء-شى اپتاسىندا بالانىڭ جەتىلۋىندە ءبىر اقاۋلىق بار ەكەنىن بىلگەن.

ۋدز قورىتىندىسى بالانىڭ اۋزى مەن تاڭدايىندا ەكىجاقتى جىرىق بار ەكەنىن كورسەتكەن. سارا مەن كريس ەستىگەن جاڭالىقتان ەسەڭگىرەپ قالادى، ءبىراق قويىلعان دياگنوزدى بارىنشا قالىپتى قابىلدايدى. جاساندى تۇسىك جاساتۋعا بارمايدى.

اۋزى مەن تاڭدايىنداعى جىرىق بالانىڭ دامۋى بارىسىندا  دا ءبىر قالىپقا تۇسپەگەن.

ستاتيستيكا بويىنشا جىل سايىن اقش-تا 2 650 ءسابي قاسقىر اۋىزدى بولىپ دۇنيە ەسىگىن اشادى. قويان اۋىزدى بولىپ  4 400  ءسابي دۇنيەگە كەلەدى. بۇل بالالار كوپتەگەن ەم قابىلداي ءجۇرىپ سۋ مەن اس ىشۋگە بەيىمدەلەدى.

سارا مەن كريس ۇلدارىنىڭ سۋرەتىن الەۋمەتتىك جەلىلەرگە ءجيى جۇكتەپ وتىرادى ەكەن. ءبىر كۇنى تانىس ەمەس ادامداردىڭ سان ساۋالى سارانىڭ اشۋىنا تيسە دە، ءوزىن-وزى ۇستاپ بايىپپەن تۇسىندىرگەنىن ايتتى.

ءبىر كۇنى سارا قۇربىلارىمەن كەزدەسۋگە ءبروديدى وزىمەن بىرگە الىپ بارعان. ازدان سوڭ داياشى مايلىق الىپ كەلگەن. مايلىقتىڭ ىشىنەن ايەل ءبىر تۇبىرتەكتى كورەدى. قاراسا ايەلگە $1 000 تارتۋ ەتىپتى. ىشىندە : «كەرەمەت ءسابي ءۇشىن» دەگەن جازۋ بار ەكەن.

كۇتپەگەن سىيلىق انانى ۇلكەن قۋانىشقا بولەگەن. مەدەسينالىق شىعىنددى تولەۋگە جاردەم ەتكەن. سوڭعى وپەراسيا 3 قاڭتار كۇنى جاسلاعان. ناتيجەسىندە ءسابيدىڭ ەرنى، اۋزى قالىپقا كەلتىرىلگەن. 9-12 ايدىڭ ىشىندە ەمدى تولىقتاي قابىلداپ بولادى.

شولۋشى: ايگەرىم تاۋباي