مەندي كوۋي بريتانيادا جاردەماقىنىڭ پاتشايىمى سانالادى. جاقىندا ول ءوزىنىڭ 50 نەمەرە قالايتىنىن مالىمدەدى. 50 نەمەرەسى بولسا مەملەكەت قاراجاتىنان تولىققاندى ءومىر سۇرۋگە مۇمكىندىك الادى ەكەن. مەندي 49 جاستا.  بۇگىندە ول  10 بالانىڭ اناسى. 10 بالانى 5 كۇيەۋىنەن تۋعان.

سوڭعى 30 جىلدىڭ كولەمىندە كوۋي جاردەماقىنىڭ ەسەبىنەن ءومىر سۇرۋدە جانە ءوز بالالارىن دا ءدال سولاي ءومىر سۇرۋگە ۇگىتتەيدى ەكەن. قازىرگى تاڭدا مەملەكەتتەن جىلىنا 34 مىڭ دوللار الىپ وتىرادى. ونىڭ 3 مىڭ دوللارى دەنەسىنەدەى تاتۋيروۆكالارىنا جۇمسايدى.

مەندي ءوزىنىڭ تۇڭعىشىن 18 جاسىندا بوسانعان. ال 10-شى بالاسىن 36 جاسىندا دۇنيەگە اكەلگەن. كۇن سايىن بالالارىنا 50 نەمەرەلى بولۋدى قالايتىنىن ايتىپ وتىرادى.

بۇگىندە ايەلدىڭ 16 نەمەرەسى بار. بريتانيانىڭ تەلەارنالارىنان ۇلىبريتانياداعى مەملەكەت بولەتىن جاردەم اقىمەن ءومىر سۇرەتىن ەڭ ۇلكەن وتباسى رەتىندە كورسەتەدى.

مەندي ءوزىنىڭ 13 جاستاعى قىزىنا ءوزىن جاقسى ۇستاعان كەزدە تەمەكى ساتىپ الىپ بەرەتىنىن دە جاسىرمادى. ونىمەن قوسا قىزىن ءسپيرتتى ىشىمدىكتەن شەكتەمەيدى ەكەن.

كوپشىلىكتىڭ پىكىرى ايەلدى ويلاندىرمايدى. ول ءوزى دۇرىس ساناعان دۇنيەلەرمەن اينالىسادى. جاردەماقىعا ءومىر ءسۇرۋىنىڭ بىردەن-بىر سەبەبى، بالالارىنا كوپ كوڭىل ءبولۋى. بالالارىن جوسپارلاماعانىن ، ولاردىڭ رەتى سولاي بولىپ قالعانىن ايتتى.

«مەن ءدال ءقازىر جىلىنا الىپ وتىرعان قارجىدان كوبىرەك اقشا تاباتىن جۇمىس تابا الماسىم انىق. ادامدار مەنى سوگىپ جاتادى، ءبىراق مۇمكىندىكتەرى بولسا مەنىمەن ورىن اۋىستىرۋشى ەدى» ، -دەيدى مەندي.

ءۇش بالا اناسىمەن بىرگە تۇرادى، جەتەۋى- بولەك. ءقازىر مەندي ءوزىنىڭ مۇگەدەك بالاسىنا قالاي جاردەم اقشا الۋدى ويلاستىرۋدا.

كريستال ەسىمدى 24 جاستاعى قىزى اناسىنىڭ جولىن قۋعان. كۇيەۋىمەن نەكەنى بۇزعان جانە ارالارىندا بالا دا بار. كۇيەۋى ەكەۋى ءالى دە بىرگە، ءبىراق بولەك ۇيدە تۇرادى ەكەن. «ەگەر ءبىز قايتا وتباسىن قۇراتىن بولساق كەيبىر قارجىدان قاعىلامىز. ونداي جاعدايدا ءبىزدىڭ كۇنكورىسىمىز تومەندەپ كەتەدى»،-دەپ مالىمدەدى كريستال.

بريتانيا باسشىلىعى جىلىنا 201 ميلليون دوللار قارجىنى 27 مىڭ جارلى وتباسىلارعا تولەيدى.

شولۋشى: ايگەرىم تاۋباي