سيام ەگىزدەرى 200 000 قالىپتى ءسابيدىڭ اراسىنان 1 رەت  پايدا بولۋى  مۇمكىن. جانە كوپ جاعدايدا مۇنداي بالالار ءولى تۋىلادى.  

بريتتاني مەن ەببي حەنسەل سيام ەگىزدەرى. ولار ساۋ تۋىلىپ قانا قويماي، بۇگىندە ەش قيىندىقسىز ءومىر سۇرۋدە. ارينە، ولاردىڭ ءومىرىن قالىپتى جاعداي دەپ اتاۋ قيىن.

ءقازىر ولار قاراپايىم ادامدار جاساي الاتىن نارسەلەردىڭ ءبارىن ىستەي الادى. سيام ەگىزدەرىنىڭ ءومىرى تۋرالى قىزىقتى اقپاراتتى ۇسىنامىز.

دەنە قۇرىلىسى

ەببي مەن بريتتاني ءبىر دەنەدە. الايدا ماڭىزدى اعزالارى ءار قايسىسىندا جەكە-جەكە بار. مىسالى جۇرەك، مي، اسقازان، وكپە، ومىرتقا.

باقىلاۋ

قىزدار دەنەگە باقىلاۋدى بىرگە جۇرگىزەدى. الايدا وعان ۇيرەنۋ ءۇشىن قىزدارعا  ءبىراز ۋاقىت قاجەت بولعان. بۇگىن قىزداردىڭ ءار قايسىسى ءبىر قول مەن ءبىر اياقتى باقىلايدى.

ءجۇرىس

ەببي تابانىن تولىق باسىپ جۇرەدى، ال بريتتاني  اياق ۇشىمەن جۇرەدى.

قىزىعۋشىلىق

دارىگەرلەر قىزداردى بولگەن جاعدايدا ەكەۋى دە ءتىرى قالا المايتىن ەدى دەيدى. سوندىقتان بۇل سۇراق مۇلدەم تالقىلانباعان.

سيام ەگىزدەرى تۋرالى فيلم دە تۇسىرىلگەن. قىزدار 16 دا بولعاندا ولار تۋرالى ارنايى فيلم ءتۇسىرىلىپ، كەيىن شوۋعا اينالعان.

قىزدار ءوز دەنەلەرىن وتە جاقسى باقىلايدى.  كولىك ايداۋدى بىرگە ۇيرەنىپ، جۇرگىزۋشى كۋالىگىن الۋعا جەكە-جەكە تەست تاپسىرعان.

تالعام

قىزداردىڭ قىزىعۋشىلىقتارى مەن تالعامدارى ءار ءتۇرلى. بەتكە بوياۋ جاعاتىن كەزدە ءار قايسىسى جەكە قالاۋلارىنا جۇگىنسە، كيىمگە كەلگەندە ءبىر شەشىمگە كەلۋ قيىنعا سوعادى. ەببي ماتەماتيكانى جاقسى كورەدى، ال بريتتاني بولسا فيلولوگياعا جاقىن.

قىزدار ۋنيۆەرسيتەت ءبىتىرىپ 2 ديپلوم العان. ءقازىر باستاۋىش مەكتەپتە ماتەماتيكادان ساباق بەرەدى. الايدا ەڭبەكاقىنى ءبىر ادامنىڭ جۇمىسىنا الادى.

سيام قىزدار تانىسۋعا، وتباسىن قۇرۋعا قارسى ەمەستىكتەرىن جەتكىزگەن.

ولار ءوز دەنەلەرى، بولمىستارىن قاز قالپىندا قابىلداي العان. كوپشىلىكتىڭ نازارىندا بولۋعا دا ۇيرەنىپ قالعان. الايدا ولار ءومىر سۇرگەندەرى ءۇشىن باقىتتى.

دايىنداعان: سابينا رامازان