سولتۇستىك قازاقستان وبلىسىنىڭ تۇرعىندارى حيرۋرگ-رەنتگەنولوگ دميتريي ءتو مەن يگور ليەۆين وبىر دەرتىنىڭ الدىن الۋعا ارنالعان موبيلدىك قوسىمشا ويلاپ تاپتى دەپ Qamshy.kz اقپارات اگەنتتىگى 24.kz-كە سىلتەمە جاساپ حابارلايدى .

«ازىرگە بۇل پيلوتتىق جوبا. سوندىقتان ءالى دە تۇزەتۋدى قاجەت ەتەدى»، – دەيدى ماماندار.

ولار «ونكوسكرين» دەپ اتالاتىن باعدارلامانى قىركۇيەك ايىنا دەيىن تولىقتاي ىسكە اسىرۋدى جوسپارلاپ وتىر. كەيىن قوسىمشانى كەز كەلگەن ادام قالتا تەلەفونعا جۇكتەپ الادى.

ارنايى ساۋالنامالارعا جاۋاپ بەرۋ ارقىلى قوسىمشا ءسۇت جانە قۋىقالدى بەزدى، جاتىر مويىنىن، اسقازان مەن ىشەكتەگى اۋرۋلاردى ەرتە باستا انىقتاۋعا مۇمكىندىك بەرەدى. مۇنىمەن قاتار ناۋقاستار ونكولوگيالىق ديسپانسەر ماماندارىمەن ونلاين رەجيمدە سۇحباتتاسا الادى.

جالپى سولتۇستىك قازاقستان وبلىسى ەلىمىزدە قاتەرلى ىسىك اۋرۋى بويىنشا كوش باستاپ تۇر. بيىلدىڭ وزىندە وڭىردە 900-گە جۋىق ادامنان وبىر دەرتى انىقتالعان.

دميتريي ءتو، جوبا اۆتورى:

– موبيلدىك قوسىمشا ازاماتتارعا تەك ۇسىنىس جاسايدى. ياعني تەستتىڭ قورىتىندىسى بويىنشا اۋرۋدىڭ العىشارتتارى انىقتالسا، سكرينينگتەن وتۋگە نەمەسە دارىگەرگە قارالۋىنا كەڭەس بەرەدى. سونداي-اق مۇندا ەلىمىزدەگى ونكولوگيالىق ديسپانسەرلەردىڭ بارلىق ءتىزىمى بولادى.

يگور ليەۆين، جوبانى ازىرلەۋشى:

– دايىن بولعان باعدارلامانى ءبىز Playmarket پەن اppstore-دا جاريالايمىز. ول كەز كەلگەن گادجەتتە جۇمىس جاساي بەرەدى. ءقازىر جوبانى قاراپايىم، ياعني ازاماتتارعا تۇسىنىكتى بولۋ ءۇشىن بارىنشا جاعداي جاساپ جاتىرمىز. الداعى ۋاقىتتا ونى قازاق تىلىنە اۋدارۋدى دا جوسپارلاپ وتىرمىز.