اسقار جۇمادىلدايەۆ جاقىن ارادا قابىلدانعان لاتىن الىپبيىنە قاتىستى ءوزىنىڭ پىكىرىن ءبىلدىردى، - دەپ حابارلايدى Qamshy.kz اقپارات اگەنتتىگى. ول ەگەر لاتىن ءالىپبيى وسىلاي اپوستروف كۇيىندە قالا بەرەتىن بولسا بالالارىن ورىس مەكتەبىنە اۋىستىراتىنىن ايتتى. اسقار جۇمادىلدايەۆتىڭ لاتىن ءالىپبيىن سىنعا العان ۆيدەوسى فەيسبۋك الەۋمەتتىك جەلىسىنە جاريالانعان. 

«كەشە بىرەۋ «اباي جولىنىڭ» 27 بەتىن اۋدارىپ قويعانىن ايتىپ، ماقتانىپ وتىردى. كەرەمەت! ءماتىندى كيريليسادان كۇنى كەشە قابىلدانعان لاتىنعا اۋدارۋ وڭاي، ال لاتىننان كيريليساعا نەمەسە اعىلشىن تىلىنە ەشقاشان اۋدارا المايسىڭ. سەبەبى كومپيۋتەر اپوسترافتى قابىلدامايدى. ەگەر بۇل ءالىپبي ەنەتىن بولسا ەشكىم قازاقشا جازعىسى كەلمەيدى. ەگەر بۇل ءالىپبي قولدانىلاتىن بولسا مەن بالالارىمدى ورىس مەكتەبىنە اۋىستىرىپ جىبەرەمىن. ويتكەنى بۇل نۇسقامەن ءبىلىم الۋ مۇمكىن ەمەس. بۇل ماسەلەگە نەگىزى ماتەماتيكالىق تۇرعىدان قارايتىن بولساق وتە قاراپايىم دۇنيە. قازاق تىلىندە ءوز ورنىن تابا الماي جۇرگەن 8 ءتول ءارپىمىز بار. بۇل ارىپتەردىڭ جازىلۋىن كىم ويلاپ تاپتى؟ ويلاپ تاپقان احمەت بايتۇرسىنوۆ سىندى مايتالمان جاندار ەدى. قازاقتىڭ ناعىز جاناشىر زيالىلارى ويلاپ تاپتى. مىسالى قازاقتىڭ «ءا» ءارىپىن الايىقشى. بۇل ءارىپ ەشقانداي ەلدە، ۇلتتا جوق. بۇل ءارىپتى بىرەۋلەر «Aە» دەپ جازامىز دەدى، ەندى «ا’»ەتىپ ءبىر ءارىپتى ەكى بەلگىمەن جازاتىن بولدىق. جوعارىداعى نۇسقانىڭ قانداي ايىرماشىلىعى بار؟ ەشقانداي ايىرماشىلىعى جوق. جازباشا تۇردە دە ءبىر ءارىپتى ەكى رەت جازاتىن بولامىز. ءبىزدىڭ ءتول ارىپتەرىمىزدىڭ سانى 2 ەسەگە كوبەيەتىن بولادى. 

ءبىز «ءا» ارىپىنە بالاما جاساي المايمىز، جاي عانا بۇل ءارىپتى ءارى قاراي دا قولدانا بەرەيىك. بىرىنشىدەن، ءبىز بۇل ارىپكە ۇيرەنىپ كەتتىك، ەكىنشىدەن، بىزگە بۇل ءارىپ ىڭعايلى. بۇل ءارىپ يۋنيكود جۇيەسىندە بار. مەن بۇل نۇسقالاردى كىم ويلاپ شىعارىپ جاتقانىن بىلمەيمىن دە، تۇسىنبەيمىن. بۇل نۇسقانى قولدايتىن ادامداردى دا تۇسىنبەيمىن. ستۋدەنتتەر دە بۇل نۇسقانى قولدايدى دەپ ايتىپ جاتىر، ولار ءتىپتى بۇل نۇسقانى تۇسىنبەيدى، ءتىپتى بىلمەيدى. بۇل – شىندىق. وسى نۇسقامەن «يگيگاي» نەمەسە «ىنىلەرىمىزدىڭ شارۋاسىن بىتىرەيىك»، — دەپ جازىپ كورىڭىزدەر. بۇل سوزدەردىڭ جازباشا ءتۇرىن كورگەننەن كەيىن حالىق ەشقاشان قازاق تىلىندە جازعىسى كەلمەيدى. اسىرەسە ماتەماتيكا سالاسىنىڭ ماماندارى قازاق ءتىلىن مۇلدەم قولدانبايتىن بولادى. لاتىن الىپبيىنە كوشۋدىڭ باستى ماقساتى قازاقتىڭ ءتول ارىپتەرىن ساقتاپ قالۋ بولاتىن. ءبىراق ءبىز بۇل ءالىپبي نۇسقاسىنا كوشۋ ارقىلى قازاقتىڭ ءتول ارىپتەرىن دە، دىبىستارىن دا جوعالتاتىن بولامىز. وسىندايدا «قۇدايدان ءمۇيىز سۇرايمىن دەپ، قۇلاعىنان ايىرىلىپتى»، — دەگەن قازاقتىڭ ماقالى ەسكە تۇسەدى. بۇلاي بولمايدى»، — دەپ پىكىر ءبىلدىردى اسقار جۇمادىلدايەۆ.