رويال ستوك ۋنيۆەرسيتەتى اۋرۋحاناسىندا جۇمىس ىستەيتىن مەدبيكەلەر جازىلمايتىن دەرتكە شالدىققاندارعا كۇتىم جاساپ، قارايلاسادى. مەدبيكەلەر اجال اۋزىنداعى ەمدەلۋشىلەرىنىڭ نە تۋرالى ويلايتىندارىن ايتىپ بەرگەن. بۇل تۋرالى ۆەستي.رۋ جازادى.
زەرتتەۋلەرگە قاراعاندا، اجال اۋزىنداعى ادامداردىڭ كوپشىلىگى ءولىمدى وزدەرىنىڭ تۋىستارىنا قاراعاندا ءپوزيتيۆتى قابىلدايدى. ال، مەدبيكەلەر اڭگىمەسى وسى تاجىريبەنى دالەلدەي تۇسەدى.
قىزمەتشىلەردىڭ ايتۋلارىنا قاراعاندا، ولار ەندى ولىمنەن قاتتى قورىقپايدى.
ءولىم اۋزىندا جاتقان ادامدار ءتۇرلى نارسە تۋرالى ويلايدى.
كەيبىرەۋلەر وتباسىنداعى جاقىن ادامنىڭ كەلۋىن سۇرايدى، كەيبىرى مىسىق/ءيتىن اكەلۋىن سۇرايدى. ال ەندى بىرەۋلەر ءبىر شىناياق ءشاي نەمەسە الكوگولدى سۋسىن ءىشۋدى قالايدى ەكەن.
ادامداردىڭ كوپشىلىگى قاتتى الاڭداۋشىلىق سەزىمدە بولادى، وسى سەزىمدى تەجەۋ ءۇشىن وتباسىمەن سويلەسەدى نەمەسە دۇعادا بولادى.
مەدبيكەلەردىڭ ءبىرى، اۋرۋحاناعا جازىلمايتىن دەرتكە شالدىققان ەرلى-زايىپتىلار كەلگەنىن ايتادى. ولار وزدەرى جاتقان 2 توسەكتى بىر-بىرىنە جاقىنداتۋدى سۇراپ، قول ۇستاسىپ جاتقىلارى كەلەتىنىن ايتقان. ايەلى مەن كۇيەۋى وزدەرىنىڭ سۇيىكتى اندەرىن ايتىپ، قول ۇستاسىپ جاتقان. ارادا 10 كۇن وتكەن سوڭ ەكەۋى دە كوز جۇمعان.
«ءولىم اۋزىندا جاتقانداردىڭ قانداي دا ءبىر وكىنىشى بولا ما؟» دەگەن سۇراققا مەدبيكەلەردىڭ ءبىرى:
«ءبىر ەر ادام ءومىردىڭ قامشىنىڭ سابىنداي قىسقا ەكەنىن ايتىپ، اينالاسىنداعىلاردى وزدەرىن باقىتتى ەتەتىن نارسەلەردى جاساۋعا شاقىرعان. ال كەيبىر ادامدار وتە كوپ جۇمىس ىستەگەندەرى ءۇشىن، جۇمىسباستى بولىپ ءجۇرىپ ءوز قالاۋىنداعى زاتتاردى جاساماعاندارىنا، دەنساۋلىقتارىن قۇرتقاندارىنا وكىنەتىندەرىن جەتكىزدى».
اۋرۋحانا قىزمەتكەرلەرى اادامداردى ولىمنەن قورىقپاۋعا شاقىرادى. ولاردىڭ ايتۋىنشا، ەمدەلۋشىلەردىڭ كوپشىلىگى اجال اۋزىندا جاتىپ كەرەمەت جارىقتى كورگەن، كەيبىرى وزدەرىنىڭ الدەقاشان ومىردەن وزعان جاقىندارىمەن سويلەسكەن. ءبۇل-ار ادامنىڭ ءولىمى دارا بولاتىنىن بىلدىرەدى.
ءولىم كوپشىلىك ويلاعانداي قاتتى قورقىنىشتى نارسە ەمەس دەيدى قىزمەتكەرلەر. ءومىرىنىڭ ساناۋلى ساعاتتارى قالعان ادام قاتتى ازاپسىز، اۋىرماي جان تاپسىرسا، جاقىندارىمەن سويلەسىپ جانى تىنىشتىق تابادى.
