"قامشى.kz" - ەركىن اقپارات الاڭى. پورتالىمىزدا جارىق كورگەن “يسلام – باسقا ءدىن، ءوز ءدىنىمىز – ءتاڭىر”(ۆيدەو) جازباسىنا تۇسكەن پىكىرلەرگە وسى ۆيدەونىڭ اۆتورى "توقتار ابىز" رەسمي تۇردە جاۋاپ جازدى.

***

قىساستىقتى فارز دەپ كەك قۋاتىن مۋسليمين ەمەسپىن، سوندىقتان قازاق دۇنيە تانىمنىڭ جولىمەن ءار كىسىنىڭ ايتقانىنا قىسقاشا عانا جاۋاپ بەرە كەتەيىن، ۇققانى ۇعار، ۇقپاعانى «ول كىم؟» دەگىزىپ، ماعان جارناما جاساپ، «دىرىلىن» جالعاستىرا بەرەر.

1). مۋسىلمان.
قاڭتار 10، 2015 at 8:25 تك. يسلامدى باسكا دين دەۋگە كالاي اۋزى باردى ەكەن، كالاي داتي بارىپ ويلادى ەكەن، كاپير. جاۋاپ. يا يسلام باسقا، قازاق دۇنيە تانىمىنا ءۇش قايناتسا سورپاسى قوسىلمايتىن اراپتىڭ قۇمدى شاعىلدارىنان، قازاقتىڭ كيەلى، كوك وراي، كوك شالعىن دالاسىنا كەلگەن سەنىم. بۇل سوزگە كوزىڭدى جەتكىزۋ ءۇشىن، يسلام سەنىمىنىڭ شاپاعاتتى كىتابى كوراندى قولىڭا ال، 114 سۋراعا ورنالاسقان 6666 اياتتى دەرلىگىمەن جاقسىلاپ وقى، تۇسىنبەي قالعان جەرىڭ بار بولسا كوران مەن كاابانىڭ ناعىز يەگەرى بولىپ تابىلاتىن ساۋدي اراپتارىنان سۇرا. وعان ءالىڭ جەتپەسە، قۇران سوزدەرىن قۇدىرەت دەپ بىلەتىن، وعان كەز كەلگەن ەلدىڭ دۇنيە تانىمىن كىرگىزبەي «شىرىك» دەپ ۇعىندىراتىن، يسلامي ساۋاتتارى بەرىك سالافي باعىتىن ۇستاپ جۇرگەن قازاق ازاماتتارىنان سۇرا، مىعىمداپ تۇرىپ ءتۇسىندىرىپ بەرەدى. ال سەنىڭ، كاپير دەپ ماعان باعا بەرگەنىڭ يسلامي زاڭدىلىقتا ناعىز شەكتەن شىققاندىق بولىپ تابىلادى. سەبەبى سەن، شەشىم قابىلداپ فاتۋا جاسايتىن اللاح ەمەسسىڭ. ونىڭ ۇستىنە سەن، تەك قانا مىنا فاني دۇنيەدە شاراسىزدىقتىڭ كەبىنىن كيىپ قۇلعا تيەسىلى قۇلشىلىعىڭدى جاساپ جۇرگەن فاندەسىڭ. ال يسلام سەنىمىندە، مۋسليمدىكتى قابىلداعان كەز كەلگەن كىسىنىڭ، وسى فاني دۇنيەدە تاحۋا بولىپ تىرىلىك جاسادى ما؟ الدە اۋزىنا كەلگەن سويلەپ، ءدۇني زاڭدىلىقتاردى قورلاپ كافير بولىپ تاعدىر كەشتى ما؟ دەگەن سەكلدى سۇقتاردىڭ جاۋابىن حيامەت حايىمدا بولاتىن بەلگىلى ءبىر كۇنى اللاھتىڭ ءوزى عانا شىعارادى. ەگەر سەن، اللاھتىڭ تاپ ءوزى بولساڭ، ايتقانىڭا كوندىك، ولاي بولماسا ارتىق اۋىز ايتىلىپ سوزدەن جىبەرگەن كىناڭ مەن كۇنىڭنىڭ اۋىرتپالىعى ءوزىڭنىڭ موينىڭا.

2). اسەل
قاڭتار 10، 2015 at 8:29 تك نەگىزى يسلام بىزگە كەيىن كەدى ونىڭ بىزگە تەز تارالۋىنىڭ سەبەبى ءبىزدىڭ ۇلتتىق ىرىم تيمدارىمىزعا جاقسى كەلدى. حالىق تەز قابىلدادى. ەڭ العاشقى ءدىنىمىز تاڭىرلىك بولعانى راس. ءبىراق يسلام ءدىنى سەكىلدى دامىماعان. جاباي ءدىن.

جاۋاپ. اسەلدىڭ «يسلام بىزگە كەيىن كەلدى» دەگەن ورىندى ايتىلعان سوزىنە قوسارىم، شىن مانىندە ناعىز يسلام قازاق دالاسىنا ەندى كەلە باستادى، تولىق قاندى ورنىعىپ بولا قويعان جوق. وعان دالەل وسى ەگەمەندىك العان جىلداردىڭ ىشىندە قازاق دالاسىندا يسلامنىڭ بىرنەشە باعىتى ءوزىنىڭ «داۋرەندى كۇندەرىن» باستارىنان وتكىزىپ، قازاقتىڭ باسىن شىر اينالدىرىپ شاتپاقتاپ، كەي ءبىرى ءوزى جوق بولىپ كەتتى، ەندى بىرەۋلەرى زاڭمەن قۇرىقتالدى. قازاق سول شىم شىتىرىق يماني وقيعالاردان كەيىن، مىڭ ويلانىپ، مىڭ تولعانىپ، ءۇش ۇيقتاساق تۇسىمىزگە كىرمەگەن حانافي دەگەن عالىمنىڭ ماعازحابى باعىتىمەن «ناعىز يسلامدى» ەمەس، «قازاقى يسلامدى» جۇرگىزگەلى وتىر. ارتى جاقسىلىققا بولسىن. ەندى اسەلدىڭ «يسلامنىڭ بىزگە تەز تارالۋىنىڭ سەبەبى، ءبىزدىڭ ۇلتتىق ىرىم تيمدارىمىزعا جاقسى كەلدى، حالىق تەز قابىلدادى» دەگەن ويىندا ۇڭىلسەك، اقيقات بىلاي ءوربيدى. شىن مانىندە: «قازاقتىڭ كونەدەن بۇگىنگە جەتكەن كوپتەگەن ۇلتتىق، ءسالت-داستۇر، ادەت-عۇرىپ، دۇنيە تانىمدارىن «شيريك» دەپ تاۋىپ، يسلام كەلگەنگە دەيىن قازاق ەشقاشان قۇدايدى ىزدەمەگەن، قۇدايسىز، ءدىنسىز قالعان ەل دەپ اشىق ايتىپ وتىرعاندىعى، ايقىن ءبىلىنىپ تۇرماسادا، يسلام قازاق دالاسىندا قارسىلىققا ۇشىراپ وتىر. اسەلدىڭ «ەڭ العاشقى ءدىنىمىز تاڭىرلىك بولعانى راس» دەگەن ءسوزى جان جىلىتادى، سەبەبى قازاقتا قۇدايدى ىزدەگەن، تاڭىرلىك ءدىنى، ونىڭ ۇستاندارى مەن ءجون جورالعىلارى بولعان. ءبىراق ءبىزدىڭ دالامىزدا ءتاڭىر دىنىنىنە تيەسىل «تەرميندەردىڭ» بارلىعىن يسلام ءدىندارلارىنىڭ پايدالانىپ وتىرعانىن قازاق ءالى تۇسىنبەي وتىر. سوندىقتان، اسەل ايتقانداي، قازاقتىڭ بارلىعى: «(ءتاڭىر) يسلام ءدىنى سەكىلدى دامىماعان. جابايى ءدىن» دەپ دەپ ويلاپ ءجۇر. ولاي ەمەس، ءتاڭىر ءدىنى ءالى بار، كەرەمەت ءدىن، جوعالماعان، ونىڭ ايعاعى مىنا دالەلدەر. ءسووزىم ناق بولۋ ءۇشىن، يسلام سەنىمى مەن ءتاڭىر ءدىنىنىڭ ۇلاعاتتى تۇسىنىكتەرىنىڭ باسىن اشىپ، سەنىڭ ءدىنىڭ تۇسىنىگى ساعان، مەنىڭ ءدىنىمنىڭ تۇسىنىگى ماعان دەيىن. ورازا قازاقتىڭ ءتاڭىر ءدىنىنىڭ ءسوزى، يسلامدا «اسساۋم» دەگەن قۇراني ءسوز. اۋىز اشار قازاقتىڭ ءتاڭىر ءدىنىنىڭ ۇستانى، يسلامدا «يفتار» دەپ قۇران سوزىمەن ناقتىلانادى. سارەسى قازاقتىڭ ءتاڭىر ءدىنىنىڭ امالى، يسلامدا «سۋحر» دەلىنەتىن قۇران سوزىمەن سايكەستەنەدى. مەشىت قازاقتىڭ ءتاڭىر ءدىنىنىڭ ۇستانى، يسلامدا «ماسجيت، مۋسساللا، جامي» دەلىنەتىن قۇران سوزىمەن سايكەستەنەدى. ناماز قازاقتىڭ ءتاڭىر ءدىنىنىڭ امالى، يسلامدا «ساليات» دەلىنەتىن قۇران سوزىمەن سايكەستەنەدى. جانازا قازاقتىڭ ءتاڭىر ءدىنىنىڭ امالى، يسلامدا «اس ساليات» دەلىنەتىن قۇران سوزىمەن سايكەستەنەدى. زيرات قازاقتىڭ ءتاڭىر ءدىنىنىڭ امالى، يسلامدا «حادج» دەلىنەتىن قۇران سوزىمەن سايكەستەنەدى. قۇرباندىق قازاقتىڭ ءتاڭىر ءدىنىنىڭ امالى، يسلامدا «يدالادحا» دەلىنەتىن قۇران سوزىمەن سايكەستەنەدى. مۇسىلمان قازاقتىڭ ءتاڭىر ءدىنىنىڭ ۇستانى، يسلامدا «مۋمين» دەلىنەتىن قۇران سوزىمەن سايكەستەنەدى. مىسىمان قازاقتىڭ ءتاڭىر ءدىنىنىڭ ۇستانى، يسلامدا «مۋسليم» دەلىنەتىن قۇران سوزىمەن سايكەستەنەدى. ال ءتاڭىردىڭ: «ازان، تاڭعى ناماز، تۇسكى ناماز، كەشكى ناماز، بەسىن نامازى» دەگەن تۇسىنىكتەرى، يسلامدا: حاماتى، فادجر، زۋحر، اسر، ماگريب، يشا» دەلىنەتىن قۇران سوزدەرىمەن ناقتىلانادى. ءدىني «تەرميندى» اۋىستىرىپ اڭداماي سويلەۋ، يسلامدا دا اۋىر كۇنا! بۇل سوزىمە دالەل بولاتىن قۇراننىڭ مىنا اياتتارى، وقىڭىز، وي ءتۇيىڭىز. ءانعام سۇرەسى. 115ايات. راببىڭنىڭ ءسوزى شىندىق ءارى تۋرالىقپەن تامامدالعان. ونىڭ، سوزدەرىن وزگەرتۋشى جوق. ول، تولىق ەستۋشى، اسا ءبىلۋشى. ساففات سۇرەسى. 10 ايات. الايدا الدە بىرەۋ ءبىر ءسوز ۇرلايتىن بولسا، ونى وتكىر ءبىر جالىن قۋالايدى. ءسابا سۇرەسى. 38ايات. سونداي-اق اياتتارىمىزدى كۇشىنەن قالدىرۋعا تىرىسقاندارعا كەلسەك، مىنە سولار؛ ازاپقا دۋشار بولاتىندار. بۇل اياتتار، راببىنىڭ ناقتىلاپ كەتكەن – زاڭى. دەمەك، قۇراننىڭ ءار سوزىنە اللاحتىڭ ءمورى باسىلعان، سوندىقتان ەشكىم ەشقاشان «اياتتاردى كۇشىنەن قالدىرۋعا تىرىسىپ»، ونداعى ءدىني «تەرميندەردى» وزگەرتۋگە ءتيىستى ەمەس. ياعني، كەز كەلگەن ءدىندار ءوزى ايتىپ وتىرعان ۋاعىزىندا مىناۋ – يسلام، مىناۋ – حريستيان، مىناۋ – يۋدايزم، مىناۋ – يندۋيزم، مىناۋ – بۋدديزم، مىناۋ – زاروستريزم، ال مىناۋ بولسا ءتاڭىر ءدىنىنىڭ «تەرميندەرى»، بۇلاردىڭ بىر-بىرىنەن ايىرىمى مىنادا دەپ ناقتىلاپ ايتىپ، دالەلمەن سويلەۋى كەرەك. وسچىلاي جاساعاندا عانا ءدىن تازالىعى پايدا بولادى.

3). كرىلگاش
قاڭتار 10، 2015 at 8:32 تك. قوسىلام. دين وزگەرتەم دەسەن وزگەرتە سالاتىن نارسە ەمەس. مۋسىلمان ديني بيزگە كۋتۋبا يبي مۋسليم ەنگىزىپ 942 جىلى كاراحان ەنگيزگەننەن باستاپ مينە ەسەپتەندەر كانشا جىل كازاكتارمەن بيرگە كەلەدي.يسلام تازا دين. ايىرىلىپ كالمايىك اگايىن.

جاۋاپ. قوسىلام، شىنىندا ءدىندى وزگەرتەم دەسەڭدە وزگەرتە المايسىڭ، مىقتى ءدىن مىندەتتى تۇردە قانشاما تەپەرىش كورسەدە امان قالادى. ءتاڭىر دىنىدە ىزدەگەندەر كارتادان تابا المايتىن قازاق سەكىلدى مىقتى ءدىن. بار، بار بولسادا جوق، تابۋ ءۇشىن ىزدەۋ كەرەك. جاعدايدىڭ وسىلاي بولىپ تۇرعانىن، جوعارىدا اسەلگە جازعان جاۋابىمدا، تاڭىرلىك ءدىننىڭ بار ەكەنىن، ءبىراق جوق بولعانداي بولىپ تۇرعان سەبەبى، ونىڭ ۇستاندارىن، جورالعىلارىن، دۇنيە تانىمدارىن يسلام ءدىندارلارى ەركىن پايدالانىپ جۇرگەنىن ايتتىم. ال سەنىڭ: «ديني بيزگە كۋتۋبا يبي مۋسليم ەنگىزىپ» دەپ ءبىر قايىرىپ، «942 جىلى كاراحان ەنگيزگەن» دەپ ەكى قايىرعان ءتۇبى تەرەڭ عىلىمي ويىڭا كەلسەك، ول جاعدايدى قازاققا ءدىندى ءبىز كىرگىزگەمىز دەپ وتىرعان تاتارلار مەن حودجالارعا ايت. سەبەبى سولاردىڭ ايتۋىنا قاراعاندا، يسلامدى تۇرىكتەرگە كىرگىزىپ جاتقاندا «قازاق» دەگەن ۇلتتا، حالىقتا بولماعان، دەمەك ول كەزدە قۇدايىنا جالىنىپ، تاڭىرىنە سيىنىپ كوشىپ قونىپ جۇرگەن «تايپا» رەتىندە يسلامدى قابىلداماعان بولىپ شىعادى. مەن ايتام، قازاق ىقىلىم زاماننان بەرى بولعان، ءبىراق ەشقاشان ءوزىنىڭ تاڭىرلىك ءدىنىن ساتپاعان، سونىڭ سارا جولىمەن ءجۇرىپ كەلەدى، جۇرە بەرەدى. سەبەبى، يسلام ءدىندارلارى تاڭىرلىك «تەرميندەردى» پايدالانىپ ۋاعىز تاراتقان سايىن، ايتپاق ويلارىنىڭ بارلىعى قازاق دۇنيە تانىمىنا جاقىنداپ، ءدىنىمىز ودان ارى كوركەيە تۇسەتىندىگىنە، قازاقى دۇنيە تانىمنىڭ ۇردىستەرىن بويىنا ءسىڭىرىپ العىسى كەلىپ وتىرعان حانيفا مازحابى مەن اللاھتان قورىقپاي «شيريك» دەپ تانىلاتىن قازاقى سالتتىڭ بارلىعىنىڭ تورىندە قوقايىپ وتىرعان يمامدار كۋا.

4). پىكىر قالدىرۋشى
قاڭتار 11، 2015 at 12:16 تد ەۋ، شال! ەرتەڭگى كۇنى جاڭاعى سابيلەر كەلىپ سەنى اتىپ كەتىپ جۇرمەسىن، بايقا كىشكەنە)))



جاۋاپ. ەۋ، شال! عاجاپ ءسوز! سەندە جاسىڭ كەلگەندە «شال» بولىپ، ەتەگىڭە شالىنىپ ءجۇر. ال سەنىڭ: «ەۋ، شال! ەرتەڭگى كۇنى جاڭاعى سابيلەر كەلىپ سەنى اتىپ كەتىپ جۇرمەسىن، بايقا كىشكەنە)))» دەگەن سوزىڭە كەلسەك، انا يسلامنىڭ جولىمەن «تاكفر» سالىپ «مادجاحەد» بولىپ وسكەلى جاتقان «بۇلدىرشىندەر»، مەنىڭ جەكە باسىمدى «اتىپ كەتسە» شارۋا وڭىنان بىتەر ەدى، سەنى، سەنى قويشى، قازاقتى دەرلىگىمەن قىرىپ كەتىپ جۇرمەسىن. سوندىقتان، شال، شال دەپ شالىنا بەرمەي، كوراندى قولىڭا الىپ وقىساڭشى، قاشانعى يمامنىڭ ايتقان «ءتاتتى سوزدەرىن» تىڭداپ جۇرە بەرەسىڭ، تاتتىسىمەن قوسا اششىسىندا وقى. ال انا «جويىت» بولعىسى كەلىپ وتىرعان جاس ورىمدەر، يسلامنىڭ قۇدىرەتتى كىتابى كورانداعى مىنا اياتتاردى قاز قالپىندا ورىنداۋىشىلار بولىپ تاربيەلەنىپ جاتقاندىقتان، ورىنداماي قويمايدى ورىندايدى.

باقارا سۇرەسى. 216 ايات. ءاي مۇمىندەر! سەندەرگە سۇيكىمسىز بولسا دا سوعىس پارىز قىلىندى. ءبىر جەك كورگەن نارسەلەرىڭنىڭ سەندەر ءۇشىن قايىرلى بولۋى مۇمكىن. جانە جاقسى كورگەن نارسەلەرىڭنىڭ سەندەرگە جامان بولۋى دا مۇمكىن. اللا بىلەدى، سەندەر بىلمەيسىڭدەر. 217 ايات. مۇحاممەد ع.س. ولار سەنەن قۇرمەتتى ايدا سوعىسۋدان سۇرايدى. ولارعا: «ول ايدا سوعىسۋ زور كىنا. دەگەنمەن، اللانىڭ جولىنان تيۋ، وعان قارسى كەلۋ، مەسجىد حارامنان تىيۋ جانە ونىڭ تۇرعىندارىن شىعارۋ اللانىڭ قاسىندا تاعى زور كۇنا» دە. سونداي-اق جاۋىزدىق، كىسى ولتىرۋدەن دە زور. ەگەر ولاردىڭ شامالارى كەلسە، سەندەردى دىڭدەرىڭنەن قايتارعانعا دەيىن وزدەرىڭمەن سوعىسۋدى ۇزبەيدى. سەندەردەن كىم دىننەن قايتىپ، ول كاپىر كۇيىندە ولسە، ولاردىڭ امالدارى دۇنيە، اقىرەتتە دە جويىلىپ جانە ولار توزاقتىق بولىپ، ولار وندا ماڭگى قالادى.

ءتاۋبا سۇرەسى. 1 ايات. بۇل اللادان جانە ەلشىسىنەن، كەلىسىم جاساسقان مۇشرىكتەرگە ءبىر قۇلاقتاندىرۋ. 2 ايات. ءاي مۇشرىكتەر! جەر جۇزىندە ءتورت اي كەزىڭدەر. راسىندا اللا وسالداتا المايتىندىقتارىڭدى جانە اللا، كاپىرلەردى قورلايتىنىن بىلىڭدەر. 5 ايات. ال قاشان قۇرمەتتى ايلار شىقسا، سوندا مۇشرىكتەردى قايدان تاپساڭدار دا ولتىرىڭدەر. ولاردى ۇستاڭدار، قاماڭدار جانە ولاردىڭ بۇكىل جولدارىن اڭدىپ وتىرىڭدار. سوندا ەگەر ولار، تاۋبە قىلسا، نامازدى تولىق ورىنداپ، زەكەت بەرسە، وندا ولاردىڭ جولىن بوس قويىڭدار. راسىندا اللا جارىلقاۋشى، ەرەكشە مەيىرىمدى. 12 ايات. ەگەر ولار، ۋادەلەسكەننەن كەيىن انتتارىن بۇزىپ، دىڭدەرىنە ءتىل تيگىزسە، قارسىلىققا جەتەكشى بولعاندارمەن سوعىسىڭدار. ويتكەنى ولاردىكى انت ەمەس. ولار بالكىم تىيىلار. 13 ايات. ءاي مۇمىندەر! انتتارىن بۇزعان، پايعامباردى جۇرتىنان شىعارۋعا بەل بايلاعان جانە سەندەرگە كيلىگۋدى العاش رەت باستاعان ءبىر ەلمەن نەگە سوعىسپايسىڭدار؟ ولاردان قورقاسىڭدار ما؟ ەگەر يمان كەلتىرگەن بولساڭدار، قورقۋلارىڭا اللا تاعى لايىعىراق. 14 ايات. ولارمەن سوعىسىڭدار. اللا ولارعا سەندەردىڭ قولدارىڭمەن ازاپ ەتسىن دە ولاردى قورلاسىن. ءارى ولارعا قارسى سەندەرگە نۇسىرات بەرسىن. سونداي-اق يمان كەلتىرگەن ەلدىڭ كوڭىلدەرىن اشسىن. 16 ايات. سەندەر ىشتەرىڭنەن سوعىسقانداردى سونداي-اق اللادان، پايعامباردان جانە مۇمىندەردەن باسقانى دوس ەتپەگەندەردى اللا، انىقتاماي بوس قويا بەرەدى دەپ ويلايسىڭدار ما؟ اللا ىستەگەندەرىڭدى تولىق ءبىلۋشى. 20 ايات. سونداي يمان كەلتىرىپ، جۇرتتارىنان اۋعاندار جانە اللا جولىندا مالدارىمەن، جاندارىمەن سوعىسقاندار، اللانىڭ قاسىندا ءىرى دارەجەگە يە. مىنە سولار، مۇراتىنا جەتۋشىلەر. 21 ايات. ولاردى راببىلارى ءوزىنىڭ مارحامەتىمەن جانە ريزالىعىمەن سونداي-اق تۇراقتى نىعمەتكە يە جانناتتارىمەن قۋانتادى. (21) 22 ايات. ولار وندا ماڭگى قالۋشىلار. راسىندا اللانىڭ قاسىندا ءىرى سىيلىق بار. 23 ايات. ءاي مۇمىندەر! ەگەر اكەلەرىڭ، تۋىستارىڭ يماننان كورى قارسىلىقتى جاقسى كورسە، ولاردى دوس تۇتپاڭدار. ال سەندەردەن كىم ولاردى دوس تۇتسا، وندا ولار زالىمدار. 24 ايات. مۇحاممەد ع.س.: «ەگەر اكەلەرىڭ، بالالارىڭ، تۋىستارىڭ، ايەلدەرىڭ، اعايىندارىڭ، تاپقان مالدارىن، توقتاپ قالۋىنان قورىققان ساۋدالارىن، جاقسى كورگەن ۇيلەرىڭ سەندەرگە اللادان، پايعامبارىنان ءارى ونىڭ جولىندا سوعىسۋىنان ارتىق كورىنسە، اللانىڭ ءامىرى كەلگەنگە دەيىن كۇتىڭدەر» دە. اللا بۇزىق قاۋىمدى تۋرا جولعا سالمايدى. 29 ايات. كىتاپ بەرىلگەندەردەن، اللاعا، اقىرەت كۇنىنە يمان كەلتىرمەگەندەر جانە اللانىڭ ءارى ەلشىسىنىڭ ارام ەتكەن نارسەلەرىن ارام دەپ بىلمەگەندەر جانە دە حاق ءدىن يسلامدى ءدىن دەپ مويىنداماعاندارمەنەن سۇمىرەيىپ، ءوز قولدارىنان سالىق بەرگەنگە دەيىن سوعىسىڭدار. 38 ايات. ءاي مۇمىندەر! سەندەرگە نە بولدى؟ «اللا جولىندا سوعىسقا شىعىڭدار»،- دەلىنگەن كەزدە، سالماقتارىڭدى جەرگە سالدىڭدار. (جەردەن قوزعالعىلارىڭ كەلمەدى) اقىرەتتەن كورى دۇنيە تىرشىلىگىن قوشتادىڭدار ما؟ نەگىزىندە دۇنيە تىرشىلىگىنىڭ پايداسى اقىرەتكە قاراعاندا وتە از عانا. 39 ايات. ەگەر سوعىسقا شىقپاساڭدار، اللا سەندەردى جان تۇرشىگەرلىك ازاپقا ۇشىراتادى. سونداي-اق ورىندارىڭا باسقا قاۋىم كەلتىرەدى. سەندەر اللاعا ەشبىر زيان كەلتىرە المايسىڭدار. اللا، ءار نارسەگە كۇشى جەتۋشى. 41 ايات. (ءاي مۇمىندەر!) جەڭىل ءارى اۋىر تۇردە سوعىسقا شىعىڭدار. سونداي-اق اللا جولىندا مالدارىڭمەن، جاندارىڭمەن سوعىسىڭدار. وسىلارىڭ سەندەر ءۇشىن قايىرلى، ەگەر بىلگەن بولساڭدار. 83 ايات. مۇحاممەد ع.س. ەگەر اللا سەنى تابۇكتەن مەدينەدەگى سوعىسقا بارماي قالعان مۇنافىقتار توبىنا قايتارىپ اپارسا، ولار سەنەن سوعىسقا شىعۋعا رۇقسات سۇراسا: «استە مەنىمەن بىرگە شىقپايسىڭدار دا مەنىمەن بىرگە جاۋمەن ەش سوعىسپايسىڭدار. ويتكەنى، سەندەر العاشقى رەت وتىرىپ قالۋدى قوشتادىڭدار. ال ەندى ارتتا قالۋشىلارمەن بىرگە وتىرىڭدار» دە. 84 ايات. ولاردان بىرەۋ ولسە، استە جانازا نامازىن وقىما دا قابىرىنىڭ باسىندا تۇرما! ويتكەنى، ولار اللاعا، پايعامبارىنا قارسى كەلدى. سونداي-اق ولار بۇزىق كۇيىندە ءولدى. ءانفال سۇرەسى. 15 ايات. ءاي مۇمىندەر! ەگەر سوعىستا توپتى جاۋمەن كەزدەسسەڭدەر، سوندا كەيىن شەگىنبەڭدەر. 16 ايات. ال جانە كىم سوعىس كۇنى، سوعىس مايدانىن اۋىستىرۋ نەمەسە توپقا قوسىلۋدان باسقا تۇردە شەگىنسە، ارينە اللانىڭ قاھارىنا ۇشىرايدى. ورنى توزاق، نەندەي جامان ورىن! 28 ايات. نەگىزىندە مالدارىڭدى جانە بالالارىڭدى سىن دەپ بىلىڭدەر. اللانىڭ قاسىندا زور سىيلىق بار. 39 ايات. مۇحاممەد ع.س. ولارمەن ەشبىر فيتنا قالماعانعا دەيىن جانە ءدىن بۇتىندەي اللانىكى بولعانعا دەيىن سوعىسىڭدار. ەگەر ولار تىيىلسا، راسىندا اللا ولاردىڭ ىستەگەندەرىن تولىق كورۋشى. 41 ايات. ەگەر سەندەر اللاعا ءارى دۇرىس پەن بۇرىستىڭ ايرىلعان كۇنى؛ ەكى توپ قارسىلاسقان ءبادىر سوعىسى كۇنى قۇلىمىز مۇحاممەد ع.س عا تۇسىرگەن اياتتارىمىزعا يمان كەلتىرگەن بولساڭدار، داۋ جوق. سەندەر، سوعىستان ولجالاپ العان نارسەلەردەن بەستە ءبىرى اللاعا ءتان. سونداي-اق پايعامبارعا، جاقىندارىنا، جەتىمدەرگە، مىسكىندەرگە جانە جولدا قالعاندارعا ءتيىستى ەكەندىگىن بىلىڭدەر. اللانىڭ ءار نارسەگە تولىق كۇشى جەتەدى. (41) 45 ايات. ءاي مۇمىندەر! قاشان ءبىر جاۋ توپپەن قارسىلاسساڭدار مىقتى بولىڭدار دا اللانى كوپ ەسكە الىڭدار، ارينە قۇتىلاسىڭدار. 57 ايات. سوندىقتان ولارمەن سوعىستا كەزدەسسەڭ، ولارعا ارتىنداعى ادامدارعا ۇلگى بولاتىن سوققى بەر. بالكىم ولار تۇسىنەر. (57) 65 ايات. ءاي پايعامبار! مۇمىندەردى سوعىسقا قىزىقتىر. ەگەر سەندەردەن سابىرلى جيىرما كىسى بولسا، ەكى ءجۇزدى جەڭەدى. ال ەگەر سەندەردەن ءجۇز كىسى بولسا، كاپىرلەردەن مىڭدى جەڭەدى. ويتكەنى، ولار تۇسىنبەيتىن حالىق. 72 ايات. شىنىندا يمان كەلتىرگەندەر، وتاندارىنان اۋعاندار، جانە مالدارىمەن، جاندارىمەن اللا جولىندا سوعىسقاندار، سونداي-اق بوسقىنداردى ورنالاستىرىپ، كومەك ەتكەندەر، مىنە بۇلار، ءبىر-بىرىنىڭ دوسى. ال جانە يمان كەلتىرىپ، كوشە الماعاندار بولسا، ولار دا كوشكەنگە دەيىن سەندەرگە ولاردىڭ ەشبىر اعايىندىعى جوق. ونىمەن قاتار، ەگەر ولار، سەندەردەن ءدىن جايىندا ءبىر جاردەم تىلەسە، سوندا سەندەرگە كومەك ەتۋ مىندەت بولادى. ءبىراق ولار سەندەرمەن ارالارىڭدا كەلىسىم بولعان ەلدە بولسا، ونىڭ ءجونى باسقا. اللا ىستەگەندەرىڭدى تولىق كورۋشى. 74 ايات. يمان كەلتىرگەندەر، وتاندارىنان اۋعاندار، اللا جولىندا سوعىسقاندار، مۇھاجىرلەردى ورنالاستىرىپ، كومەك ەتكەندەر، مىنە بۇلار؛ ناعىز مۇمىندەر. ولارعا جارىلقاۋ جانە كوركەم نەسىبە بار. 75 ايات. سونداي-اق كەيىن يمان كەلتىرگەندەر، وتاندارىنان اۋعاندار، جانە سەندەرمەن بىرگە سوعىسقاندار، مىنە بۇلار؛ سەندەردەن. جانە تۋىسقاندار اللانىڭ كىتابىندا بىر-بىرىنە تاعى جاقىن. راسىندا اللا، بارلىق نارسەنى تولىق بىلەدى.

نيسا سۇرەسى. 74 ايات: ەندەشە، دۇنيە تىرشىلىگىن اقىرەتكە ايىرباستاعاندار، اللا جولىندا سوعىسسىن. ال كىم اللا جولىندا سوعىسسا، سوندا ولتىرىلسە، نەمەسە جەڭىسكە يە بولسا، ارينە وعان ءىرى سىيلىق بەرەمىز. اسا قۇرمەتتى پىكىرشى، كوراندا 6666 ايات بار، ءبىزدىڭ بىلەتىنىمىز ارى كەتسە 10-عا جۋىق اياتپەن، يمامدار ايتاتىن قۇلاققا جاعىمدى، استى ءۇستى جىپ-جىلتىر ءدامدى سوزدەر، قالعان اياتتار جايلى ەشكىم ەش ۋاقىتتا ەش نارسە ايتپاعان، تىم-تىرىس، جىم-جىرت. ال ءبىز كوراننىڭ جولىمەن ءجۇرىپ، اياتتاعى دالەلدەردىڭ بارلىعىن حالىققا تولىق قاندى جەتكىزۋىمىز كەرەك دەپ ايتا قالاتىندار تابىلا قالسا، ولار: ءدىنبۇزارلار، يسلامدى جامانداۋشىلار، قازاقتى اداستىرۋشىلار، سوندىقتان ولاردى قۋۋ كەرەك، ەلدەن الاستاۋ كەرەك دەگەن سەكىلدى ويلار قارشا بورايدى. فاتۋا شىعاردىق ولاردىڭ ءبارىن قۋدىق، كەتتى، ءتىپتى قۋماساقتا ءار ءتۇرلى جولدارمەن شەت جاققا كەتىپ جاتىر، ناتيجەسى الدارىڭدا، جاس ۇرپاقتىڭ ءوزى: كافيرلەردى ولتىرەمىز، باۋىزدايمىز، ينشاللا! دەپ ۇرانداتىپ وتىر. بۇل روليكتەگى وقيعا قازاقتىڭ باسىنا تۇسكەن قاسىرەتتىڭ باسى عانا…

ا تاك.
قاڭتار 11، 2015 at 5:16 تد كۋلك1مد1 كەلتيرمەشي)))) تانير دەگەن سوزدين وزي اللا دەگەن سوز، نەمەسە كۋداي دەگەن ماگىنا! ال يسلام دينيميزدين رودنوي اتى! انداگى ۆيدە روليك تازا يسلامداردىن تۋسيرگەني دەپ ويلاسان كاتەلەسەسين، بۋل كەريسينشە يسلام دينين جامان جاگىنان كورسەتۋ، ال جاناگى سونگى اياتتى تەرەن تۋسين مانين بيلمي جاتىپ جەنيل ويگا شومىلماي! سوندا يسلامداردى كارالاپ ولتيريپ جاتسا مىسالى كاپيرلەر كاراپ تۋرۋىمىز كەرەكپا سونداي ماگىنادا ايتىلگان!
سوندا يسلام دينين كاي بەتينمەن جابايى دين دەگين كەپتۋر



جاۋاپ. كۇلگەنىڭ دۇرىس بولدى. ءبىراق، راببىنىڭ؛ اللاھ، يللاھ جانە وعان تيەسىلى 99 كوركەم ەسىمدى، كەز كەلگەن «عادجەم» حالىقتىڭ تىلىنە اۋدارۋعا بولمايتىنىن بىلمەيتىنىڭ، «كۇلكىڭە» كەرى اسەرىن تيگىزىپ تۇر. نە جايلى ايتقانىمدى، كورانداعى 6666 اياتتى دەرلىگىمەن قازاققا تالداپ بەرۋدىڭ ورنىنا، جانازا قۋالاپ، كۇندەرىن امالداپ جۇرگەن ءدىندارلاردان سۇراپ الارسىڭ. ال سەنىڭ؛ «انداگى ۆيدە روليك تازا يسلامداردىن تۋسيرگەني دەپ ويلاسان كاتەلەسەسين، بۋل كەريسينشە يسلام دينين جامان جاگىنان كورسەتۋ» دەگەن ءسوزىڭ وتە تاياز جاۋاپ، سەبەبى ول روليكتىڭ ناقتى قاي جەردە تۇسىرىلگەنى انىقتالعاندىقتان قۇزىرلى ورگاندار يۋتبتان جانە تاعىدا باسقا سايتتاردان الىپ تاستادى. بىزدىكى قالعان قۇتقانىن جيناپ، حالىققا، وسىنداي وسىنداي شارۋا بولىپ جاتىر، ساق بولىڭدار دەۋ، شىن مانىندە وسىنداي تالداۋدى تاڭىرشىلەر عانا ەمەس، يسلام يمامدارىدا ءوز سايتتارىندا تالداپ، حالىققا اقيقاتتىڭ بەتىن اشۋى كەرەك بولاتىن. سەنىڭ، «سوندا يسلامداردى كارالاپ ولتيريپ جاتسا مىسالى كاپيرلەر كاراپ تۋرۋىمىز كەرەكپا»، دەگەن تۇجىرىمىڭنىڭ، ساۋاتتىلىعى مەن كەرەمەتتەگى سونداي، كەرەمەتكە تولى كەرەمەت دالەل بولىپ، كەمەلدەنىپ تۇر. دۇرىس، ايتاتىن ويدى وسىلاي اشىق ايتىپ قانا قويماي، كەز كەلگەن ادام تۇسىنە بەرمەيتىندەي ەتىپ، كەلىلەپ، كيلوگرامداپ ايتۋ كەرەك…. كۇلكىمدى كەلتىرمەشى….

ermurat420@.ru
قاڭتار 11، 2015 at 8:40 تد يسلام ءدىنى بىزگە بەرلگەن ۇلكەن نعمەت اللاعا شۇكىرلىك ەتىپ سونىن كادرنە جەتەيىك اعايىن.



جاۋاپ. ءتىلىن «كاليماعا» كەلتىرگەن قازاقتار ءۇشىن ارينە يسلام نىعىمەت، سوندىقتان سالافيلەر ۋاعىزداپ جۇرگەندەي كوران اياتتارىنان تايقىماي، تەرميندەرىنە قوساق قوسپاي، حاق سەنىمنىڭ سارا جولىمەن ءجۇرىپ اللاھ پەن يسلام جولىندا بەيىشتىڭ ەڭ بيىك احي تاعى فەرداۋسقا جەتكەنگە نە جەتسىن. الدارىڭنان جارىلقاپ، يسلامنىڭ قادىرىنە جەتىڭدەر.

كوكتۇرىك،
قاڭتار 11، 2015 at 11:00 تد توقتار ابىز دەگەن مىنا ازعىن كىم ءوزى؟ قايدا تۇرادى؟ ءتاۋباسىنا كەلتىرەيىن. مەن ءدىنشىل ەمەسپىن. ناماز وقىمايمىن. الايدا جۇرەگىمدە يمان بار. مۇسىلمان بوپ تۋدىم مۇسىلمان بوپ ولەمىن. ءتاڭىرشىل بولعان يۋنگىش، حاكاس سياقتى ۇلتتار نە بولدى؟ اتى دا زاتى دا جويىلۋعا تايادى.

جاۋاپ. ۋح قالاي ءا؟ «توقتار ابىز دەگەن مىنا ازعىن كىم ءوزى؟ قايدا تۇرادى؟ ءتاۋباسىنا كەلتىرەيىن» – دەيت كۇشەنىپ، كوكتۇرىك دەگەن بىرەۋ. قاشاننان بەرى تەكتىلىگى التى ارىس قازاقتى «قالپاقپەن ۇرىپ» الاتىن جاعدايعا جەتكەن؟ قازاق بولسا ءبىر ءسارى! ۇلى ءجۇز بولسا – الدا تۇراد، ورتا ءجۇز بولسا – داۋدا تۇراد، كىشى ءجۇز بولسا – جاۋعا تۇراد دەۋشى ەدى قازاق ۇلتى، سابىر ازامات سابىر، اشۋىڭدى باس دەر ەدىم، ولاي بولماي تۇر. سەبەبى، مەنىڭ ۇققىمدا كەلمەيتىن، قانىمدى ولارعا جاقىنداتقىم دا كەلمەيتىن «كاكوي تو، گ... تيۋركتىڭ» اتىن جامىلعان قازاقتىڭ «نار» بالاسى، اراپتاردىڭ سويىلىن سوعىپ «توقتار ابىزدى، ءتاۋباسىنا كەلتىرەيىن» دەەەپ كۇشەنىپ، ازىناپ وتىر. مەنى ءتاۋباعا كەلتىرەم دەيسىڭ، يسلامدا ءتاۋباعا كەلتىرمەيدى، قۇلشىلىقتى نيەت ەتكەن قۇلدارعا «كاليما» ايتقىزىپ اللاھقا «يمان» كەلتىرتەدى، سوندىقتان يسلامدا قۇلشىلىقتى ءالى نيەت ەتپەگەن فاندەنى يمانعا كەلتىرۋدە زورلىق جوق ەكەنىن بىلمەيسىڭ. ناماز وقىمايمىن دەيسىڭ، يسلامنىڭ تالابى بويىنشا بەس ۋاقىت «ساليايات» وقىماعاننىڭ جۇرەگىندە يمان، مىيىڭدا اللاھتى بىرلەيتىن اقىلدىڭ بولمايتىنىن بىلمەيسىڭ. مۇسىلمان بوپ تۋدىم مۇسىلمان بولىپ ولەمىن دەيسىڭ، ءبىراق تۋىلعاندا ءبىر ۇلتتىڭ وكىلى بولىپ تۋىپ، ءتىلىڭدى «كاليماعا» كەلتىرىپ يسلامدى قابىلداپ تىرلىك جاساپ، پەندەلىك ويمەن مۋمين نە مۋسليمين بولىپ ءولدىم دەگەنىڭمەن، «حيامەت حايىمعا» دەيىن ءقابىر سۇراعىندا تۇرىپ، سۇراقتان امان وتكەن سوڭ عانا بارىپ، سەنىڭ نە ناعىز مۋمين، نە ناعىز مۋسليم، نە ناعىز ءدىن بۇزعان كافير بولعانىڭ انىقتالىپ، باحي دۇنيەنىڭ نە – جانناتىنا، نە – جاھاننامىنا جىبەرىلەتىنىڭدى بىلمەيسىڭ. تىرىمدە «ءمۋسليممىن» دەگەن ەكەنمىن، ولەگەندە دە «مۋسليم» بولىپ قالىپ، جانناتتان ءبىراق شىعام دەپ ويلاپ ءجۇر ەكەنسىڭ عوي، تاپقان ەكەسىڭ وپ وڭاي جاۋاپتى، الدىمەن سەن ولگەننەن كەيىن قابىردە سۇرالاتىن انكۋر مۋنكىردىڭ العاشقى سۇراقتارىنان قۇتىلىپ ال. تۇك بىلمەيسىڭ، بىلمەستىڭ «كۇشەنگەنى» جامان بولادى، سەبەبى سوڭى ناسىرعا شابادى. سوندىقتان، يسلامدى قورعاعىش مۋسليمين بولعىڭ كەلسە، بەس ۋاقىت سالياياتىڭدى ناقتاپ، جۇرەگىڭمەن مىيىڭدى، كوراننىڭ اششى، تۇششى اياتتارىمەن قانىقتىر. سوندىقتان، ينتەرنەتتە وتىرىپ الىپ، بولاشاقتا كوراننىڭ اياتتارى شىققالى تۇرعان اۋزىڭنان «ازعىننىڭ» ءسوزىن اعىزباي، دالەل سوزدەردى تۋرالا. سوندىقتان، يسلامدى قابىلداپ ساجدەگە باسىڭدى تيگىزگەننەن سوڭ اللاھ ورنالاساتىن جۇرەگىڭە، «قاتىگەزدىكتىڭ قامىتىن» كيگىزبەي، كىسىلىكتىڭ مەيىرىمىن ورنىقتىر. سوندىقتان، يسلامنان باسقا سەنىم مەن دىندەردىڭ ءبارى جامان دەپ، شەشىم قابىلداتىپ الداپ تۇرعان مىيىڭا، ناداندىقتىڭ تۇقىمىن سەبە بەرمەي، ءىلىم مەن عىلىمنىڭ زاڭدارىن ەك. سونىمەن قيسىق قىڭىر پىكىر جازۋعا، قالاي بولسا سولاي لاعنەت ايتۋعا، ۇناماعاندى لەزدە ءتاۋباعا كەلتىرەتىن «جويىت» بولۋعا ءاللاوتىڭ ءدىل وزىنەن رۇقسات العان قۇدىرەتتى قۇل بولساڭدار دا، بۇعىنىپ وتىرىپ قىشقىرا بەرمەي، ەسىمدەرىڭدى تولىق كورسەتىپ مەنىڭ سايتتارىما شىعىڭدار، تانىسايىق، بىلىسەيىك، ايتپەسە سەندەردىڭ قاي جەردە وتىرعاندارىڭدى، اتى جودەرىڭدى تولىق ءبىلۋ ءۇشىن، بوسقادان بوسقا ءبىر كۇن ۋاقىتىمدى قۇرتتىم، قازاقتىڭ قازاقتى ىزدەگەنى قيىن جۇمىس ەكەن. ونىڭ ۇستىنە قۇقىق ورگاندارىنا، يسلاميستەر ماعان «قامشى» پورتالى ارقىلى وسىنداي وسىنداي ادرەستەردەن قوقان لوقى كورسەتىپ، ءتاۋباما كەلتىرگەلى جاتىر دەپ ەسكەرتۋدە، اۋىرتپالىعى بار جۇمىس ەكەن. ءسوزدى سوزا بەرمەيىن، مەنى ىزدەگىسى كەلگەندەر ينتەرنەتتەگى ىزدەگىشكە توقتار ابىز دەپ جازساڭدار: گۋگل،يۋتۋب،يۋۆيجەن،تۆيتتەر،كونتاكت،مايل،فەيسبۋكتەن تاۋىپ الاسىڭدار.

ءبىر ءسوز. مەن بۇل پورتالعا قازاق حاندىعىنىڭ 550 جىلدىعىنا بايگە جاريالاپتى دەگەن سوڭ كىرىپ، اتۋىنا باسۋى تۋرا كەلىپ روليگىمدى كورىپ، ەسىمىمە شامالارى جەتكەنشە «تاس لاقتىرىپ» جاتقانداردىڭ سوزدەرىن وقىپ، وسى ءۇشبۋ ويىمدى جازىپ وتىرعان جاعدايىم بار. ەگەر، جازعانىمدى پورتالدارىڭ قويماساڭدار، ادرەستەرىڭدى كورسەتىپ ءوزىمنىڭ بلوگتارىما قويام، باسقا امال جوق.