جۋىردا ءبىر بيزنەس فورۋمعا قاتىستىم. فورۋم سوڭىنان «بيزنەسكە بارار جول. بيزنەستەگى وتباسى ءرولى» دەگەن لەكسيا وقىلدى. لەكسيانى موسكۆادان كەلگەن بەلگىلى پسيحولوگ، جازۋشى ا. نەكراسوۆ وقىدى. لەكسيا تاماشا بولدى.

ا. نەكراسوۆ زالداعى 200 دەن استام ادامدى بىردەن وزىنە باۋراپ الدى دەسەم، ارتىق ايتقاندىق ەمەس. ونىڭ 90 پايىزى ايەلدەر. تىڭداۋشىلارىمىز كىلەڭ قازاق، وزگە ۇلتتان 2 قىرعىز عانا بولدى. جۇرت ۇيىپ تىڭدادى.

لەكسيا ورىس تىلىندە وتە اۋقىمدى، قىزىقتى، تارتىمدى ءوتتى. ءاناتولييدىڭ ايتقان وي، پىكىر، دالەل دايەكتەرى، پايعامبارىمىز مۇحاممەد (س.ع.س) نىڭ ءحاديسى، قۇران سوزدەرى، قازاقتىڭ سالت داستۇرىمەن ۇشتاسىپ جاتقانى باسقانى قايدام، مەنى وتە قىزىقتىردى. اناتوليي جاسى الپىستان اسسادا تىكەسىنەن تىك تۇرىپ 8 ساعات تىنباي سايرادى. سايراعاندا نە دەدى. سەگىز ساعاتقا سوزىلعان لەكسيادان تۇيگەن ويىمدى، دىنىمىزگە، دىلىمىزگە، سالت داستۇرىمىزگە سالىستىرا وتىرىپ، وقىرمانعا جەتكىزۋدى ءجون كوردىم.

وتباسى جانە وتباسىنداعى ەر ادامنىڭ دارەجەسى

اناتوليي بيزنەسمەندەرگە ارنالعان لەكسياسىن بىردەن بيزنەسكە بۇردى. بيزنەسىڭدى وركەندەتەم دەسەڭ وتباسىڭ بولۋى شارت. وتباسى تىكەلەي وزىڭە باعىنشتى بولعانى دۇرىس. ەرمەن ايەل وتاۋ قۇرۋى كەرەك. جانۇيا بىرلىك، بەرەكەلى جايلى بولسىن. جايسىز ۇيدە بيزنەس وركەندەمەيدى. جالعىز تاپقان تابىس قۇرالمايدى. قازاق ونى: "باس ەكەۋ بولماي مال ەكەۋ بولمايدى" دەپ، ۇلدىڭ قۇلاعىنا قۇيىپ وتىرعان ىنتىماقتى جانۇيا بولعاندا تاپقان تابىس شاشىراماي، ىسىراپسىز جينالاتىنى جايلى كەڭىنەن اڭگىمەلەدى.

اقىلداسارى، بىرىگىپ ءىس اتقاراتىن جان اشىرى جوق جالقىنىڭ ءىس ونبەيدى. قازاق: "جالعىزدىڭ اتى، جايااۋدىڭ شاڭى شىقپاس" دەپ، بەكەر ايتپاعان «جالعىزدىق قۇدايعا عانا جاراسقان» قانشا اتاقتى بولساڭدا قۇدايعا جەتپەيسىڭ دەسە، جالعىز باستى ادامدى «قۋ باس، قۋ تىزەسىن قۇشاقتاعان» دەپ، ەرسى كورگەن. وتباسى قۇرۋ، ءومىر ءسۇرۋ نەگىزدەرى جايلى ارداقتى پايعامبارىمىز مۇحاممەد (س.ع.س) - نىڭ حاديس، سۇنەتتەرى جەتكىلىكتى مۇسىلمانشا نەكە قاسيەتتى ۇعىم. نەكەسىز ءومىر تۇل. پايعامبار (س.ع.س) نەكە جايلى: «نەكە مەنىڭ سۇنەتىم! كىم مەنىڭ سۇنەتىمنەن بەت بۇرسا،مەنەن بەتبۇرعان بولادى»، «ۇيلەنىڭدەر، كوبەيىڭدەر قيامەتتە مەن سەندەردىڭ كوپتىگىڭىزبەن ماقتانامىن» دەگەن، وسيەت قالدىردى. اناتوليي ارينە بۇلاي ايتقان جوق. ءبىراق، ءسوزدىڭ قىسقاسى، اناتوليي مىرزانىڭ وقىعان لەكسياسىنىڭ نەگىزگى بولىگى يسلام قاعيداسىنا سۇيەنگەن ءوزىمىزدىڭ سالت ءداستۇر، ادەپ عۇرپىمىز. اناتوليي قازاقيلىقتان ماقۇرىم، قارا ورىس بىزدەرگە، قازاقي سالت سانامامىزدى، ادەپ عۇرپىمىزدى، ورىس تىلىندە قاتىرىپ تۇرىپ ءتۇسىندىرىپ بەردى. جانۇيانىڭ پرەزيدەنتى كىم بولۋى كەرەك، دەپ، ورتاعا ساۋال تاستادى. كىم پايدانى كوپ تاپسا، ءبىلىمدى، اقىلدى، العىر وجەت بولسا، سول پرەزيدەنت بولادى دەگەن، جاۋاپتار زالدان جاۋىپ كەتتى. اناتوليي تۋراسىن ايتتى. ەش جەردە ايەل، جانۇيانىڭ تۇتقاسى، باسى بولا المايدى. وتباسىندا كىم ەركەك سول –پرەزيدەنت دەدى.

بۇنى قازاق: «التىن باستى ايەلدەن، باقىر باستى ايەل ارتىق» - دەپ، تاريحىنا تاڭبالاپ قويعان. ءبىر ەكى ايەل ەركەكتەر جايلى جايسىز ءسوز ايتىپ ەدى. تيىپ تاستادى. كۇيەۋىن جامانداعان ايەل، ەشقاشان جاقسى ايەل بولا المايدى جانە بولمايدى. ويتكەنى ايەلى بيلەگەن ءۇيدىڭ شاڭىراعى شايقالادى، ول ۇيدە بەرەكە، باقىت تۇرمايدى. وركوكىرەك ايەل، ەرىن باسادى، ۇرسادى، ەرى ەرەگەسەدى، ەگەس تۋادى. ەگەسكەن ءۇيدى شايتان جايلايدى. قازاق مۇنى: « ۇيدە ەگەس، كەرىس بولسا، كەرەگى باسى سايىن پالە تۇرادى» دەمەيمە. قۇراندا، حاديستە ەرمەن، ايەلدىڭ ورنى ايقىن جازىلعان. ونى ءبىز بىلمەيمىز. ويتكەنى، ءبىز وقىمايمىز، دەن قويمامايمىز. اداسىپ قالدىق.

قۇران كارىمنىڭ «نيسا» سۇرەسىنىڭ 34 اياتىندا: «ەركەكتەر؛ ايەلدەردى بيلەۋشى. ويتكەنى، اللاھ، بىرىن-بىرىنەن ارتىق قىلدى. سونداي-اق ولار؛ مالدارىنان دا پايدالاندىرادى. ال، ەندى جاقسى ايەلدەر؛ بوي ۇسىنۋشىلار، اللاھ قورۋعا بۇيىرعان كومەسكى نارسەلەردى (ابرويىن) قورعاۋشىلار.» – دەپ ايقىن جازعان. وتباسى، ءۇش بۇرىش.ءۇش بۇرىشتىڭ ءبىر قابىرعاسى سوگىلسە، قۇلايدى. قابىرعانىڭ سوگىلمەۋىنە ەركەك جاۋاپتى. ال، ايەل باسقارىپ، ەركەكتەن وزام دەسە، ءۇش بۇرىش قايتسەدە سوگىلىپ تىنادى. سەبەبى، ءۇش بۇرىشتىڭ باسىنداعى ەركەكپەن، ايەل تەڭەسسە، نەمەسە كۇيەۋىن جامانداسا، اسىرەسە بالاسىنا جامانداپ، قارسى قويسا،اكەمەن بالانىڭ اراسىندا ۇلكەن سىزات تۇسەدى. كوبىنە، ايەلدەر، كۇيەۋىنەن بالاسىن ارتىق كورەدى، كوبىنە بار جاقسىلىق، سۇيسپەنشىلىگىن بالاسىنا ارنايدى. كۇيەۋى ەلەۋسىز قالادى. ەلەۋسىز قالعان اكەنى بالادا، ەلەمەيدى. شەشەمەن سويلەسەدى. سويتە، سويتە ەركەك شەتتەتىلىپ، ارازدىق تۋىپ، شاڭىراق شايقالادى. قالاي جاعدايدادا، وتباسىندا ءبىرىنشى ادام، ءۇيدىڭ ەگەسى بولىپ، ەركەك تۇرۋى كەرەك. ۇلىڭ بولسا وتاۋ تىگەدى. قىزىڭ بولسا جات جۇرتتىق. تەك، قاسىڭدا قۇداي قوسقان قوساعىڭ قالادى. قانداي جاعدايداي بولماسىن ەرىڭە باعىن، كوڭىلىن تاۋىپ، ريزا ەت دەپ، شەگەلەپ ايتتى. بۇنى ءدىنىمىز، سالتىمىز نە دەپتى. ايەلدىڭ ەركەككە بوي ۇسىنىپ، قۇرمەتتەسە ونىڭ بارار جەرى ءجاننات ەكەنى جايلى ۋمم سالام: «كەز كەلگەن ايەل، كۇيەۋى ريزا بولىپ ولگەن بولسا،ول ءجانناتقا كىرەدى»- دەگەن،پايعابار (س.ع.س) ءحاديسىن بىزگە جەتكىزدى. قازاق: « قۇداي قوسقان قوساعىڭ»، « وتىز ۇلىم بولعانشا، وسىراق شالىم بولسىن» - دەپ، بەكەر ايتپاعان. ونىدا قازاقتىڭ ءجاي ءسوزى سانايمىز. ءمان، ماعىناسىنا ۇڭىلمەيمىز...

ا. نەكراسوۆ ەركەكپەن سالعىلاسقان ايەل، ايەل ەمەس دەپ، ايتام دەپ، ايەلدەردىڭ داۋىنا قالدى. ەركەك مىنەزدى، باتىر ايەلدەر بارما دەپ، ەدى. ءبىراز، ايەل، قول كوتەردى. اناتوليي سەندەر، وندا ايەل ەمەسسىڭدەر دەپ، ەدى. ءبىر حانىم، قالاي دەپ، داۋىسىدا جۋان ەكەن، گۇر ەتتى. سولاي، ءسىزدىڭ دەنەڭىزدە، ايەل مۇشەسى بولعانىمەن، جان سەزىمىڭىزدە نازىكتىك جوق، ەركەك بولىپ كەتكەنسىز دەپ، سالدى. انا، ايەل، شامدانا باستاپ ەدى. مەن ءسوزىمدى دالەلمەن، عىلمي تۇرعىدا ايتىپ تۇرمىن. ءسىزدىڭ جان دۇنيەڭىز وزگەرىپ بارادى، پسيحولوگ قا بارعانىڭىز ءجون دەدى. قالاي ءبىلدىڭىز، نەمەن انىقتايسىز دەپ، ەدى. ءوز داۋسىڭىزدى ءوزىڭىز ەستيسىزبە، داۋسىڭىز ەلدەن ەرەك ەكەن، دەپ، ءسوزدىڭ تىگىسىن جاتقىزدى. ايەل تۇسىندىمە، جوقپا، قايتىپ ۇندەمەدى. ايەلدىڭ گۇجىلدەگەن داۋىسى، قۇلاقتا قالدى. قازاقتان ءسوز قالعانبا دەيمىز، ماعىناسىنا ۇڭىلمەيمىز. ءبىراق، وسى ءتامسىلدىڭ ءبارى اناتوليي ايتقانداي كوپ جىلدىق تاجىريبە، ونەگە، ءتالىم ارقىلى قالىپتاسقانى بەلگىلى. قازاق: «ەركەك داۋىستى ايەلدە ۇيات جوق، ايەل داۋىستى ەركەكتە قۋات جوق» دەپ، باياعىدا انىقتاماسىن بەرىپ قويعان. ەركەكتتىڭ، ايەل الدىنداعى دارەجەسى تىم جوعارى جايىندا، ابۋ حۋرايرا جەتكىزگەن پايعارىمىز مۇحاممەد (س.ع.س) حاديسىندە: «ەگەر مەن، بىرەۋدىڭ بىرەۋگە ساجدە جاساۋىنا ءامىر بەرۋىنە ءماجبۇر بولعان بولسام، وندا مەن ايەلدىڭ كۇيەۋىنە ساجدە جاساۋىنا ءامىر بەرگەن بولار ەدىم» دەگەنى، دالەل.

ال، اناتوليي مىرزادا ەركەكتىڭ دارەجەسى، ايەلدىڭ ەرىنە باعىنۋى بۇلجىماس قاعيدا دەپ،   ناقتىلاپ تۇرىپ تارقاتتى... ايتقانى حاديسكە ساي كەلىپ تۇر...

انانى سيلاۋ، قۇرمەتتەۋ، ايالاۋ، اسىرەسە، انالىق بورىشتى وتەۋ وتە اۋىر، بۇنى ءار ادام جادىنان شىعارماۋىن ءوتىندى. قازاق ونى ءبىراق اۋىز سوزبەن تۇيىندەگەن. قازاق: «اناڭدى ءۇش رەت، مەكەگە ارقالاپ بارساڭدا، اق ءسۇتىن اقتاي المايسىڭ» دەسە، ارداقتى پايعامبارىمىز مۇحاممەد (س.ع.س) ءحاديسى «جۇماقتىڭ كىلتى انانىڭ تاباننىڭ استىندا» -دەيدى. بۇل انانىڭ ءقادىرىنىڭ، ونى ارداقتاۋدىڭ ءمانى وتە زور ەكەنىن ۇعامىز. وسىعان ساي امال ەتۋ ءاربىر مۇسىلماننىڭ، ءار قازاقتىڭ بۇلجىماس مىندەتى.

اتا-اناعا جاقسىلىق جاساۋ – ۇلى، ابزال امالداردىڭ ءبىرى، ءتىپتى اللاھ حاقىسىنان كەيىن كەلەتىنى دە، وسى اتا-انا حاقىسى. بۇل جايىندا اللاھ تاعالا قۇراندا: «راببى،وزىنە عانا عيبادات ەتۋلەرىڭدى، اكە –شەشەگە جاقسىلىق قىلۋلارىڭدى ءامىر ەتتى. ال، ەگەر ول ەكەۋىڭنىڭ ءبىرى نەمەسە ەكەۋى دە جاندارىڭدا كارلىككە جەتسە: «تۋھ» دەمە (كەيىس بىلدىرمە) سونداي – اق ول ەكەۋىن زەكىمەدە، ول ەكەۋىنە سىپايى ءسوز سويلە»، - دەيدى، (يسرا سۇرەسى، 23 اياتتا)

ال، ءبىز نە قالدەمىز. قازاقتا بولماعان قارتتار ءۇيىن ورناتتىق. قاريالار كوزدەرى مولدىرەپ، ءتورت قابىرعاعا تەلمىرىپ قالدى. بۇل حاقتى تانىپ، جاراتۋشىعا بوي ۇسىنباعاندىق جانە قازاقي سالت سانا، ادەپ عۇرىپتان ماقۇرىم قالعاندىعىمىزدىڭ ايعاعى.

يت قازىنا، تۇرسىن ءبىراق دالادا...

يت تۋرالى. ۇيدە يت ۇستاۋ تۋرالى 20 مينۋت اڭگىمەلەدى. مەن ويلادىم، قاراكوزدەر مۇنى تىڭداماي، ىبىر جىبىر بولاتىن شىعار دەپ، ويتسەم جوق، ۇيىپ وتىر. يت اسىراۋ كوبىنە جالعىز باستى ايەلدەرگە ءتان. ولار باسىندا جالعىزدىقتان ەرمەك ءۇشىن، سوڭىنان ءيتتى ايالايدى، ەركەلەتەدى، ايمالايدى. سودان، بار ىقىلاسى، سۇيىسپەنشىلىگى ماحابباتى يتكە اۋادى. يتىنە كەزدەيسوق بىرەۋ تيىسسە مەنىڭ وتباسىمنىڭ مۇشەسىنە تيىستىڭدەپ، رەنىش داۋ تۋدىرادى. ءيتتى وتباسىنىڭ مۇشەسىنە سانايدى. وتباسىنىڭ مۇشەسىنە يت كىرسە، ول ءۇي ءيتتىڭ وتباسى بولىپ سانالمايما. سودان، ادامدىق قاسيەتىمىز .حايۋاندىق قاسيەتكە كەتەدى. مۇسىلمان ادامعا يت جاقىنداسا، دارەتى بۇزىلادى. ىدىس اياققتى يت يىسكەسە، ول ىدىس اياق قارامعا سانالادى. ۇيگە يت كىرسە، سول ءۇي قارام، پەرىشتە جولامايدى. ابۋ حۋرايرا جەتكىزگەن مىنا حاديستە: «يت نە قوڭىراۋلى توپپەن بىرگە پەرىشتە جۇرمەيدى» - دەپ، جەتكىزگەن. سوندىقتان، ەرتەدەگى قازاقتار ءيتتىڭ تازا تۇقىمدارى، توبەت، تازى عانا ۇستاعان. ولار ءۇيدىڭ ءىشى تۇرعوي ءۇيدىڭ ەسىگىنىڭ الدىنا كەلمەگەن. يەسى شاقىرعاندا كەلەتىن بولعان. توبەت دەگەن، توبەدەي يت، تۇندە، اۋىل كۇزەتىپ توبەدە جۇرگەن. وسى قىلعى ءۇشىن، توبەت اتانعان... تازى يت، دەگەنىمىز تازا يت، وسى ءيتى عانا قازاق ءۇي ىرگەسىنە جولاتقان. ونىڭ ءمانىن ال-بۋحاري، ءمۇسليم، ابۋ حۋرايرالار جەتكىزگەن: «ءيتتى قورعانۋدان باسقاعا ۇستاعاننىڭ ساۋابى ءار كۇنى ەكى كاراتتان كەميدى» -دەگەن حاديس دالەل. ، جوعارىدا جازعانىمىزدان قازاق بۇل ءحاديستى جاقسى ءبىلىپ، مىقتى ۇستانعانىن كورەمىز. ال، ءقازىر نە ىستەپ ءجۇرمىز. ءيتتى موينىمىزعا مىنگىزىپ، قوينىمىزعا الىپ جاتاتىن بولدىق. بالاسىزعا بالا، پاناسىزعا پانا، سەرىك بولدى. ءيتسىز تۇرا الماتين قالدەگىلەر قانشاما. حارامدى، حالالدى ايىرۋدان قالدىق... ۇيىڭە پەرىشتە جولاماسا، ساۋابىڭ كەمىسە، مۇسىلمان بولعانىمىز، كىمگە كەرەك. حالالعا بوي ۇسىنۋ اقىر زامان بولعاندا تەك وزىمىزگە كەرەك.. قازاقتىڭ ويلاناتىن، وي تۇيەتىن كەزى ءوتىپ بارادى... كەش قالمايىق....

جەتىستىكتىڭ شىڭى...

ءار ادامنىڭ تاعدىرىنا جازىلعان جەتىستىكتىڭ شىڭى بولادى. وعان ءار ادام ءار قيلى جەتەدى. بىرەۋلەر ەڭبەك قورلىعىنىڭ ارقاسىندا. كەيبىرى ادامداردىڭ قولداۋىمەن. كەيبىرەۋلەر كۇندىز ءتۇنى تىنىمسىز ەڭبەك ەتىپ، ماڭىنداعى تىرشىلىككە زەر سالماي، تەك ءوزى ىسىمەن اينالاسۋ ارقىلى جەتەدى. ادامدا ماشينا سياقتى، ەنەرگيامەن قوزعالادى. سول ەنەرگيانىڭ تۇگەسىلۋ شەگى، سول ادامنىڭ جەتىستىككە جەتۋ شەگى بولىپ تابىلادى. وسى شەكتىڭ شاناعىندا بىرەۋ جەتىستىككە جەتەدى، بىرەۋ ەنەرگياسى ءبىتىپ ناتيجەدەن ماقۇرىم قالادى. سوندىقتان، جەتىستىك ىزدەگەن ادام، اينالاسىنا دۇرىس قاراپ، تىرشىلىكتىڭ ءنارىن، دۇنيەنىڭ ءدامىن جان جاقتى سەزە بىلگەن ءجون. بۇل ايتا بەرسە، كوپ سالالى. بيزنەستىڭ شىڭىنا جەتكەندەر بولادى. ءوزى باي، ءوزى قۇداي. ەلدەن ەرەك. ەشكىمدى مەنسىنبەيدى. قوعامنان اجىرايدى. ەلدىڭ بارىنە كۇدىكپەن قارايدى. اينالاڭا كۇدىكپەن قاراۋ، دەرتكە ۇلاسادى. دەرت باسسا ءسىزدىڭ تىرلىگىڭىزدىڭ قايىرى كوك تيىن. بىرەۋ بايلىق قۋسا، بىرەۋ اتاق، مانساپ، ەندى بىرەۋ ءبىلىم، عىلىم قۋادى. وسىنىڭ بارىمەن جۇيەلى تۇردە، اينالىسپاساڭ دۇنيە بەكەر. باي بول، جاڭالىق اشقان عالىم بول، اياالايتىن ۇرپاعىڭ، ارالاساتىن اعايىن، دوس جارانىڭ بولماسا، اقشانىڭدا، اتاقتىڭدا قۇنى كوكتيىن. بۇنى «ءناپسى» دەيدى. ءناپسى قۋعان، ءتۇپتىڭ تۇبىندە ءناپاقاسىز قالادى، دەگەن قازاق.

ءناپسىنى سايتان تۇرتەدى، اسىرايدى، جەتىلدىرەدى. شىڭىنا جەتكەندە، سەنى شايتان ماسقارالاپ تاستاپ كەتەدى. سول، كەزدە ساعان ءجون ايتار، ارا تۇرار ەشكىم بولمايدى. ويتكەنى سەن، ادامدارمەن، اينالاڭمەن ارالاسقان جوقسىڭ، شىڭعا جالعىز شىقتىڭ، ەندى جالعىز ءتۇسۋىڭ كەرەك. ارتىڭدا بايلىعىڭا، اشقان عىلىمىڭا يە بولاتىن، تاربيەلى ۇرپاعىڭ بولماسا، كىمگە كەرەكسىڭ.

ءتۇيىن

ا. نەكراسوۆتىڭ لەكسياسى تىڭداۋشىلارعا جاقسى اسەر قالدىردى. ايتىلعان اڭگىمە جاقسى وي، ناقىل سوزدەردى ءبىزدىڭ قارا كوزدەر ءاناتولييدىڭ يدەيالارى دەپ، قابىلدادى. ونى وسى لەكسيا بارىسىندا تەرەڭ ءتۇسىندىم. ءتىپتى ءبىر قاراعاندىلىق كەكسە ايەل:

- مەن ا. نەكەروسوۆتىڭ وتباسى جايلى جازعان كىتابىن جاستانىپ جاتام دەپ، سوقتى. وسىدان اق، قازاقي سالت سانامىزدان ايرىلىپ، «اللاھۋ تاعالاعا» ەمەس، ادامعا تابىنىپ كەتكەندەيمىز. لەكسيانىڭ نەگىزى، جوعارىدا كەلتىرگەنىمدەي قازاقتىڭ كۇندەلىكتى ومىرىندە قولدانىلىپ كەلگەن، قاراپايىم قاعيدالار ەكەنىن وقىرمان قاۋىم، بايقاعان بولارسىزدار. بۇل، ءاناتولييدىڭ وي، يدەيالارى ەڭبەگىن جوققا شىعارعاندىق ەمەس. اناتوليي وسى قۇندىلىقتاردى بايىتتى، زەرتتەدى، زەردەلەدى. قاجىماي ەڭبەكتەنگەنى سونشالىق ادامي قۇندىلىقتار جايلى 27 كىتاپ جازىپتى. بۇل ۇلكەن ەڭبەك، جەتىستىك. وقىعان لەكسياسىنىڭ قۇنىدا زور ەكەن. ەكى ملن. تەنگە دەپ ەستىدىك. بۇل، تابىس، جەتىستىك ەمەسپە. ءبىز نەگە ىزدەنبەيمىز. نەگە ناسيحات، ۋاعىز ناشار. ءوز عۇلاما، عالىمدارىمىزدى باعالامايمىز. عالىمدارىمىز نەگە، ءالسىز. مۇسىلماندار، قازاقتار اللاھتىڭ تۋرا جولىنا باعىتتايتىن يگى ىسكە كەلگەندە السىزدىك تانىتپاي، كەرىسىنەشە العا ۇمتىلىپ، جىگەر تانىتقانىمىز ءجون. پايعامبارىمىز مۇحاممەد (س.ع.س)- نىڭ:

- «ءالسىز مۇسىلماننان مىقتى مۇسىلمان قايىرلى، ياعني جاقسىراق. ءبىراق، ەكەۋىندەدە قايىر بار» - دەگەنىن ءحاديسىن ءار كەز ەستە ۇستايىق. اللاھۋ تاعالانىڭ ريزاشىلىعى، ۇلتىمىزدىڭ كەلەشەگى ءۇشىن، ءار قازاق ۇلتتىق قۇندىلىقتارىمىزدى بىلۋگە، عالىم، عۇلامالارىمىز ونى ۇيرەتۋگە قۇلشىنىپ، جىگەر تانىتىپ، تاۋەكەل ەتەيىك.

داحان شوكشير