شقو بيىل ق ر كونستيتۋسياسىنىڭ 20 جىلدىعىنا وراي، پروكۋراتۋرا، سوت، يۋستيسيا، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جانە بارلىق دەڭگەيدەگى ءماسليحات وكىلدەرىنىڭ قاتىسۋىمەن «جەتى جارعىدان كونستيتۋسياعا دەيىن» اكسياسى وتكىزىلەدى، دەپ حابارلايدى شقو اقپاراتتىق ورتالىعى.

– ق ر كونستيتۋسياسىنىڭ 20 جىلدىعىنا وراي، وڭىردە ۇيىمداستىرىلاتىن ءىس-شارالار تىزىمىندەگى نەگىزگى باسىمدىق – قۇقىقتىق مادەنيەتتىڭ قالىپتاسۋىنا، مەملەكەتتىك قۇرىلىم قاعيداتتارىنىڭ نەگىزى رەتىندە زاڭنىڭ ۇلىقتىلىعىنا بەرىلەدى. مەرەيتويلاردى اتاپ ءوتۋ بويىنشا بەكىتىلگەن وبلىستىق جوسپارىنا ايماقتا وتكىزىلەتىن عىلىمي-پراكتيكالىق كونفەرەنسيالار، دارىستەر، سىنىپ ساعاتتارى، پاتريوتتار فورۋمى، مەرەكەلىك شەرۋلەر، دوڭگەلەك ۇستەلدەر كىرەدى، – دەدى شقو اقپاراتىق ورتالىعىندا وتكەن بريفينگتە وبلىس اكىمىنىڭ ورىنباسارى جاقسىلىق ومار.

ج.وماردىڭ ايتۋىنشا، ايماقتا وتكىزىلەتىن ءىس-شارالارعا جاستار، قالالار مەن اۋداندارداعى بارلىق ارداگەرلەر قاتىسادى. سونداي-اق، مەرەكەگە وراي شقو تامىز ايىندا باستالاتىن جالپىۇلتتتىق اكسياسى ق ر كونستيتۋسيا كۇنى 16 جاسقا تولعان ازاماتتارعا پاسپورت، جەكە كۋالىك تاپسىرۋ سالتاناتى ۇيىمداستىرىلادى. ءدال وسى كۇنى وسكەمەندەگى بوتپاي تاۋىنداعى رامىزدەر كەشەنىندە مەملەكەتتىك قىزمەتكە الىنعان جاس قىزمەتشىلەردىڭ ءداستۇرلى انت قابىلداۋ سالتاناتى وتكىزىلەدى.