تانىمال ءانشى، پروديۋسەر جانە "قازاقستان داۋىسى" ۆوكالدى شوۋىنىڭ ءادىل قازىلار القاسىنىڭ مۇشەسى الماس كىشكەنبايەۆ جارتى جىل بۇرىن تۇسكەن سۋرەتىن جاريالادى.
فوتودان جاس ءانشىنىڭ سىرتقى كەلبەتىندەگى وزگەرىستى بىردەن بايقاۋعا بولادى.
"ءبىرىنشى سۋرەت وتكەن جىلدىڭ جازىندا جاسالعان، ەكىنشىسى تاياۋدا عانا ءتۇسىرىلدى. اعا مەن ءىنىنىڭ سۋرەتى سەكىلدى"، - دەپ جازادى ءانشى.
ەستەرىڭىزگە سالىپ وتسەك، "قازاقستان داۋىسى" جوباسىنان وزگە، الماستىڭ سوڭعى شىعارماشىلىق جۇمىستارىنىڭ ءبىرى رەتىندە 26 اقپاندا پروكاتقا شىعاتىن "ءومىر-اي" كوركەم ءفيلمىن اتاۋعا بولادى. اتالمىش كارتيناعا قازاقستاندىق جۇلدىزدار تۇسكەن.
2010 جىلى وتاۋ قۇرعان الماس پەن ءمولدىردىڭ زەرە ەسىمدى قىزدارى بار. دەرەككوز: Bnews.kz
