الماتى اۋەجايىنىڭ ماڭىندا «SCAT» اۋە كومپانياسىنىڭ ۇشاعى اپاتقا ۇشىراۋىنا بايلانىستى قىلمىستىق ءىس قوزعالدى - باس پروكۋراتۋرا. 2013 جىلعى 29 قاڭتاردا ساعات 13 شاماسىندا الماتى قالاسىنىڭ اۋەجايىنا شامامەن 5 شاقىرىم جەتپەي «كوكشەتاۋ-الماتى» باعىتىندا «SCAT» اۋەكومپانياسى» اق-نىڭ №760 اۆيارەيسىن ورىنداۋشى «Challenger-200» ۇشاعى اپاتقا ۇشىرادى، دەپ حابارلادى ق ر باس پروكۋراتۋراسىنىڭ باسپا ءسوز قىزمەتى. الدىن-الا مالىمەتتەرگە ساي اۋە كەمەسىنىڭ بورتىندا 5 ەكيپاج مۇشەسى جانە 15 جولاۋشى بولعان. بۇل دەرەك بويىنشا باس كولىك پروكۋراتۋراسى ق ر قك 295-بابىنىڭ 3-بولىگى بويىنشا قىلمىستىق ءىس قوزعاپ، ءوزىنىڭ وندىرىسىنە قابىلدادى. جەدەل تەرگەۋ جانە اپاتتىق-قۇتقارۋ شارالارىن جۇرگىزۋ ءۇشىن وقيعا ورنىنا باس كولىك پروكۋراتۋراسىنىڭ جانە ىشكى ىستەر مينيسترلىگىنىڭ وكىلدەرى، سونداي-اق توتەنشە جاعدايلار مينيسترلىگىنىڭ بولىمشەلەرى شىقتى. وقيعا ورنى وقشاۋلاندى. وقيعا ءمان-جايلارى، سونداي-اق قۇربان بولعاندار مەن زارداپ شەككەندەر تۋرالى مالىمەتتەر ناقتىلانۋدا. «قازاقپارات»